بنات ممكن تساعدوني في مكان يعمل بوفيه سعره جيد وكويس بجدة

بنات ربي يوفقكم لقيت قاعة اسمها جاردن سيتي
فقط ايجار القاعة ب3000
تجي "الكوشة و الدي جي و5عاملات و الخدمة اعتقدشاي وقهوة وعصير +ليزر ودخان)
حيث اذا اردت عاملة زيادة ادفع 100
فحابة احد يساعدني بمكان يعمل بوفيه ل200شخص اعتقد 20متر ويجي مجانا 2او4متر عادة مع التورتة 5ادوار مايزيد عن 6000-7000
وكمان ابغى احد يساعدني بتنظيم وتنسيق المكان بحيث ما تكلفني اكثر من 1500بتزين الطالاوت ومايحتاج اليه
اما حلويات الطاولة انا عميلة سمر للحويات من زمان فاقدر ادبرها
لانه من جد امكانيات ما اقدر ادفع اكثر من 20الف وبكده اكون اختصرت الوقت وماتعبت نفسي بالبحث عن قاعة او فندق
فاذا لاحظتوا يعني 3000فقط ايجار+بوفيه 7000مثلا=10الاف
وحلويات مع تزين طاولة 4000مثلا فهذي 14الف
ابغى وحد تعمل بوكيهات للطاولات ماتكلف عن 1000ويكون شكلها حلو
وبكده يصير 15الف
ودفتر عروس وطاولة مدخل وتزين بلكونة او ممر عروسة يعني توصل الى 18الف ويبقالي 2000الاف اروح لكوفيرة ومنها اعمل زفتي ومنها كمان ازين سيارتنا ومنها افصل فستاني واشتري مسكتي وكاسة العصير ازينها
بليز بنات ساعدوني وشكرا لكم