بنات وصفه سهله وحلوه

1. مدةالخلطه :


2. طبعا اغسلي شعرك بالشامبو الل تحبينه وصففيه .


3. للأمانه :

السلام عليكم ورحمة الله وبركاته .
بنات هذي وصفه سهله وحلوه وصدقوني انا مجربتها صار لي ثلاث سنيين وشعري روعه
مثل ماقلتلكم الوصفه سهله ومتوفره بكل بيت ورخيصه ماتكلف شي . وتتكون من خطوتين .؟؟
فوائد الخلطه :
تعالج الشعر من التقصف والجفاف ، تعطي نعومه ولمعان ، تفرد الشعر مع المداومه ، وتخلي مظهره صحي .
نجي للمهم :
الخطوه الأولى :
هاتي اي زيت عندك تفضلينه وبينك وبينه علاقه رومانسيه لول ، مايهم اي زيت ، زيت خروع ، سمسم ، زيتون ، جوز هند ........ زيت تشحيم خ الاخير مزحه لاتصدقون .
اي زيت تفضلينه سواء مجموعة زيوت او زيت انت حضرتيه باعشابك الخاصه
شخصيااستخدم زيت بارشوت .
المهم ادهني شعرك من البصيله للأطراف زين وسوي مساج لفروة راسك عشر دقايق وعقبه مشطي شعرك .
الحين الخطوه اللي بعدها والأهم .
الخطوه الثانيه ( هنا يكمن السر ) :
تجيبين بيضه او بيضتين او ثلاث .... الخ حسب طول وكثافة شعرك ، انا احط اربع بيضات او خمس ..عاد مو تاخذين طبق بيض بعدين يجون اهلك يحرقون شعرك خ لابوك لابو الخلطه ...
وتخلطينها مع عسل اصلي . ملعقة طعام لكل حبة بيض .
اخلطيهم لين يتجانسون مو تصلحين فيها كيكه بس يتجانسون . اوكيه . وتدهنين فيه شعرك فقط الشعر . راح تحسين بلزوجه وشعور بالضيق.....
لا جد راح تحسين بصعوبه بسيطه في المد بسبب العسل بس هذا المطلوب لان سماكة الخلطه هي اللي تعطي النعومه وتفرد الشعر
ملاحظه :
اللي تكره ريحة البيض مثلي تحط نقاط من روح الفانيليا اثناء خفق البيض بكذا يخف وقع الريحه شوي .
خطوه اختياريه :
1 لفي شعرك بنايلون حفظ الطعام ، وعقبه اربطيه عشان مايوصخ .
2 الافضل لو تحطين فوقه منشفه مبلوله بماء دافئ عاد ركزي مو حار ينطبخ البيض بشعرك

مدةالخلطه :

ثلث ساعه الى نصف ساعه ، وإذا حابه تزيدين الوقت حطي الدهن قبل عشر طعشر ساعه .... اقصد الوقت اللي تحبين وقبل لاتغسلين شعرك بثلث ساعه حطي خلطة البيض والعسل .بالعربي العسل والبيض يقعد في شعرك بس ثلث ساعه اخر كلمه حطي تحتها خطين ..
اوكيك ياكيك.

طبعا اغسلي شعرك بالشامبو الل تحبينه وصففيه .

للأمانه :

الخلطه فعاله خاصه مع المداومه ،على فكره انا بعد اقل من شهر بدى مفعولها يبين والحين شعري ماشاءالله ماشاءالله (خايفه انضل روحي ) تحت ظهري بكثير وماشاءالله كثيف ومايستااقط الا اذا حالتي النفسيه مش ولابد ويااكثرها شعري الحين يقوول في كل مناسبه وخروا عني ايام ذا بيست
منقول للإفادة