بودرة جسم بلمعه

حبيبيتي عندج ملمع للجسم من ذى بودي شوب انا استخدمته على شكل لوشن مسك وايت
والله لمعته حلوه وريحته أحلى بس لازم بشرة جسمك مافيه كريم أسااس عشان تبين اللمعه
وهم اخذت من بودي شوب الملمع اللي بالتوت الاحمر ويع ريحته باايخه لاتاخذينه والله شريته خسااره
لما حطيته بجسمي لا لمعه ولا ريحه عدله بس لما جربينه بأيدج تطلع اللمعه أشكثر وعلى اخرطي
ومن نااحية بودرة اللمعه أنا جربت بودره عااديه مو مااركه احطه بالعرووس حيل عجيبه
من المنصور لونه كحلي بس والله موذااكره اسمه لاني انا الحين بالدواام
انتي قولي للهندي عطني بودرة لمعه علبه مدوره

عزيزتي بودراات الجسم عندك بوودي شوب اطلبي منه انواع البودراات الى بلمعه راح تشوفين اشكال وريحتهاا حلووه......
واذاا تعرفين ماركة فيكتورياا سيكرريت ومتووفره محلات تبيع منتوجاتهاا فهي افضل ماركه بشغلاات الجسم والبودراات واللوشااناات

هلا حبوبة..
طلبج بتحصلينه أن شاءالله عند فيكتوريا سيكرت وبودي شوب..وأهما دايماً ينزلون شغلات جديدة..نعومي منزل كولكشن جديد بس ماعندي فكرة بالضبط أذا أهي نفس نوعية البودرة اللي تبينها ولا لأ..
موفقه.

الله يعطيكم اللي في بالكم - انا رايحه نكتار الاقي البودره عنده ولا لاء

عيوني عند اتام لمعة سايلة الوان زهر وذهبي وسماوي بس مدري الى الان عندهم او خلصت بس روعة تحطين شوي بيدك وتمسحين على المكان اللي تبين
واللة يوفقك