تأثير البعثة على بداية علاقتكم الزوجية نقاش

ياها ياغلا
انا اشوف بالنسبه للبعثه باول سنه
حلوه لوكنتوا مع بعض يعني تسافرين معاه
بتنبسطو اكثر من لو انكم بالسعوديه
لان السنه الاولى احلى سنه وبالخارج في متعه ومناظر ومتاحف وملاهي احلى من في السعوديه
غير شواطئهم رايقه وحلوه
بس اهم شي ماتطلعوا في الليل خلو خرجاتكم نهار
مع ان الامان صار عندهم اكثر من السعوديه ههه
واهم شي الخوارج ترا كلن في حاله مايتدخلون بااحد ابد
يعني فلوها وانبسطوا بيكون شهر عسلكم طويل ههه
والله يوفقك ويسعدك يارب...

اهلين يالغلا,,,انا من رايي افضل شي للزوجين اول فتره في حياتهم يبعدون,,,سواء بعثه او مدينه بعيده عن الاهل..
عشان يفهمون بعض ويتعلقون ببعض اكثر...وانا اقولك هالشي عن تجربه....
لانهم في الغربه بيصير غصب يجلسون مع بعض اكثر ويطلعون مع بعض بحكم انو مافيه معارف كثير اقل شي اول فترة...
بس اذا جلستو عند اهلكم ماراح يمديكم تجلسون مع بعض زيارات وعلاقات وواجبات,,,

نفس كلام اللي فوقي ،
اول سنة احسن شي تكون برا ، راح تزيد المحبة بين الزوجين وتقربهم من بعض

والله احسن برايي حلووه البعثه خصوصا انكم راح تكونوا قريبين لبعض اكثر بس الاهم من ذلك انك تدرسين عشان اذا راح الشغل تنشغلين بدراستك عشان تستفيدين من الوقت
الله يوفقكم

ام مايحب الإختلاط بتاتاً
واصلاً مو مقتنع بالبعثة لو طلع بعثة تخصصه ودراسته راح تاخذوا مني << كلامه
نفسي اقنعه مايضيع الفرصة ويكملها برى

اها يا قلبي جيتي على الحرج !!!!!!!!!
انا كراه فكرت السفر الي الخارج .. وما كنت ابغاها ..بس سبحان الله النصيب والمكتوب
والله انا الي شفته .. انو في البداية تكون عروسة ومكسوفة .. ولسه زوج وغربة ..بصراحة مرة كتير ..
ولسه يكون مو مجهز بيت .. ويفرشوا بيتهم .. وتعب الغربة .. والفلوس على القد... ومسؤلايات .. يعني دراسة من بداية الزواج .. ما تتهني ابدا .. ولا العريس !!!!
وتتعرف على شخصية زوجها والاشياء الي يحبها وكيف يعشوا مع بعض .. وفي يوم ضاقت نفسها .. ما في غير زوجها قدامها .. وخصوصا لو كانت زعلانة منه ... يعني في السعودية تقدر تروح تغير جو عند اهلها .. بس في الغربة طول الوقت في حلق بعض .. وهذا شي خانق !!!!!
ما ادري انا عن نفسي ما افضل ابدا .. اول شي يستقروا في السعودية .. وبعدين يسافروا .. وياريتني سويت زي كده .. بس الحمدالله ...
طيب وانتي البرفسورة .؟؟. عندك تجربة ياريت تشاركيها معنا ؟؟