تاجره ضروري ادخلي وإذا انتي مو تاجره بعد عطينا رايك

1. وآراسلها خاص ماالقى رد


2. بعد ثلاث ايام ترد علي انا فلانه وش طلبك حبيبتي؟

صباحكم ورد
مراحب لكل عضوات الفراشه
ادخل بالموضوع وابي وجهات نظركم
التاجره تتعب وتحاول تجمع اكبر عدد ممكن من الزبونات وتبي بضاعتها تكون هي الأفضل والمطلوبه بنفس الوقت واهم من هذا كله تبي رضا الزبونه عليها بحيث إن الزبونه تجيب لها زبونات من المنتدى نفسه
يعني تنزل مواضيع تمدح فيها أو ترفع مواضيعها أو أي طريقه كانت أو من خارج المنتدى عن طريق رقمهاا أو ايميلها وهكذا
طيب إذا كانت التاجره تضع رقمها عيان بيان لجميع المتصفحين سواء عضوات أو متصفحات يعني بكل سهوله تصل إليها أي زبونه ,, تاجره حطت لنا رقمها وماقصرت اتصل فيها كم يوم ماترد ارسل لها مسج انا من منتدى الفراشه وابي منك شغله وبرضو ماترد

وآراسلها خاص ماالقى رد

بعد ثلاث ايام ترد علي انا فلانه وش طلبك حبيبتي؟

غير كيذا ترسلين لها الطلب ماكأنك ارسلتي شي وانتي محوله المبلغ بعدها بيومين ارسلي طلبك ثانيه ونرسل الطلب ثانيه مافي رد نهائي يعني لاتطمنك طيب انا عضوه من المنتدى بالله وش راح اصير رجل يعني والا كيف؟ مدري وش اقول ,,, تتوقعون انتظر الشركه المرسله يتصلون علي والا انسى ومتى ماصحت هي من نومتها ترد,,,
ياتاجرات ياتاجرات ياتاجرات تبون الوحده تتعامل معكم مرتاحه وماتموت وهي تنتظر الإجابه انتم لا تتجاهلون الله يعطيكم العافيه وردو بسرعه تاجرات المنتدى ماشاء الله ماينعدون واللي ماتعجبني احط عليها اكس وادور اللي احسن منها
وفيه شغله ثانيه تخليني احط على الوحده اكس من تعاملي معها ادري إن مقصدها مادي بحت يعني مايهمها الا المبلغ وبدون ماتسألني تقول طمنيني إذا وصل والا تسألني بعد فتره وش اخبار (( الشي اللي طلبته)) يعني إذا صار كريم أو زيت وش اخبارك بشريني شفت فالمنتدى عجب والله
على فكره مااقصد كل التاجرات وعشان الكل ينتبه للنقطة هذي واقسم بالله فيه تاجرات تعامل ذوق وقمه وبمجرد ماتطلبين طلبك يوصل بعد التحويل
ردودكم بنات يعطيكم العافيه