تبون رجآلكم يسولفون ويمسكون خط اذا خشووا هنا لاهنتوا

السلام عليكم
كيفكم ياحريم ..
باقولكم سالفه صغيرونه
طبعا ً قبل كم يوم بينمآ كنت أطقطق ع البي بي
إلآ وتنقز لي زوجة اخوي بلغز وتقولي تكفين حليه
آلغز
" وش الشي اللي يسويه الرجال مره من أول ماينولد إلين يموت ..
والبنت 4 مرآت بالسنه ؟ "
وانا اللي انقز لزوجي واقوله
واو عاد تعرفون انتم الرجال لما يتفلسفون
أول ماجيته اقوله عطاني نظرة " نيوتن " وحرك يده شوي وبرفعة حااجب
وتكيه ع الجدار وقالي بكل هدوء " معروف "
وانا اللي اقوله وشو طيب .. يعدل الوقفه ويحرك يدينه ويبدا التفلسف
ويقول .. الأسم ..
وانا اللي افقع ضحك واقوله كيف ؟؟
يقولي عادي الرجال له اسم مره وحده بينما الحرمه كل مره يتغير
مره مع ابوها ومره مع زوجها واذا ترملت تطلع بطاقه ثانيه واذا تزوجت ثانيه تطلع ثانيه
وهكذا ...
قلت له طيب احنا نتزوج بالسنه 4 مرات .. > والله لو انه كذا لا أفل ام امها ..
وعاد من يوم ماقلت له اللغز
وهو داخل طالع يعيده علي ويفكر ويتفلسف ..
ولا حتى يوم جااء ينام قام وفز من نومه
وانا اناظره اقول سلامات وش جاه ؟!!
إلآ ويقولي " آلتطهير " وانا اغشى ضحك
كيف بالله نتطهر احنا كل سنه 4 مرات والله لا اسوي عملية تحويل جنس
لا ولما طلع لربعه اتصل علي وهو بالعاده عند ربعه مايتصل
الا ويقولي هآه عرفتي الجواب سألت فلان وفلان وفلان
ولا عرفوآ ومتحدي فلان وفلان وفلان اللي يعرفه قبل يعشي
الثاني وعياله بمطعم .. > وانا خشتي من هنا لهناك اقول زين
يتصل ويسولف
عاد تبون رجالكم داخلين طالعين يسولفون
وكل شوي متصلين عليكم ومتحمسين
ومالهم سيره الا مرتي ومرتي
قولوا لهم آللغز وشووفووا كيف يسولفون ويمسكون خط
واذا عرفوا آلجوآآآآآآآآآآآآآب تكفون قولوآ لي
باموت على مآ أعرف آلحل
وصلى الله وبارك