تبي تشتري مكياج الكل يسألك عنه تجربتي

نظرة إحساس

12-01-2022 - 07:40 pm

صباح / مساء الخير
ياحلوين انا اعشق المكياج بصراحه واحب اشوف كل جديد ..
دايم انا الي اقضي ل عرايسنا المكياج وكثير صديقاتي يتصلون علي يطلبون مني اسماء ماركات مكياجي
لان لي خبره بهالمجال والسبب حبي له ...صح مانى فنانه في حط المكياج بس مكياجي لنفسي دايم ناعم او بسهره اثقله والي يناسبنى ...
طبعا الميزانيه محدوده ..ولا العب خلاص اشتري الي اعرفه والتجارب لا الا اذا كنت متأكده..<< ياطول سواليفها خ
انا مابغى الا تدعون لي لو بظهر الغيب ربي يتمم حملي على خير ويعوضني صبري بعد 7 سنين انتظار ...
اول شئ في كريم لازم تحطينه قبل الاساس اسمه
كريم قالنس الاخضر .. عند كريولاين والي تبي تعرف وين تنباع هالماركه انا اخذها من روج
هذا يعطي لمعه طبيعيه وحلووه مره الي بشرتها دهنيه لاتكثر تحط قليل والي جافه تحط منه
تحطين نقطه بس عشان بس يلمع ويخلي نضاره بالبشره
وفي عند ماك << في جده ردسي مول - ومركز التحليه
ستروبي هذا تحطينه قبل الاساس عشان مايتقشر وممكن يعطي نضاره وفي انواع للبشرات ..
الاساس ..
كريولاين الدائري الابيض وذي صورته
او اذا حبيتي ديور كمان حلو وخفيف ..
بس بالمناسبات افضل كريولاين هذا يستخدمونه اغلب الكووفيرات واحسن كوفيره عندنا بجده قالت لي عليه ونصحتني اشتريه جزاها الله خير ...
قبل الاساس ممكن تحطين خافي عيوب اذا تحتاجين يابنات الخافي من فور ايفر
بس لاتااخذين العلبه الطويله الي فيها كل الالوان ترى والله كذب خذي بس الي يناسب بشرتك يكون افتح درجه وبس دائري وصغير او عصار وصغير ..
هذي العلبه الطويله الي اقصد الها دااعي..
انا احطه على الجفون قبل الاساس وعلى الحبوب اذا في ذاك الوقت ..
ذا الي اقصده وحده لحالها وافتح من لو بشرتك درجه
الاظلال <<< نصيحه روحي محمود سعيد وخذي الدائريه الي اسمها ام طاقيه عليها حرمه لابسه طاقيه
احسن انواع اظلال ..
يابنات مرسووم عليها وحده لابسه طاقيه ذا الي اقصده مو اسمها ام طاقيه ههه
احلى شى بالاظلال ممكن تخففينها وممكن تكون ثقيله وغير كذا تختارين الوانك براحتك ويحطها لكي بعلبه
ونصيحه للي تسافر كثير لاتحطها بعلبه تخليها بالبلاستيك حقها عشان ماتتكسر مثل هالصوره
البلاشر << ايف سان لوران او برجوا ..
الماسكار << لانكوم السوداء --- والازرق فلوريلا تجن
الكحله << الاسود لانكوم وباقي الالون جيسكا الصغيره الي بخمسه ريال ..
الروج << في ج. كازانوفا عند محمود سعيد رائعه ...
البودره << نسيتها كالعاده ههه من ماك وانتى مغمضه حتى تستخدمينها بدون اساس في طلعات العصر والدوام..
هذي صورة البودره
يابنات لاتنسون تدعون لي لو بظهر الغيب ربي يرزقني هالحمل ويجعله سليم معافي ..
ويرزق كل محرومه ياحي ياقيوم..

التعليقات (9)

نظرة إحساس

12-01-2022 - 11:15 pm

نسيت اقولكم الاضاءه تحت الحاجب
بودي شوب الدائريه الي لونها فضي
اخذ ذهبي وفضي
ورسم الحواجب من فور ايفر الي بالريشه والعصار
وفي كزحله زرقاء بس بشوف اختي من وين اخذتها لها لانى ناسيه ووبعلمكم من وين لوونها اززررق يجنن

طالبه فزعتكم

13-01-2022 - 12:16 am

يسلمو ياعمري على هالطرح المفيد وانا اموت بالمكياج لكن أسألك الهالات السوداء تبان حتى بعد المكياج وش الحل فيها؟؟؟؟ قبل الأساس نحط كريم قالنس الاخضر وإلا ستروبي؟؟

قلبي مدينه كل سكانهأ أنت

13-01-2022 - 01:17 am

يسلموو ياقلبو
والله يثبت حملك يارب ويرزقك بره وعقبال ماتنزلين موضوع تبشرينا عن ولادتك بالسلامه

نظرة إحساس

13-01-2022 - 02:18 am

الهالات السوداء اذا اخترتي خافي عيوب درجته تناسب مستحيل تبان بس انتي شوفي فو ايفر
انا قبل كم سنه اخذت لون فاتح افتح من بشرتي ولون غامق وكنت ادمجهم مع بعض واحطهم ..
ياقلبي قبل الاساس تحطين اول شى قالنس الاخضر بعدين ستروبي وكل واحط نقط بسيطه
يفضل ستروبي تخلطينه مع الاساس ...
جزيتي خيرا"
واي سؤال انا حاضره ..

نظرة إحساس

13-01-2022 - 03:19 am

قلبي مدينه ..
ربي يرزقك الخير ..

أحاسيس متناثرهـ

13-01-2022 - 04:20 am

اللي يحقق اللي تمنينه وموفقه

roze55

13-01-2022 - 05:21 am

يسلمو
الله يرزقك ما تمنين

سومه الحلوه

13-01-2022 - 06:22 am

يارب تعافيلك جنينك وتفرحي بولادته سالم معافى ياكريم يامن اذا قضى امرا فيقوول له كن فيكون ....تعافي جنينها وتفرحها فيه يامنان يارب العالمين

لمو دوت كوم

13-01-2022 - 07:23 am

الله يرزقك الولد الصالح البار وينولك مرادك آمين

ابي فزعتكم يا بنات حائل←
افضل صالون تجميل بجده→