تبين زوجج يتذكرج اذا بيطلع من البيتحركه حلوه وبسيطه

هاي فراشات حلوات
اليوم بعد ما نظفت غرفة النوم ورتبتها وسويت تغييرات بسيطه فيها حطيت البخور وعطرتها ووزعت الشموع وصكرت الاضاءه..
بعدها رتبت ملابس زوجي عدل عدل بالكبت وبخرتهم ...هني الحركه يبت صورتنا يوم العرس واحنا مع بعض بكوشة حبنا...
ولزقتها على باب كبته من داخل ويبت ورقه على شكل قلب ولصقتها تحت الصوره وكتبت عليها... اجمل اختيار اخترته في حياتي حين اخترتك زوجا لي...الله يحفظك ويخليك لي..دلوعتك
زوجي فتح الغرفه واستانس من شكلها وبعدها فتح الكبت يبي يلبس ويطلع وشاف الصوره والكلام وجاني وابتسامه عريضه تعلو محياه وانا بالصاله وقال يعني اشوه ما توهقتي فيني؟؟ فديته واستانس حيل من الحركه
الحين طبعا كل ما يلبس و يطلع يذكرني لاني لازقه خشتي في كبته
شنو رايكم؟ هالله هالله بالردود والدعاء الحلو تراه اول موضوع لي
ودمتم يا حبيباتي
دلوعة الكويت