تجاربي الشخصية مع المرة

1. الله يجزاها الف خير اللي علمتني على هالطريقة

السلام عليكم يا بنات
المثل يقول ما تموت الحرة وفي بيتها مرة
تعرفنا انا والمرة على بعض من سنتين تقريبا
ونعم التعارف
صج صج وايد استفدت وحبيت انقل لكم الفايدة بما ان فيني وايد اشياء مسكربة اول شي تجربتي مع المرة والبواسير:

الله يجزاها الف خير اللي علمتني على هالطريقة

انا قبل فترة صار معاي شرخ وبواسير وايد تاذيت وبغيت اموت قالوا لي تنقعي بالمرة وما شفت ذيك النتيجة لمن وحدة قالت لي سوي معجون مرة واللي اهوا عبارة انج تجيبين مرة وايد وتحطينهم في قلاص وتحطين عليهم شوية ماي ثاني يوم راح تشوفين المرة صارت مثل معجون
وبعدين تعرفين انبوب الادول النقط مال الاطفال...تغسلينه عدل وتسحبين من معجون المرة وتحقنين نفسج بالليل قبل النوم....عن جد هالطريقة رهيبة 3 ايام واختفى الشرخ واختفت الآلام المرة والكرش:
تاخذين بطل ماي صحة وتنقعين فيه كسرتين او 3 مرة وتشربين منه فنجان قهوة على الريج وقبل النوم...وبعد شهر سلمي لي على الكرشة
المرة والبشرة:
تسوين معجون المرة اللي كتبته فوق تاخذين منه ملعقة صغيرة وملعقة صغيرة هردة وملعقة صغيرة زبدة الفول السوداني وتسوينهم ماسك وتحطينه على ويهج لمدة نص ساعة 3 مرات بالاسبوع
والله ان بشرتج تصير صافية وحيل حيل نضرة ومشدودة المرة والجروح:
بما ان ولادتي قيصرية فكانت امي حبيبتي على طول تحط لي معجون مرة على الجرح قمت احس ان الجرح بسرعة يبرى ويطيب
هذي تجاربي مع المرة<< منقول
وياليت كل وحدة تحط لنا تجاربها مع المرة علشان نستفيد
ولكم احلى تحية