تجربتى مع الرجيمات

1. اخواتى الحبيبات


2. ودي اقولكم عن قصتى مع الرجيمات...

اخواتى الحبيبات

ودي اقولكم عن قصتى مع الرجيمات...

انا كنت طول حياتى دبه وكل مره احاول اسوي رجيم ما اقاوم الحلويات ابدا يعني امتنع عن كل شي الا الحلويات اموت عليهم,و كل مره اقول لا عادي ألي بتزوجنى بيرضى فينى دامه اختارنى دبه المهم الي صار وصلت لعمر بديت اخاف فيه لا يفوتنى قطار الزواج والسبب يكون سمنتى وطبعا كان وزنى 99 لا ينزل ابدا بديت اسوي كل مره رجيم ولا استمر فيه الا اسبوع واحد وارجع مره اخرى للأكل ,, رغم انى كنت دائما اتحطم من نفسي في المناسبات لانى ما القي شي بمقاسي بس كنت عادي اوسع صدري واكل
الا بذاك اليوم الي كنت في بزواج وتصادفنى وحده كانت تسولف معى على نفس الطاوله وتسالنى انتى كم عندك عيال وانصدم صدمه قلت لها اصلا انا مو متزوجه قالت يؤيؤيؤ شكلك بصراحه ام عيال ورجعت بعدها البيت وانا بكامل اراده انى لازم اغير من نفسي لانى تعبت كثير وعطانى وزنى اكثر من عمري بكثير ,,واعزم العزيمه وادعي ربي انه ينحفنى
وبديت بأول رجيم قبل سنه وهو رجيم( دشتى) طبعا وزنى 99 وطولي 158 طبعا الرجيم يجنن لانه فيه اكل ما تجوعين وبعد مرورشهرين نزلت بس 6 كيلو وطبعا انا خلاص ابي انزل بقووه يعني ما فينى صبر ,فا تركت رجيم دشتى ورحت وجربت مركز الابر الصينيه مده شهر بس نظام بدون ابر ولا نزل وزنى غير 4 كيلو بس بشهر طبعا انا ابي اكثر ,,ألي صار بديت اخذ افكار من مواقع الرجيم وانواع الاكل الي ينحف والاعشاب الي تساعد على التخسيس وسويت لي ملف كامل ,,وبعد هذي الفتره من التثقيف اخترت رجيم خطير وهو رجيم عصير الاناناس والكيوي بس كان هو سبب نزول وزني فا استمريت عليه مده 4 شهور تقريبا ونزل وزنى 20 كيلو هو صحيح يذبح بس معليه ألي يبي الدح ما يقول اح خ وجد تغير شكلي نهائي لدرجه محد يعرفنى اذا صادفنى طبعا سويت نييو لوك بس ارتحت نفسيا ..
والحين بعد مرور سنه تقريبا من الاستمرار وصل وزنى من 99 الي 67 والمصيبه وقف الحين ابي اوصل 58 علشان ارتاح بس واقف مو راضي ينزل له شهرين .
حبيت انى اطلعكم على تجربتي اسفه على الاطاله
دعواتكم لي بزوج الصالح والذريه الصالحه.....