تجربتي الخاصه مع فرد الكيراتين من البدايه إلى النهايه

1. وأجعده بكريمات وبلسم بعد أواجه نفس المشكله


2. المهم ياحلوات دخلت المشغل وأنا خايفه ومعي أغراضي الكيراتين وتوابعه


3. سميت بالله وبديت<<<متحمسه تقول القصه


4. بعد كذا غلفت شعري كله بالكيراتين وخلته من 20 الى 25 دقيقه على شعري

السلام عليكم ورحمة الله وبركاته
شخباركم يافراشات إن شاء االله كلكم بخير وصحه
اليوم ناويه أقولكم تجربتي وقصتي مع فرد الكيراتين الي سوا صجه واشغل الناس
طبعا أنا بطبعي مغامره وتشجعت أني أجرب هالفرد لاني مليت وانا أستشور شعري ساعه كامله
طبعا لازم أستشور خصله خصله عشان يطلع تمام وناعم وعساه يضبط وماينفش
طبيعة شعري = شعر جاف+جذوره والقصه اهم شي ناعمه+ باقي شعري نافش ومتلفلف كاأنه خشن بس بدرجه خفيفه+ متقصف ويتساقط
وربي يابنات إذا أشتسورته وجلست ساعه أتفاجأ أن شعري نافش بحكم جونا هنا في الشرقيه مايساعد

وأجعده بكريمات وبلسم بعد أواجه نفس المشكله

لفيت في المنتديات وقريت عن الكيراتين لحد مامليت وسألت أهل الأختصاص وأطمأنيت كثير بعدها لقيت في المنتدى وحده هنا تبيعه ماأسوي دعايه لها لأني ماأعرفها أبد أبد بس أشتريت منها
وللامانه هي ذوق بقووه وتبيع المنتج الآمن الي هو جلوبل والخالي من المادة الضاره ودلتني على مشغل عندنا في الشرقيه وتطمنت من كلامها وتوكلت على الله وأشتريته منها وسلمتني اياه يد بيد وعلى طول رحت للمشغل وربي مااسوي دعايه للمشغل عشان كذا ماراح اقول أسمه ولااسم الي تبيعه في المنتدى الي تبغاهم على الخاص بس
بس المشغل لازم تكلمينهم قبل طبعا انا اخذه رقمهم من الاخت الي تبيعه قبل,,

المهم ياحلوات دخلت المشغل وأنا خايفه ومعي أغراضي الكيراتين وتوابعه

سميت بالله وبديت<<<متحمسه تقول القصه

طبعا أول شي غسلت شعري الكوافيره بالشامبو إلي قبل الكيراتين مرتين وخلت الشامبو 10 دقايق على شعري ثم غسلت الشامبو وجففت شعري بنسة 90% بالاستشوار وبعد كذا فرغت مقدار معين من الكيراتين يكفي شعري في حله تشابه حلة الصبغه وبدت تحط الكيراتين بالفرشة الخاصه بالصبغه على شعري خصله خصله وانا حالي وقتها انوااع الخوف

بعد كذا غلفت شعري كله بالكيراتين وخلته من 20 الى 25 دقيقه على شعري

وبدت بعدها تستشور شعري والماده فيه لحد ماجففته كله وبعد كذا بدت بالسيراميك خصله خصله طبعا تطلع ابخره بس آآمنه مامنها ضرر وللاحتياط تلبسك الكوافيره كمامه عاديه ولازم السيراميك حرارته 220 او 230درجه وخلصنا بعد خمس ساعات لأن السيراميك يااخذ وقت والكوافيره المخلصه هي الي تطول لأنها تمسك خصل رفيعه وبالنهايه يكون شعرك مكوي تمام التمام ووصتني مااغسله إلا بعد 3 أيام او 4 أيام طبعا طول الأيام هاذي مايجي شعري أي ماء ولاأجلس في مكان حار عشان مايخرب الشعر وافضل شي ياحلوات تسونه وقت الدوره عشان الوضوء للصلاة لازم يكون فيه ماء على الشعر ولنتائج أفضل انا سويت سيراميك مره وحده خلال الثلاث ايام بس عشان بعد النوم يتاثر الشعر شوي
وجاء اليوم إلي أغسل فيه شعري و طبعا لازم اغسله بالشامبو والبلسم الخاص بالكيراتين وبعد ماغسلته تفاجأت بالنتيجه
الحمد لله لمعه قويه وملمس ناعم وتموج خفيف خفيف مايذكر بعد كذا جففت شعري بالمنشفه وخليته يجف بنسبة 80 % وبعدين من الحماس مشطته بالاستشوار بشكل سريع مدة 10 دقائق بس بس
وطلع ماشاء الله تبارك الله روعه كأني مستشورته بمشغل لمعه ونعومه والحمد لله ارتحت ارتحت حتى إذا تركتيه بدون استشوار بيطلع روعه وطبيعي يعني فرق ملحوظ عن شعري قبل حتى أهلي لاحظوا والنتيجه مرضيه والحمد لله وانا
أغسله والكوافيره تسويه لي ماتساقطت ولا شعره قولوا ماشاء الله
وأي أستفسار أنا جاهزه يالغاليات وتكفوون أدعولي أتهنى بشعري لأنه بعد معاناة وتفكير صار كذا
وتعبت وانا اكتب لكم تجربتي بس فداكم وتستاهلون كل خير
وناسه