تجربتي في توحيد لون جسمي طبيعيه تجنن تعالو ياأحلى عرايس

السلام عليكم ورحمة الله وبركاته
كيفكم بنات
بنقل لكم تجربتي اللي الحمدلله راضيه عنها كل الرضاء بتوحيد لون جسمي
بشكل واضح أتعب وانا أقول روعه لله الحمد
لوجه الله مابغى غير داعواتكم لي الله يتمم زواجي على خير
وودي الكل خاصه العرايس يستفيدون منها
اول شي بنات نصيحه اللي زواجها قريب لاتجرب شي ماتعرفه والا ماسبق واستخدمته
والله تضيع على نفسها وقت ! خاصه انه ماعندها وقت
انا مستحيل اجرب شي ولا اصدق الاعلانات الا اذا شفت بعيوني
وتجربتي هذي من بنت عمي الله يوفقها اللي كان زواجها الصيف الماضي
ماتتصوروون شلون تغيرت بياض لمعان وربي جسمها صار يلمع ماشاء الله
كل ماعليك هو :
تخلطي 3 علبة كركم جسم من العطار
مع علبتين فازلين بالفيتامين (الكبير)
بس
تحطيها بعلبه زجاج لازم زجاج انا حطيتها بعلبة جبن كاسات الكبيره
الطريقه :
تدهني كل جسمك فهمتو كيف كل جسمك حتى الاماكن الحساسه والابطين لانها مواد طبيعيه ماتضر
وتلبسي بجامه بلاستك فيه نوعين للتبييض وللتخسيس
انا اول اخذت اللي للتبييض ماتحملتها ثقيلة مره
بعدين اخذت اللي للتخسيس تكون خفيفه عادي تقدري تتحملينها
وفوق البجامة البسي بيجامه ياحبذا تكون ثقيله ههه حر لانه لازم تعرقين
اذا لبستي خلاص تغسلي ايدك تكون اظافرك صارت مصفره من الكركم تفريكها بليمونه وتكسبي تنظيف و تقويه اظافرك طبعاً الكل يعرف فوائد
الليمون للأظافر...
وتتركينها لمدة 3 ساعات فقط وانتي جالسه على النت ماتحسي بالوقت
:
نجي للأستحمام ( 1 ) أول شي تبللي جسمك بالمويه بعدين تجيبي ليفه مغربيه
وتفركي عشان تنظفين جسمك من الفازلين مو عشوائي !!
لا يعني اول شي تفركي ايديك ورقبتك لين تخلصي باقي جسمك
يعني تفركي وتغلسي الليفه من الفازلين وترجعي تفركي شوفو بلاوي تطلع
بعدين ( 2 ) تدهني جسمك بصابون " المغربي السائل " أنا استخدمت اللي بزيت الزيتون روعه
وأبدي فرك من جديد بنات وربي لون جديد يطلع
خلاص بعدها اطلعي لغرفتك وأتدهني ( جوليسيد + جلسرين + ليمون) انا خلطتهم بعلبه :
بس نصيحه مني استعملوها كل يوم انا كنت استخدمها صارلي 3 شهور بس مرتين الى 3 مرات بالأسبوع
تخيلو ماجابت معي نتيجه وربي انواع التحطيم حتى فكرت أتركها بس لما زدت عزيمتي وصرت استخدمها يوميا والله
بأسبوعين فرق كبير والله تشجعت وزانت نفسيتي يارب لك الحمد حتى كان فيني خطوط بيضاء (تشققات) خفت
بشكل واضح
يلا اللي يعين الخدمات على غسيل البجامه كل يوم
انا خدامتنا صرت ارشيها عشان ماتطفش حرام
اللي تداوم ما انصحها لأنها تتعرض للشمس انا ما اطلع حتى طلعات السوق بالليل
لان الفازلين مع الشمس يسمر
( توريد الشفايف )
فازلين + بودرة دم الغزال من العطار
تخليطها بعلبه صغيره وبالثلاجه تدهني شفايفك على طول اول ماتصحي وقبل لاتنامي
ماراح اقولكم وش كثر تجنن بس انتم جربو وشو النتائج بعيونكم
وربي يصير لون شفايفك لون يشهي
دعواتكم بنات والله يوفق الجميع يارب