تجربتي لغزارة وطول الشعر ومنع التساقط الصور

مرحباخواتي
عساكم بخير كلكم
انا من البنات اللي يحبون صبغ الشعر والاستشوار
ف عانيت من تساقط مخيف لدرجه قلت بصير صلعه
ف جلست اتصفح منتداي الحلو واجرب
الين مشيت على هالبرنامج ورجع شعري غزير ويهبل ((ماشاء الله ولله الحمد))
القسم الاول :
شرب مويه بكثره
كل مامريتي على الثلاجه خذي لك
خياره وكليها او فليفله(فلفل بارد)
لك مزاج تسووين سلطه وتاكلينها ((احلى واحلى))
انا كسوله ف صرت اكل قطاعي مره خياره ومره جزره ومره فلفل بارد على حسب مزاجي
القسم الثاني:
الامبولات
طبعا مو اجباري الامبولات اللي انا استخدمتها
كل وحده واللي يناسبها
انا استخدمت كذا نوع إلين ناسبتني ((امبولات ايفا بالصبار))
وهاذي صورتها واشتريتها 25 ريال من هنا بقسم الفراشه مول
طبعا الامبوله مليانه تكفي كذا مره من كذا فرغيهم بعلبه بخاخ عشان تحتفظين بالباقي
والطريقه بخي بمنابت الشعر وسوي مساج 5 دقايق...
وبعد ساعتين حطي هالزيت
القسم الثالث:
الزيت
طبعا مو اجباري نوع معين اللي يناسبك
انا ناسبني باراشوت
تمسكين علبة باراشوت وتحطين فيها الاتي:
حلبه تطحنينها +محلب
الحلبه مقدار فنجان قهوه والمحلب شوي بس
الحلبه المحلب
وتحطينها بالقاروره مدة 10 ايام وكل يوم ترجين العلبه
واذا جيتي تستخدمينها رجيها وادهني شعرك
ونامي فيه
القسم الرابع:
الشامبو
انا جربت شامبو ميتال الاندونيسي ممتاز مره ويطول الشعر
يناسب اللي شعرها دهني واللي جاف اذا غسلتي شعرك فيه حطي بلسم
بي لازم وانتي حاطه على شعرك تخلينه دقايق شوي
وهاذي ياحلوات خلاصة تجربتي اللي بينت خلال اسبوع
طبعا الزيت حطيه مرتين بالاسبوع والامبولات مرتين
واي سؤال انا حاضره من عيوني