تجربتي للأفعى الحنونه تنعيم تطويل كثاافه غزاره والاهم تعالج الشعر التعبان

السلام عليكم ورحمة الله وبركاته..
شلونكم شخباركم ..
جيتكم اليوم ومعي صاروخ
بما انه العطله قربت وبدأ الاهتمام بالشعر اكثر
والاهم الاهم انها من تجربتي يعني جربتها وشفت نتياجها وقلت اطرح لكم الوصفه
الوصفه من يد الاخت الغاليه ع قلبي الافعى الحنونه خلطة الافعى الحنونه الصاروخيه
حطتها من شان البنات يستفيدون منها وانا اول وحده استفدت..
فوائد الخلطه ..
1- تنعم
2- تطول
3- تكثف
4- توقف التساقط
5- تعالج الشعر المصبوغ والتعبان والمتقصف والتعبان
يعني خلطه صاورخيه بكل معنى الكلمه
ومع الاستمرار بتشوفين النتيجه
بالنسبه لي استعملتها مرتين والله ثم والله كانت روعه بجد احس نعومه بشعري
بدون استشوار حتى ماتعب في استشواره
ومع الاستمرار اكيد بتجي النتايج الباقيه
وابي منكم دعوات صادقه لي انه ربي يرزقني ع قد نيتي والله ابي لكم الخير بس بنات لازم المداومه عليها
الاستعمال مرتين الى 3 مرات بالاسبوع
توضع ساعتين ع الشعر
ثم تغسل بشامبو .. وحمام زيت فاتيكا ..
الوصفه /
ملعقة كبيره حلبة مطحونه + ملعقة خميرة فوريه + ملعقة كمون مطحون + ملعقه كبيره مايونيز
ملعقة زبده+ ملعقة قرفه ( دارسين مطحون ) + ملعقة سدر
فنجان زيت ذره ( عافيه )
الطريقه /
نجيب وعاء ونحط فيه كاس كبير ماء ونضيف الحلبه ونخليه يغلي 10 جقايق ع نار هادئه...
وبعدها نشيله من النار ونحط الخميره ونخلط بالمضرب اليدوي جيدا ونخليه يبرد شوي
ولما يبرد نجيب الزيت ونضيفه ونحرك عدل ..
ونجيب المايونيز ونضيفه ونحرك .. حتى يصير خليط متجانس
وبعدين الزبده .. واخيرا باقي المكونات ..
ونخلط بالمضرب اليدوي كويس لين تصير شبه سائله
توضع ع الشعر ساعتين وتغسل مثل الحناء وتغطى بكيس نايلون
] ملاحظه بنات [
لازم المقادير كامله واللي ماتتوفر عندها كامله تقدر تستغني عن الكمون مثلي انا ماحطيته لانه ماكان متوفر عندي
وهنيئا لكم ..