تجربتي مع الاسواق المخفضة ملابس عيالي كلها منهم الشرقية

السلام عليكم ورحمة الله وبركاته ,,
اخواتي الفراشات ,,
أخذت عهد على نفسي اي شيء أستفيد منه وأكون ابحث عنه لازم اكتب تجربتي هنا علشان الكل يستفيد وأتمنى الكل يدعي لي بالتوفيق والرزق الحلال الطيب المبارك ,,,,
فيه محلالالات عندنا بالدمام والخبر تأخذ ملابس الماركات وتجمعهم وتبيعهم بأسعار مره حلووه ,,
جمعت أسماء المحلات وأماكنها ورتبت لها يوم ألفها وأشووف هل فعلا فيها اشياء تستاهل ولا خرده ,,
الحمدلله بصراحة كان حظي حلوو وكانت البضاعة لسى جايبينها وكل شيء جديد ياسلالالام وأحلى شيء ملابس البنوتات وللأسف ماعندي بنت ,,
الموهيم ان المحلات تنزل بعض الاحيان اشياء تستاهل وبعض الاحيان لا والاسعار متفاوته بس هالله الله بالحووسة والدواره مايبقى صف ولا سايد الا انتي حايسته حوس خليك ام خماس علشان تلقين السعر الحلوو والبضاعة الممتازة ,,
خذت لعيال الاثنين واحد 5 سنوات والثاني 2 سنتين ,,
وشريت والله بناطيل جنزات وشمواه وتتروون وقماش خفيف وأخذت الألوان وأخذت شورات وبرمودات وشباشب بس تي شيرتات مالقيت كثير الا قولي مالقيت الا بدلة وحده فقط ,,
اكثر شيء للبنات او اولاد بس كمها طويل وجونا مايساعد ,,,
خذت لهم بعض البلايز من زارا وتاب اوليا بعد ايام التخفيض بس ببدايته علشان كذا لحقت على كل البضاعة الحلوة ,,
وهذه اسماء المحلات ,,
عندك بالخبر ,,
مجمع التركي :
المكان : مقابل الواجهه البحرية بالخبر جنب زارا والباقي ,,,
العرض :(( مسوي عرض حلو تأخذين قطعتين الثالثة مجانا)) وخذت منه 13 قطعة ب 290 تقريبا تخيلو وكلها من تاب اوليا وأوكايدي ووليز وفيه بعد غيرلز وكيكوز و و ,, وفيه طبعا لكبار .
الإنطباع : حلوو بس لازم تدورين زين علشان تطلعين بشيء حلو ,,
الأسعار : اللي انا خذيته من 19 الى 29 الى 39 .
مجمع الخبر مول فيه اكثر من محل ,, (السواني باسم الساحة - في مي ناين - المتجر الوطني - ومحل ناسيه اسمه خ )
المكان : فوق بالدور الثاني
العرض : بصراحة حلوو محل الساحة بس الاكثرية للكبار الشنط عنده شيء لانها ماركات اصلية وحتى الملابس تشوينها حلوه بس لابد بعد من البحث ,,
وخذي لفه على المحلات الثانية بعد حلووه تلقين لك اكثر من قطعة ,,
الانطباع : عجبني الساحة لان فيه اشياء رسمية لدوام وشناط قييس انا احبها .
وخذت عهد لازم امر في مي ناين اللي هناك قبل ماروح المحل الاصلي فرق بالسعر شاسع .
الاسعار : يبتدي من 19 - الى مالا نهاية بس اكثر التخفيض 70 % خصوصا ان السواني معروفه بالاسعار الغالية في بعض الماركات المتعاونة معاهم ,,
وتعبت الله يعطيني العافيه ,,,, اذا شفت تفاعل ان شاءالله بكمل ففي جعبتي الكثير ,,,