تجمع بنات الجامعه

اي والله تكفون يالنشاما <-متعوب عليها

انا عن نفسي البس تنوره سوداء وتي شرتات ملونه
بس على حسب جامعتكم ايش
والميك اب احط بس كحله من جوا وروج انعم وبس
وشعري اخليه مفلول على طوله لانه مو مره طويل

موضوع حلو متابعه بس لاتكثرين باللبس لما تشوفين النظام وكمان راعي اللبس المريح لانك راح تجلسين وقت طويل
وننتظر الجديد

احنا بجده مريحين ع الاخر
اغلب البنات يجلسو طول اليووم بالعباياات مافي احد فايق يكشخ من الصبح
يعني لو اجي بالبجامه مااحد بيدري عني خ
وبالنسبه للميك اب
كحل وقلوس وبلاشر واذا فايقه ماسكرا
والشعر استشور الغره وامشي
لانو العالم سايرا تكدشش شعرها وتخربو غصب خ
والدرااسه كلو يعتمد ع الاستاذات
ولازم تشدي حيلك اول سنه لانو السنوات اللي بعدها يقوولو حتكون اصعب شويا
ويمكن ماتقدري ترفعي معدلك
ووبس
بالتوفيئ خيتوو

يصلمو على الموضوع الروعه
لي عوده

حبيبتي إذا كنتي في جامعة أم القرى عندك المسموح من التنانيرالأسود والبني والكحلي والزيتي والرمادي والبيج والجينز بأنواعو وممنوع التنانير المشجرة
وبالنسبة للمسموح من البلايزجميع الألوان ماعدا الأحمر بدرجاتو والفوشي والبرتقالي الفاقع والأصفر والأخضر الفاقع وكمان ممنوع البلايز إلي عليها اشكال ذوات الأرواح
وانا عن نفسي انصحك إنو يكون لبسك مريح جدا خصوصا في الأيام إلي فيها محاضرات كثير وماانصحك ابدا بالكعب العالي لأنو احيانا تكون محاضراتك في اكثر من مبنى وبعض المباني بعيدة يعني يبغالك تمشي مسافة ولازم تكوني لابسة جزمة مريحة
اما نظام الدراسة في الجامعة اكيد عارفة إنو نظام ساعات ويعتمد على المعدل التراكمي يعني لازم تشدي حيلك وخصوصا في اول مستوى حاولي إنك ماتجيبي اقل من الإمتياز, ولازم تكوني خلوقة ولبقة في تعاملك عشان تكسبي استاذاتك
وانتبهي من المواد إلي عدد ساعاتها كبير(3 أو 4 أو 5 ) لأنها تأثرعلى المعدل يعني لازم تعطي هاذي المواد الأولوية في كل شي
وانتبهي لغياباتك يعني في مواد مايحقلك تغيبي فيها اكثر من مرتين وفي مواد حدها ثلاث غيابات وفي اربعة يعني على حسب ساعات المادة وعلى حسب كل دكتورة
واخيرا اتمنى اني اكون افدتكم وبالتوفيق لكل المستجدات

اب