تجمع قبل و بعد الشوفة الشرعية

انا مخطوبه من كم يوم وعندنا شوفه شرعيه بس من يطلب الشوفه ويحددها
وكيف نلبس لاني احب البس القصير والبس عليه كيلون
وعندي مشكله مزعجتني انا ماابي احط مكياج بس عندي هالات سوداء تفشل
لو حطيت خافي عيوب ببن شكلي غلط لانه طبيعي الكريمات مو مثل لون بشرتنا
ومحتاره كثير ما ابي يطلع شكلي غلط وبنفس الوقت ما ابي احط مكياج ( كريم اساس )
نصيحتكم

اهلا بالامورات
انا شوفتي كانت قبل شهر تقريبا
لبست تنورة سوداء طويله وبلوزة شتويه مقلمه اسود ورمادي
الميكب حطيت روج وبلاشر
وشعري مستشور بس لفيت طرحه ههه ياحسافه الاستشوار ههه
لكن كان يبان منه طبعا
وبس
وبالتوفيق

ما انصحك تلبسي قصير
البسي شي ساتر وكوني
على طبيعتك
و الله يتمم لك على خير

مشاعر خجوله الله يوفقك ويسعدك امين
كيف كان شعورك ومتى ردو لكم بعد الشوفه ؟

الجوري الله يوفقك
إن شاء الله بلبس ساتر وانيق
بس مشكلتي المكياج

يَ لبيه تذكرت الذي مضى ..
يختي لا تعطين الموضوع اكبر من حجمه .. والله تراها تساهيل ما تستاهل الحوسه وشيلة الهم اللي نشيلها فوق روسنا قد جبال ..
انا ما دريت عن شوفتي الا قبلها بيوم ما مداني احاتي يعني ..
البسي شي ساتر .. انا مثلك كل لبسي بنطلونات وقصير بس لما جاني لبست تنورة الجامعه ما عندي غيرها ..
لا تبالغين في لبسك والكشخه والاكسسوار وتسذا ..
ما اقول لك لا تحطين ميك اب .. حطي بس شي خفيف .. روج لحمي وماسكرا وبلاشر فقط
بس تكفين لا تغلطين غلطتي شوفيه ..
انا جا وراح وقعدنا نص ساعه وابشرك ما شفته
بالنسبه للرد .. رد بنفس اللحظه
ويوم رجع المجلس رسل مسج لأهله اني عجبته وكذا .. > وناسه
الله يوفقك يَ رب ويتمم لك على خير ..

اولا /
قبل ماتدخلين عنده ياليت لو تصلين ركعتين الاستخاره مره ثانيه مافي مشكله وادعي ربك
ثانيا/
اقري ايه الكرسي قبل لاتدخلين عشان ربي ينزل عليك السكينه
ثالثا/
البسي شي سااتر
مع مكياج خفيف يبين حلاوتك
(( اقولك على طريقه ماتبينك حاطه ميك اب وكانه طبيعي وبنفس الوقت يطلعك حلوه ))
- حطي كحل كثييف وامسحي منه ويطلعلك اثر حلوو يمسك بالرموش فهمتي مع ماسكرا خفيف
- وبلشر لونه وردي بابيض يطلع الخدود زي البيبي مو باين انك حاطه بلاشر تلقينه عند بودي شوب افتح درجه من البينك حلوه خاصه اذا كنتي بيضا
- وروج وردي مايكون سائل لا عادي وامسحيه شوي بالطبطبه
عشان يمسك اثر الروج الوردي على شفايفك ويطلع شكلك كانه طبيعي لون شفايفك فهمتي علي ؟
-وحواجبك زبطيهاا تمام بدون نمص او قص
عشان ربي يوفقك ويرحمك ولا يطردك من رحمته
لان النامصه ملعوونه ومطرووده من رحمه الله
وحطي كريم على بشرتك اول وبعده اساس خفيف حق بس توحيد لون وخافي اثار حبوب وهيك بشكل خفيف جدا جدا جدا
وشعرك خليه بطبيعته تقريبا الا القصه استشوريها
او استشوري شعرك كله اذا قد شافوا شعرك اهله على حقيقته عشان لاينغش
م وش بعد
ادخلي بكل ثقه وجسمك متزن مو منحنيه عشان لاتعطين انطباع المكسوره
مع ابتسامه خجل حلوه يمكن يخق ههه
لان الابتسامه تدخل الفرح على القلب
وناظري فيه كله
لا تسوين المستحيه الي مدري وشو
نااظري هذا حق لك مثل ماهو حق له
ولاتقولين اخاف ياخذ عني فكره اني ما استحي لالالا ياقلبي عادي مافيها شي
بس اهم شي لاتخزينه خزز خ
ناظري نظرات خجل بس القطي كل تفاصيله واحفظيها بمخك ههه
بتندمين اذا ماناظرتيه زين ها تراي علمتك
وبالنسبه للرد عليكم من اهله
يختلف من ناس وناس
فيه ناس بنفس اليوم
وفيه بعد يومين وفيه الي بعد اسبوع وفيه الي بعد شهر بس اكثر من كذا ماتوقع انه فيه قبول
والله اعلم
ايه صح اقري على نفسك
وادعي اللهم اجعلني قره عين له واجعله قره عين لي اذا في الامر خيره واصرفه عني واصرفني عنه اذا في الامر شر
ولاتشيلوون هم ابد
ربكم بيسهلها اذا الامر فيه خير لكم ان شااءلله

فراشه حبوبه ^_^
صوح عليها ...
الطريقه ذي مر حلوه .. ترسم لك عينك بشكل طبيعي

جست فور
ايه جاني الدور يارب خير ههه
انا قلت بعد ما ابي افكر بيوم شوفه ولا غيره كلها دقيقه ونص ليش اسوي دوشه عشانها
بس كذا اهدي نفسي شوي ثم ارجع اقلق وافكر
الملابس امرها هين والشعر امره اهون بس المكياج اللي ماودي فيه بس نفسي تروح هالهالات السوداء ويكون كل شيء تمام
اما اشوفه هذي مدري وشلون بتصير ههه
اخاف تطيح عيني في عينه واطلع انيابي من الضحك وان شاء الله مايتأخرون علي بالرد لان الانتظار والترقب يهلكني
الله يوفقني وياك وكل المسلمات يارب