تجهيز المنزل خطوه بخطو معاكم

1. 2- الملحم <<< وهو تابع لبيت الاباء

هااي احلى فراشاات
الموضوع مبين من العنوان انا الحين بجهز بيت جديد وصراحه ماصارلي غير يومين وحسيت الموضوع صعب ودوخه من جد
فقلت انزل موضوع هنا منوو استفيد من خبرتكم ومنو لو وحده حابه تغير شي في بيتها او دايخه زيي تستفيد من الموضووع
وياريت اشووف تفااعل منكم وخصوصا اهل جده عشان ندل بعض ع المحلات وكدا
انا اول شي الحين بديت الحمامات (عزكم الله )
وصراحه الموضوع مو سهل وخصوصا انو الصيني اشكالو حلوه ويغريكي
بس نصيحه لاي وحده تعمل شي للزمن تبعد عن الصيني
انا حقول المحلات اللي روحتلها ولو وحده تعرف محلات غيرها تدلني
من المحلات اللي عجبتني مرا
1- بيت الاباء <<< مرا جنان بس عندو صيني كثير يعني انتبهوو وكمان اسعارو غاليه

2- الملحم <<< وهو تابع لبيت الاباء

3- نجم ابا حسين <<< بضاعتو مضمونه للعمر كلوو والمهندس قالي انو احسن محل على مستوى جده بس كل اشياء كلاسيكي مافي مودرن وعاديه والشي اللي يلفتك ويعجبك مرا تلاقي سعرو نار يعني عجبني عندهم كرسي تواليت توماتيك يفتح يسكر ويعمل شغلو لحالو بس سعرو نار
4- الميرو <<< عندهم ااشياء حلوه وكلاسيك
5- روكا <<< وهو ماركه معروفه واسعارو مش مرا غاليه بس كل اشيائهم صغيره يعني حلووه لغرف نوم او شي كدا ماتنفع للضيووف
6- اركاديا <<< تقريبا احلى شي عجبني لانو مودرن وعندهم تنسيق في الالوان وهو اللي ناسبني من حيث اللون والموديل والسعر وكل شي بس لسه ماكلمت المهندس عنو ماعرف جودتو
ورحت للخزف السعودي وارتاكو حاجاتهم عاديه ... الحين جا دوركم اللي تعرف محلات ثانيه تقولنا عليها واللي حابه تحط استفسار ويصير الموضووع نقاش احلى واحلى
وكل وحده تشتري شي تنزلنا صورو هنا
ويارب نتوفق كلنا في الجووده لانها اهم شي
انتظر تفاعلكم ...