تجهيزات بنات الامارات وحيالله كل بنات العرب

هلا بناات انا راح استفتح موضوعي وراح اقولكم انا بديت اتجهز لعرسي اشتريت 15قميص نوم وبعدني باقلي اخذ اكثر اعرف انه مابيكفيني خذيتهم من نعومي ولاسونزا وومن سيكرت وتريموف ومن زهرة الرمان فالبستان هذا من غير البجايم والشورتات تدرون انا حاطه للمزانية ملابس النوم والبيت 15000وخلصت10000وبعد احس شويه الاسعار غاليه نار وخذيت عطور لحد الحين 10000وهذا يتضمن المخمريه وعود معطر كبيره جدا خاصه لي انا من اجمل بالهند 5000وعودلريلي ودخون وعطور فرنسيه للشيل والملابس والكفرات وخذيت ثياب للسفر غليظه لاني باذن الله راح اروح سويسرا وايطاليا
وسويت اشتراك بكيلوبترا سبا بوافي سنتر دبي سويت لحد الحين حمام مغربي وفيه عندهم خدمه حلوه تدرون تختارون الريحه اللي تعجبكم ويحطونها بحوض سباحه وانتي بس تقعدين فيه نص ساعه قبل العرس بيوم واتم ريحتج اسبوعين عطره وايد حلو الحمام
حجزت للمكياج عند منيره والحنا عند وحده اسمها عدويه حناها رهيب
وانشاءلله راح اكمل تجهيزاتي واخبركم

مبرووك مقدماا عزيزتي والله يوفق كل المقبلالات ع الزواج ..
مووضوعج حلو ومفيد وإن شاء الله كل البناات يتعاوونون معاج ..
بالنسبه لي خلاص راحت عليه صرت عرووس جديم ..
مووفقه ..

بالتوفيق عرايسنا الغاليات وانا مثلك اختى الحب انت صرت قديمه
بس غرقانه بتجهيزات بنات خالتى وقرايبى ماكنه في هالبلد غير هالولد
المهم اى استفسارات انا بالخدمه يالغاليات
اختى ام عذبه نصيحه لاتكثرى قمصان نوم مره لين تعرفين ذوق زوجك الا اذا انتى عندك خلفيه عن ذوقه حتى العطور مو اى شى يعجبهم الرجال >> وجهة نظر مجربه
وكمان فيه عندى لكم واحد يسوى زفات وشغله مره حلوه وكلمة حلو قليله بحقه رايق ويرفع الراس ويبيض الوجه شغله بنت خالتى حنتها سوت زه حق حنتها وطلعت تخبل الكل يسال مين اللى صلحها لكم
اللى تبى الرقم تراسلنى او ترسل لى فراشه مسج وانا بالخدمه

فديتج والله
الصراحه موضوع شي شي
وانا عرسي بيكون ان شاء الله في شهر سته
والحين حايسه ابي اطلع شعر ويهي باليزر بس ابي احسن مكان بوظبي ولا ادري وين لين الحين
وبنسبه لتجهيزات لي رده وبقول لكم

الحب انت...مشكوره حبيبتي افا عليج انتي بعدج ذخر لنا والله ايوفقج حياتي ويرزقج الذريه الصالحه
احلى بسمه... بالتوفيق بحياتج الزوجيه وانتوا تراكم طول العمر عرايس فديتج والله اسكتي التجهيزات مدوخه راسنا
رحت معرض العرائس اللي بدبي وكان روعه روعه اشتريت عطور من عوض الكبيسي وبخور وعطر الفراش وخذيت قمصان نوم من نايت روز اللي بالعين فاتح بالمعرض وشفت محل كوش روعه
يوم فرقك يوم موتي...حبيبتي الله ايعينج اانتي شراتي محتاسه اقولج نصيحه من اخت سوي عند د.سعاد لطفي والله محد يشتكي عليها واسالي مجربه وايد روعه وعندها اجهزه مطوره اللي بالثلج والله يوفقج حبيبتي
أحلى بسمه...حبيبتي والله الغاليه ياليت تعطينا الرقم واتخبريني عن السعر لاني اخترت عند واحد زفه بس الصراحه غاليه وايد
ياريت اتفيدينا واطرشيلي الرقم

السلام عليكم
انا امعرسه من سنتين بس حبيت ارز ويهي واعطيكم اشويه معلومات اذا ما في مانع ههه
انا امسويه الليزر عند الدكتوره عايشه القطامي في راس الخيمه عندنا
جهازها متطور وايد
لاني سالت كمن دكتور وقالي ان احدث جهاز موجود في راس الخيمه عند عايشه القطامي
والحمد لله خواتي كلهم امسويات عندنا وكل شي تمام للحين
بس هي اشوي اسعارها غاليه
ممكن تاخذ على ال 3 جلسات 3 الاف وشي بس اللك يمدحها ووايد ناس اييون عندنا من بوظبي ودبي والشارجه
واختي جربت عند ناديه لطفي بس مافادها
وعن قمصان النوم في محل في المنال في دبي في الدور الثاني اسمه اظن النورس الرحال
بس اسعارها كلها حلوه يعني قميص النوم على 100 وشي
ونا كنت ماخذه اكثر عن 10 قمصان نوم من هناك
ونصيحه بعد لا تشترون دخون وعود وايد وخاصه المعطر لانه يمكن ما تستخدمينه الا بعد فتره طويله واول ما اتيين تستخدمينه اتحصلين العطر نشف منه
بس كثري من العطور لانج وايد بتحتاجينها

الخيماويه انا اهلي من راس الخيمه مرحبابج من بينا زين زين اتفيدينا بعد نسالج اسئله !!

ماطلبتى شى ياغلا بعطيك كل المعلومات اللى اعرفها لكن انى اختى كم الزفه اللى سويتيها ؟؟
انا خبره في الزفات كل من بغاء يعرس من بناتنا جانى يقولون انى اسلوبى حلو بس والله اسلوبى حلو الا اذا حمرت العين ياويلهم منى بس يالله احب اخدم
المهم انا بعطيك فكره عامه عن الاسعار اللى اعرفها لانى افتريت ولا لى الا اللى تعاملت معاه احب الشخص الصدوق انا وحقون الزفات اكبر غشاشين واكلنا مقالب بالهبل لين واحده الله يجزيها بالجنه عطتنا الرقم هذا
المهم اذا الزفه اسلاميه وبدون اسماء من 500 الى 800 ريال
اذا الزفه اسلاميه وبالاسماء من 1000 الى 1500 ريال
اذا موسيقى من غير اسماء من 700 الى 1300 ريال
اذا موسيقى وبالاسماء من 2000 الى 2500 ريال خاصه اذا القصيده جديده هذى تطلع مره غاليه لان اغلب المحلات ياخذون على القصيده الجديده بس بروحها من 1000 الى 1500 ريال طبعا القصيده مع الخلفيات والالقاء
واذا اعمال خاصه يعنى اغانى وينعاد غناها هذى حسب الفنان اللى تختارينه لان بعض الفنانين ياخذ بس على صوته من 50000 ريال وفوق غير الاشياء الثانيه يعنى تطق ال90 الف او 100 الف بالراحه خاصه محمد عبده عبد المجيد احلام كاضم كلهم يضربون ضرب بالاسعار
الا اذا تبين فنان مش معروف وهذى سبق وسويناها وكلفتنا 7500 ريال طبعاً موسيقى
وبنت عمى قبل يمكن شهرين سوت زفه خاصه لكن اسلاميه بصوت شبيه بعبد المجيد كلفتها اعتقد 3000 الى 3500 ريال
قولى لى كم خذيتى زفتك وايش تفاصيلها وانا اقولك اذا السعر حلو او لا
واتمنى لك التوفيق ياغلا وان شاء الله شرحى يفيدك ويفيد عرايسنا

شكرا يا احلى بسمه واعتقد اللي انتي تطرينه الشاعر سلطان خبروني عنه وعيبني وايد وانشاءلله هو اللي بتعامل معاه
بنات وين تفاعلكن اقولكم ترى انا بديت بالليزر وويهي صاير ناعم