تحبي ريحة البيبي او النظافه والانتعاش السر بالداخل

هلا وغلا فيكم حبيباتي........
كثير منا يحب ريحة البيبي..او الريحه اللي تجي على نظافه وانتعاش بدون ماتكون
قويه وحاده....صح؟؟!
عاد انا قعدت احوس وادور الين رسيت على هالطريقه الحلوه ...وقلت خل اعلمكم
اكتشفت ان الاساس بالريحه هو المسك!!...ايه والله ريحته اول ماتحطيه يمكن تكون قويه بس بعد
فتره تصير نظافه على بيبي على انتعاش...انتي الحين شنو تسوين حق تحصلين على هالريحه؟؟
تعالي معي واقولج...
v
v
v
v
جيبي شاور جل المسك من عبد الصمد القرشي والبخاخ تبعه برضو
او اي مجموعه مو شرط القرشي...ممكن حقت بودي شوب...
هاتي لوشن جلسوليد
وحطي عليه من مكعبات المسك المطحون من القرشي..
ونص تولة مسك
اخلطيه زين ورجعيه علبته....
وممكن برضو تستخدمين لوشن البودي شوب حق المسك طوالي ..
بس يظل اللي سويتيه بيدك اقوى تركيز....
هاتي بودرة بيبي جونسون واخلطيها مع مسك مطحون
وحطيها بعلبه حلوه...
وممكن برضو تجيبين بودرة مسك طوالي من البودي شوب...
بس تظل بيبي جونسون لها ريحه غيير....
هاتي عطر جوفان حق الاطفال
وعطر المسك من بودي شوب وتولة مسك...
خذي شاور بجل المسك تبع القرشي او بودي شوب...اذا خلصتي وجففتي جسمج رطبيه بلوشن الجلسوليد
اللي حضرناه فوق...بعدها ثبتيه بالبودره المخلوطه بالمسك...وكم رشه من بخاخ المسك
تبع القرشي او بودي شوب.....
وحطي من تولة المسك على اماكن النبض وخلف الاذن وفي السره وبين الصدر ...اذا خلاص
لبستي رشي بالتبادل بين عطر جوفان وعطر المسك من بودي شوب...وهيك خلصنا...
والحين تمتعي بريحة الانتعاش والبيبي والنظافه...
الموضوع من اعدادي يابنات ماعدى بعض الصور منقوله للأمانه فقط...
اتمنى يعجبكم وتقبلوا تحياتي الفواحه بريحة المسك...