تحذير من الحلبه

السلام عليكم
فراشاتي الغاليات حبيت احذركم من تجربة صارت لي واخاف تصير لكم...
انا قريت عن خلطه فيها حلبه بس لازم تكون الحلبه محموسه,,,وقمت وحمست الحلبه وتخيلو وش صار من هنا بدأت معاناتي
تخيلو ان ريحة الحلبه مسكت في كل شي من بيتي في الملابس الأثاث المواعين كل شي حتى ولدي صارت ريحته حلبه...والمصيبه الأكبر اني كل مارحت مكان قالو لي اف ريحتك حلبه واغسل ملابسي ماراحت نظفت بيتي ماراحت....والمشكله الأكبر اني اداوم وكل مالبست لبس طلع فيه ريح حلبه تخيلو ان ريحتها دخلت الدواليب...وكانوا الطالبات كل مامروا من عندي قالوا اف حلبه...نفسيتي تحطمت وفقدت الثقه..حتى اني صرت اروح المدرسه من بيت اهلي والبس من ملابس خواتي..وقعدت اصيح وقلت لزوجي خل نغير البيت وكل من جاني قال اف ريحة بيتك حلبه..حتى ملابس زوجي ماسلمت شماغه وثوبه زعل مني...تخيلو حتى ترامس القهوه والشاي فيها ريحة حلبه...
حتى كنباتي طلعتها بالشمس وبخرت البيت وماراحت ريحتها...سويت كل شي ومافي فايده كرهت نفسي وبيتي وصارت نفسيتي اكس....
تدرون متى راحت
راحت بعد سته شهور من العناء من نفسها...عشان كذا احذركم اذا تبون احمسوها برا او في الحوش...
وسلامتكم