تحذير من المطربة الطقاقة نانا

1. المشاركة الأصلية كتبت بواسطة lolo_kitty


2. من متى نانا ب12000 ؟؟؟؟؟ ماطول عمرها ب5000؟!!!!!


3. فردت


4. المشاركة الأصلية كتبت بواسطة lolo_kitty

السلام عليكم ورحمة الله وبركاته
كيف حالكم يا بنوتات
بدخل في صلب الموضوع على طول
أنا أحذركم من التعامل مع (( نانا )) لأنها حاولت أن تنصب علياً
أولاً وقبل كل شيء أنا لا أقصد بالموضوع التشهير لكن لكي لا تقع أحد الأخوات في الخطأ نفسه
نبدأ بالقصة
نحن كنا متفقين معاها لزواج أخواني في شوال
ويحنا متفقين معاها من 6 اشهر تقريباً
وأول ماكلمناها قالت لنا ب 15 ألف
فمنهنا وهنا أو كما قالت بالحرف (( كرمالك ))
خلتها ب 13 ألف
والآن وبعد 6 اشهر قابلت أحدا صديقاتي وأخبرتها بأننا جبنا نانا ب 13 ألف
فأخبرتني بأنهم جابوها في زواج أخوهم ب 8 ألاف
فأنا أنهبلت الفرق مو بسيط
وزاد انهبالي لما قالت لي صاحبتي وأنه في زواج أحد أقاربها جابوها ب 7 ونص
أي بنصف السعر !!!
فأنا ما صدقت ودخلت النت أسأل عنها فلقيت رد لأحد الأخوات هنا

المشاركة الأصلية كتبت بواسطة lolo_kitty

من متى نانا ب12000 ؟؟؟؟؟ ماطول عمرها ب5000؟!!!!!

يمكن لانها اتعدلت وصار تحترم كلمتها...... ايام ال5 الاف.. أخدت العربون ومثبت بالفاتورة ووالله العظيم اعتذرت عن المناسبة قبلها بيومين مع ان الى قبل الفرح باسبوع وهي تطمن فينا انها جاية ولا تخافو .. سوت الحركة فينا وفي صاحبتي كمان.. بس ام صاحبتي طلعت شاطرة.. لما حست انه في شي مايطمن حجزت مطربة تانية..... يعني الست نانا لو قالتلنا ان عندها ظروف من بدري وماسحبت فينا وخلتنا في سترس كان عادي كنا قدرنا.. بس الحق لله رجعت العربون بعد البهدلة اللي اكلتها..
فأتهمتها أحد البنات بالتشهير وقالت لها وحرام وعيب ومن هذا القبيل

فردت

المشاركة الأصلية كتبت بواسطة lolo_kitty

ماشهرت ولا شي.. ولا اللي يقول الحقيقة صار عليه العيب.. سبحان الله..واللي عنده ظروف كان لازم يحترم ان الناس كمان عندها ظروف ومتكلفة وشهور بتجري عشان يطلع فرحهم على اتم مايكون.. مو قبل الفرح بيومين في اخر الليل تتلف اعصابهم ومافي غير يتصلو بمطربات ينقذوهم عشان حضرة الست اعترفت انها ماتقدر تجي (مع انها عارفة انها مو جاية وبتسحب فيهم) وبلاش نقول انها شافت حفلة تانية بسعر اعلى عشان مانظلمها.. بس الحمدلله ربي عوضنا ومرت على خير.. بس مو قادرين لليوم ننسى الموقف الزبالة اللي انحطينا فيه
والله هنا أنا خلاص أحترت
فقلت لازم نتأكد حرام تزيد علينا 6 ولا 7 الاف
فقلت لأهلي لا تستعجلوا وخلونا نشوف نتصل عليها على إننا بنحجز عندها
لكن ماما ما قدرت تصبر اتصلت على طول وقالت لها
انت تروحي لغيري ب 8 ألاف ؟؟
فقالت أنا طول عمري ما رحت لزواج أقل من 10 ألاف
أمي قالت لها بحنا ب 13 ألف
قالت ألي ب 10 الاف ما جيب أحد معايا وانتي بجبلك 4 بنات معايا
وأبغا أجيب لك واحد على الأورج ممتاز
وقالت كمان ألي ب 10 أنا أمشيلهم ليلة بس
فصدقنا لأن أحد الأخوات هنا كتبت إنها ابتها ب 12 ألف
لكن ما زال النفس توسس
وقعدت شاكة قلت
ما لها حل إلا وأتصل عليها وأقلها إني بحجزك وزي كذا
وأتصلت عليها وقلتها بحجزك في 3 شوال
نسبتاً لأن زواج أخواني في إجازة شوال كمان
فقالت لي ب 9 ألاف
وسويتلها وكرمالي وزي كذا
خلتها ب 8 ونص
وقلتلها معاكي بنات قالت ايوا اجيبهم لكي 4 وقلت وابغا واحد ممتاز معاك من برا على الأورج
قالت ايوا أنا ألي معيا فنان
وحتى أغنية غرقان (( راشد + الجسمي )) يحنا نظبطلك هيا انا وياه
وقالت تعالي أشربي القهوة عندي وما نختلف على السعر
على طول قلت لأمي اتصل عليها وقالت لها بنت عمي اتصلت عليكي وقلتيلها كذا
فردت أنت طلبتي الأغاني المصرية ب أورج (( وأنا لما كلمتها قلتلها الليلة كلها بأورج وب 8 وصف ))
فقالت لها أمي أصلاً حتى بن عمي باورج وكمان حتى لو كنت أنا بأورج ما تزيدي عليا 4 ألاف ريال
ردت قالت لو آخذ على الليلة ألف انتي ما دخلك
أمي قالت لها أصلاً لو جيتيني ببلاش ما ابغاك
والعربون ألي أخذتيه منا
(( علينا بالخلف عليكم بالتلف )) ما تمنيت أني أكتبها هالكلام
لكن والله طلعت نصابة وما عندها احترام كمان
فا يا بنات لا تتلدغوا من نفس الجحر ألي اتلدغت منو
حسبي الله ونعم الوكيل فيها
(( وعلينا بالخلف عليها بالتلف في العربون ))