تدخلات أهل الزوج كيف نقضي عليها

والله حبيبتي مشكلتك اعتبرها مشكله لاني عانيت منها سنين لحد ما اقتنع زوجي ان المفروض ما احد يتدخل بأخذ اي قرار لنا مهما كان لكن بعد جهد جهيد بس ابسط شي كنت اسويه لاني زيك ما احب اتدخل باحد ولا ابي احد يتدخل فيني مهما كان دام اني قادره انا وزوجي نتخذ قرار في حياتنا واي شي يقال اقول ان شاء الله بس بدون تنفيذ لو على رقبتي حتى لو نصحوني بمحل اغير مسيرتي والادهى كانت اخته تروح معنا واذا اصر زوجي ورحنا على مزاجها يومها ما اشتري شي حتى لو المحل كله عاجبني واذا رجعت البيت اسكت لا اتذمر ولا شي اصير ساكته هو يفهمها ويقول ليش ما اشتريتي شي اقوله ما احب اشتري شي الا من محل انا مختارته مو مجبره عليه او احد متمصلح على حسابي اقصد ان اخته اخذتها فرصه علشان تشتري اغراضها ولا عليها من احد واذا بيطلعون السوق ما اطلع معهم اعرفهم لو اشتري غالي مشكله او رخيص مشكله صرت فتره اروح السوق مع اخواتي يقول ليش قلت على الاقل احس بكياني وفيه ناس مقدره مشاعري وتلبي رغباتي اللي ما اظنها صعبه طبعا في الغالب يصير فيه نقاش عادي يقول اذا رحتو مع بعض او اي وحده تحدد المحل وين المشكله ما اتناقش معه في الموضوع اذا لاحظت انه معصب اسكت ولا اعانده واذا هدت اعصابه اناقشه اقوله انه حلو الوحده تفاجئ الناس حتى اقرب المقربين لها بملابسها واعراضها حتى لو كانت قديمه ماعرفو متى اشتريتها واذا لبستها اي وقت وموضتها ما انتهت يحسبونها جديده
ودائما كنت اخليه يحس بتصرفاتنا تجاه حريم اخواني واحترامنا لهم ولخصوصياتهم بالرغم عشت عند اهل زوج شغالين زي الجمارك تفتيش للاكياس عند الدخول ولو حصل عند الخروج مافي مانع لما يقولون ورينا وش اشتريتي اقول بأبتسامه اذا لبس مصيركم تشوفونه علي واذا اكل اكيد بالعافيه على قلبي اعرف تضايقهم بس ليش عمليه التفتيش ومن حق مين حتى زوجي اقوله لا تفتح شي يمكن يكون لك وتحترق عليك وعلي المفاجئه واقتنع وكنت كل مره ادخل فيها للسوق اجيب له شي معي حتى لو كان تافه
ومع مرور الوقت حتى اهو نفسه لما يشتري شي لي او يكونون اهلي مرسلينه يقول لاهله شي يخصها حتى انا مالي دخل فيه لها هي وش دخلني فيه انا
والحمد لله حتى لو بنطلع اي مكان اذا بنتي معي صرفنا الموضوع واني رايحه عند احد من اهلي او بيت اهلي واذا طالعه لحالي ومخليه بنتي عندهم يقولهم مشوار وراجعين
اهم شي خلي علاقتك فيهم رسميه لاتتدخلين في شؤنهم ولا تسمحين لاحد يتدخل بشؤنك واللي بحسسهم بالشي هذا انك ماتنفذين اللي يقولونه الا اذا مقتنعه فيه او كان في بالك قبل يقال
وما اقول الا الله يعينك ويسخر لك زوجك ويبعد عنك الدخلات اللي احيانا تهد جبال
وءاسفه على الاطاله

انا مثلك حبيبتي انايدخلون فلبسي البسي كذا حطي كذ واللحين فولدي لبسيه كذا حطي له كذا المشكله لبسهم يحوم الكبد ماعندهم ذووق بس الحل طنشيهم روحي اللي تبين لا تروحين للي يقولون للك عانديهم وعلى الانجاب شي راجع لك ولزوجك

الغاليه دلgعته الله يكون بعونكِ كيف مستحمله عايشه معهم ببيت واحد أنا بمدينه وهم وأهلي بمدينه ثانيه
ومع هذا أخته مو مخليتنا من تدخلاتها كيف لو في بيت واحد مصيبه والله
على رأيكِ أمس زوجي فجأني بأسم محل أخته قالت له أنه يبيع أواني منزليه رخيصة قلت له ماأبغى أروح
للمحل فيه محل أعرفه وابغى أروح له قال براحتكِ
اللي غايضني تدخلها بأشياء مو من حقها تتدخل فيها مع أن أمه ما تتدخل مثلها ولا حتى أبوه
ومن ناحيه العلاقه أن أحب الضحك ووساعه الصدر والفرفشه والغريب أنهم مثلي والأغرب إذا جيتهم
ما أحد منهم يجلس بالمجلس معي حتى حماتي وإذا دخل زوجي علي بالمجلس تلقينهم كلهم داخلين
وإذا رجعنا من عند أهله وسألني كنتي مبسوطه معهم أقوله أيوه أنبسط وإذا سألني من باب الإختبار لي
عن أيش تكلمتوا أقول ما خلينا شئ وهو عارف أني أكذب عليه والعكس من هذا معاملتهم لزوجه أخوهم الكبير
يحبونها ويحترمونها كثير انا و زوجه أخوهم تربطنا قرابه لحماتي لكنها هي أقرب بكثير مني
ماأقول الا الله يكون بعون الزوجات والأزواج من تدخل أهليهم في حياتهم الزوجيه
يعطيكِ ألف ألف عافيه على مروركِ يالغاليه

الغاليه && حنين && الله يكون بالعون العناد مو حل لهالمشكله وبنفس الوقت أنا أستحى أقول
لزوجي أن أختك تتدخل بشئ ما يخصها المفروض هو يحس أني رافضه تدخلها
يعطيكِ ألف ألف عافيه عزيزتي على مروركِ

صدق الله يكون بالعون........الظاهر إن الكل عنده نفس المشكلة......
بالنسبة لي...أخوات زوجي دائما يعتبروني ما أفهم وإذا قلت شي يعاملوني كأني طفلة، والأكثر من ذلك إنهم يعتقدون إنني لا أستطيع فهم زوجي لانه صاحب عقلية كبيرة ومثقفة...من التصرفات اللي يعملوها إنهم إذا يبون يسألون عن زوجي وأنا موجودة وجاوبت على السؤال ما يصدقوا ويظلوا يتأكدوا من بعض إن المعلومة صحيحة أو لا!!! يعني حتى شغل زوجي يظنوا نفسهم فاهمينه وأنا لا...وفي مرة من المرات كنا جالسين كلنا مع بعض أخواته وعماته و أهله..وكل كلمة أقولها أخته تطلعني كذابة بالرغم من إن الكلام كان عادي ولا كذبت وهي تعرف ذلك.......لا وقبل الزواج كانوا دائما يمدحوا بذوقي ولبسي و أغراضي...وبعد الزواج بدت الانتقادات والمقارنة....طيب أنا شنو ذنبي إذا أنا متعودة على شيء معين مثلا المستشفى اللي ازوره خاص وهم في حياتهم ما زاروه الحين يقولوا لي ما في داعي تروحي هالمستشفى غيري روحي مكان ثاني...وطبعا كل شي أعمله دلاعة بالنسبة لهم...وإذا كلمتهم بالموضوع عندهم ألف رد جاهز على كل كلمة...
أحسن شي عملته إني خففت الجلوس معاهم قدر الامكان وحتى لو جلست أتكلم للضرورة فقط........والتطنيش هو الحل الأمثل

اهل الزوج مشكلتهم مشكله
بس تعرفون انا مره وتشجعت لما صار حديث من بنت اخته طبعا متزوجه وطلبت تطلع من بيت اهل زوجها لانهم يتدخلون في شؤنها وهي كل يوم معهم في مشكله جديده لقيت الدفاع عنها وانهم لازم يكلمون الرجال وين كرامة بنتهم ووين كيانها بحياته ومن هذا القبيل كان زوجي جالس واخوانه وزوجات اخوانه من القهر اللي فيني قلت بصوت عالي ممكن سؤال لكم كلكم اللحين انتم جالسين تدافعون عن بنت اختكم وانها صار لها كذا ولا في يوم واحد منكم فكر يدافع عن زوجته او يمنع تدخل اهله فيها واحنا عايشين في موقع صاير زي محطات الجمارك وتلقي الاوامر حلال على بناتكم تدافعون عنهم وحرام على بنات الناس لازم تسكت ولا تتكلم ولا تتطالب بشي ابي افهم هذا خوف او احترام لاهلكم لكن ما اظن ان هذا يعتبر احترام لان لو الوحده تحترم اخوها حتى لو كان اصغر منها تحترم زوجته وتقدرها
صار البعض منهم يتهجم بالكلام وانا لا تعليق صرت اسمع بدون اي رد ردي لهم صار بكره لميت اغراضي قلت اتخذتكم قدوه لي وراح اروح بيت اهلي واطلب من اهلي يفهمون زوجي ويسألونه وين مكانتي بحياته لاني ما ارضى اعيش في بيت ناسه انانيه وظالمه
وبالفعل طلعت بيت اهلي وكل يوم زوجي واهله ينتظرون مكالمه من ابوي او امي او اي احد من طرفي ماصار شي ارسلت رساله لزوجي وقلت له مو انا اللي اصغر نفسي واخذ تصرفات ناس حمقاء قدوه لي اعرف زعلته الكلمه وجلست في بيت اهلي اربع اشهر بحجة مرض امي وانه في البيت عندنا ترميمات وكل مره اطلع لهم بحجه وكل نقاشي يكون معه وبرا البيت ما ابي يعرفون بشي زي كذا ما ابي اضيق صدورهم بأي شي مهما كان وتكلمت مع اخوه الكبير قال زوجاتنا ما اشتكو قلت شي يخصهم وهم بنات عمكم لكن انا ماعاش من يهيني في حياتي بيت اهلي اللزم فيني واهم ماعلي كرامتي وبالفعل اجتمع هو واخوانه وناقشو الموضوع لاحظو ان ام زوجي مالها ذنب في شي لكن بناتها هم كانو السبب في تغير تصرفاتها وطريقة تعاملها معنا واهم شي الرجال تعدلو ماصارو يسمحون لاي احد يتدخل بأي شي مهما كان من لحظاتها ولي سنتين وانا وياهم سلام وعليكم السلام اغلب وقتي اكون ساكته ولا اتكلم الا اذا صار فيه شي ضروري او ما اجلس معهم خير شر لاني ما احب اجلس بين الرجال وانا متغطيه واجلس في غرفتي افضل عندي
ءاسفه طولت عليكم بس بصراحه فيض من غيض

يابنات لو أقلكم عن حالي ماتصدقون ، أقسم بالله إنها 13 سنه وأنا في غلب من أهله مايعلمه
إلا الله كنت حتى إذا نزلت السوق لابد أشتري لهم وأنا أخر شيء بعد مايختارون هم طبعاً وبعد
ماياخذون كل شيء يجي دوري يقول خلاص تأخرنا خذي بسرعه اللي تبينه ويالله أرجع البيت
ما أخذت شيء وصبرت وكان الفرج ولله الحمد ( الصبر مفتاح الفرج ) صدقوني الأن لي 4 سنوات
نقلت في مدينه ثانيه لحالي وكان القرار منه هو والحين أروح وأجي وقت ما أبغى ماعندي عله
على قلبي فمن صبر فرجها الله عليه ربك مايجمع عسرين مع بعض .

اختي الفراشه الغاليه ..
احب اقولج يا غلاي ان مشكلتج مو صعبه بمعني سمعي بهالاذن وطلعي من الثانيه وانتي وزوجك تقدرين تقررين
الي تبينه بينج وبينه اما الكلام والتدخلات الي تتعرضين لها من اخت زوجك طبيعيه بالمجتمات الي نعيشها انا ما
استغربها لاني العن بوايد من ظروفج عزيزتي... انا متزوجه رجل وحيد امه المنفصله من ابوه
واعاني من لمشكلا ت الي تعجز الاصابع بكتببتها لج لكني احاول واحاول وانتظر فرج الله الي ما ينسانا
والله احيانا افكر بالانفصال بس علشان اقدر ابتعد عنها وعن حياتي التعيسه وياها لولا حبي لزوجي وتمسكي
فيه...
اصبري عزيزتي والصبر مفناح الفرج...
اختكي \\لياالي.

حبيبتي دلع انا ماقدر ازيد عن الي قالوه خواتي قبلي ،، يعني الصبر مفتاح الفرج
ونصيحتي لك مدامك مسافره خذيها فرصة وحاولي تقولينها لزوجك بطريقة مثالية يعني قولي انا وانت نحل مشاكلنا ونتخذ قراراتنا بروحنا من دون مايدخلون لا اهلي ولا اهلك
شوفي انا تقريباً لي خمس سنوات متزوجة واول سنة شفت الويل كنت حتى المطعم تروح معنا اختة تخيلي وانا كنت عروس مالي 10 ايام متزوجة وخذي نصايح المطعم هذا مو حلو وهذا غالي ولاتدخلون هذا السوبر ماركت وخلونا نروح السوق الفلاني وحتى احيانا انا نبغى نتمشى على رجلينا تقول لا مصير وانتوا توكم ماكلين وتقعد بسياره ماتنزل يعني تحطنا بموقف محرج
وبعدين كانت ساكنت عندنا يعني كانت العين الناقله لاهلها يعني لو غيرنا باب اول الاسبوع ما يجي اخر الاسبوع الا الكل عارف وخذي النصايح لازم توفرون توكم باول حياتكم خلو المظاهر .
بس انتهزت اول فرصه سافرت فيها (( استفردت بزوجي)) وقلتله انو حياتنا مفروض محد يتدخل فيها وحاولت افهمه انه لو راضي انا كل بيت اهله له كلام علينا الله يعينه حتى اهلي بكره بيدخلون بس لو احنا سدينا الباب بوجيهم سواء اهلي أواهله محد راح يتدخل ويحشر نفسه . وبعد الحاح وشرح تقبل الفكر والحمد لله 4 سنوان الي بعدها فرقت حياتي كثير
صح في البداية تحولت النصايح الا امثال يضربونها قدامك بس عادي طنش تعش تنتعش
بس انا صراحه من بداية حياتي معهم انا مجرد متلقي ليس له اي ردة فعل يعني لو قالوا شي ولا نصيحه ولا سؤال مارداسكت واحتسب واصيح بيني وبين زوجي بس انا مابغى بكره هم يجون يقولون لزوجي ترى زوجت قالت ولا سوت ،، انا علي اني اسكت واذا الشي ضايقني اقوله وهو يعالج المشكله معاهم ،،
واسفه على الاطاله