تدرون ايش الزوجه ماتكشخ كل وحده تخلي زوجها يدخل

السلام عليكم ورحمة الله وبركاته
.
.
صباحكم بخور ودله على النار تفور
.
كثير رجاجيل يشتكون من أهمال زوجته لنفسها
وانها ماتكشخ له ابدن
لكن اذا ارادت الخروج كشخت على سنقة عشره
بس قدامه حوسه
طيب هل بحثت عن السبب ؟
انا بقولك السبب
هو لانك انت ماتكشخ لها
لاتقول انا رجال ومو مطلوب اني اتزين لها
غلطان عزيزي ترى زي ماتبي انت هي بعد تبي
واظن انها لحم ودم واحساس زيك
وزي ماتبيها بااحسن شكل وحال هي بعد مثلك تبيك كشخه داخل البيت وبرا
فاموضوعي اليوم فله واهداء خاص للرجال
. لا وهو
.
( كيف تتجمل وتكشخ لزوجتك ؟ )
.
.
. خلونا نبدى بهذي الصورة
^
^
^
ترى اكره ماتشوفك زوجتك بهاالشكل
وهذا اللبس تراه يلبس تحت الثوب مو في البيت قدامها
يااخي خلك مثير قدام زوجتك
حسسها انك كشخه وجنتل عشان تحترمك وتسوي لك كل اللي تبيه
دائما تعود على النظافه واللبس السنع
فأنا بقولكم على نظام طبقه ورح تتغير حياتك للافضل وتصير اطلق
انسان في هالكون << تصلح تسوي دعايات
اول ماتقوم الصباح خذ لك دش ينعشك ويجدد يومك ونشاطك
خليك مجهز مويه وملح واغسل فمك وبعده فرش اسنانك
واشرب ملعقة ماء ورد ويفضل ماء الورد الجزائري عشان ريحة فمك تجلس لليل منعشه
واول ماترجع من دوامك بدل ملابسك وقبل تقول هاتي الغداء خذ لك دش يريحك ويريح زوجتك اذا جلست معك
واستخدم شامبو جسم من النوع اللي يخلي ريحة جسمك تجنن ولاتحط بعده عطر عشان ريحته تكون مثيره
وفيه مجموعة شامبوهات للجسم غاليه شوي بس تخلي زوجتك تشمك كلك بدون ماتحس
وكل ماجلست جنبك تقول واو ياحلو ريحتك
.
.
زي ماقلت غير ملابسك واكشخ لها
عاد انت وطريقتك باللبس
بس انا افضل الشورت بس يكون نوعيه حلوه او جينز
اهم شي ماتجلس قدامها وانت لابس فنيله وسروال طويل ولا لابس قميص من الاشكال المقرفه المخططه القديمه اللي تلوع الكبد
وبعد كذا كل شهر احرص تسوي لجسمك حمام بخار وساونا
كل اسبوع اهتم بنظافة جسمك
ادهن جسمك بزيت بيبي جونسون وانتظر اقل شي نص ساعه
يعني خطط يوم بالاسبوع او كل 3 ايام مره بعدها ادهن جسمك كله بصابون مغربي
وافركه لما تطلع البلاوي من جلدك
وخذ لك بعده دش بشامبوات معطره زي ماذكرت فوق
راح تشوف ريحتك شي وتحس بنشاط ونظافه مو طبيعيه
بس بعده لاتحط عطر خلي ريحتك مميزه وكنها ريحة مولود تهبل
يعني وش بيضرك لو تأنقت وأهتميت بشكلك ورائحتك
وربي ولا شي
هذي مجرد نظافه ولبس لك شخصيا قبل تكون لزوجتك
بعد كل هذا راح تلاقي زوجتك لازقه جنبك كل وقت
صدقيني لما زوجتك تشوفك مهتم بنفسك هي بطبيعة الأنثى
رح تهتم بنفسها اكثر لانك بالفعل تستاهل
.
وزي ماقلت قبل
اكشخ لها تكشخ لك
اهمل نفسك تهمل نفسها
.
المرأه عباره عن وردة جوري
اسقيها بحنانك تعطيك ريحه وشكل يجنن
اتمنى الموضوع ينال على اعجابكم وقبل هذا تطبقونه
مع تمنياتي للجميع حياة هنيئه وسعيده