تدرين وشو اهم شي بحياتنا

السلام عليكم ورحمة الله وبركاته
مساء الخير وصباح الخير لكل فراشة رقيقة ورائعة وجميلة
انا كتبت موضوعي هذا لي ولكم
عشان الكل يستفيد منه مثل ما انا استفدت من حياتي ومن تجربتي الكثير
مع ان اسلوبي مخبص شوي بس هذا اللي في قلبي لكم
انا لي فترة طويلة اتابع هالمنتدى عموما والقسم هذا خصوصا
وفي خاطري كلام كثير ودي اقوله لكم
اول شي يابنات الزواج قسمه ونصيب<< اتفقنا
طيب كلنا نعرف اللي لك نصيب فيه وربي مقدره لك بتاخذينه غصبا عن الكل
واللي مالك نصيب فيه ومو مكتوب لك والله لو تفحطين وتطيرين وتروحين وتجين وتحاولين ماراح تاخذينه
وكلنا نعرف ان اهم شي التوكل على الله مع العمل بالاسباب
وحسن الظن بالله<< بدون تحديد توقيت معين للخطوبة والزواج مثل اللي اقرأه بمواضيعكم وتواقيعكم
واهم شي يابنات
اعبدي الله وانتي تريدين القرب من الله والمغفرة والرحمة والتطهر من الذنوب والعتق من النار
واقرأي القرآن واذكري الله واستغفري لتزيد حسناتك ويرضى عنك الله ويرضيك بإذنه تعالى
يا بنات لاتخلين هدفك من العبادة الزواج
اخلصي بصلاتك وبدعائك وبخضوعك وبخشوعك اجعلي نيتك الجنة والرضا في الدارين
لاتخلين التفكير في الزواج يسيطر على حياتك
خليه هالموضوع آآآآخر اهتماماتك<< انا ما اقول انسيه انا اقول من ضمن الاهتمامات بس يكون آخرها
أنا مثلا كنت مثلكم كذا
بس احس كثرة التفكير بالزواج تجيب الاحباط وهو ما جاء لأن ربي مقدره بوقت محدد في علم الغيب
خلي عبادتك خالصة لوجه الله تطلبين عفوه ومغفرته والاجر العظيم ثم ادعي بالمطالب الدنيوية من زواج ورزق ووظيفه وغيره
ادعي الله ان يخلي لك ابوك وامك واخوانك ويسخرهم لك ويطول بأعمارهم ويعطيهم الصحة والعافيه
ادعي ان الله يديم عليك الصحة والعافية والستر
الله سبحانه وتعالى قال ( وإن شكرتم لإزيدنكم )
اشكري الله على كل نعمة انتي فيها
يابنات انا صار عمري هالسنة 29 سنه
وصلت لقناعة ان ربي مقدر لي رزق في وقت معين وبيجيني في الوقت اللي قسمه ربي لي
لقيت نفسي اننا دايما نتذكر الاشياء اللي ناقصتنا بس ننسى الاشياء اللي ربي فضلنا على غيرنا فيها
يابنات حنا في شعبان
ومابقى على رمضان شي
اخلصي النية لله
واحسني الظن بالله ان ربي بيرزقك ويرضيك بس بدون ماتقولين زواجي بشهر عشره الجاي
حنا مانحدد لربي وقت الرزق ونقول تفاؤل
لكن دايما رددي ( ان فرج الله قريب )
يا بنات لازم تعبدين الله وانتي في داخلك احساس انك تحبينه وتبين ترضينه
لازم تعتبرين الدنيا هذي زائلة وفانية وماتسوى عند الله جناح بعوضة << يعني تافهة جدا
وان الدار الاخرة هي الدار الباقية
صدقوني لو تذكرتي القبر والبعث والحساب والصراط والجنة والنار
بتحسين ان الدنيا كلها تافهه بكل شي فيها
لو تذكرتي نعيم الجنة بتدعين بكل الحاح ان تكوني من اهل الجنة
وبتدعين ليل ونهار ان يعتقك الله من نار جهنم
يا بنات لاتخلين كل دعاءك للزواج وبس
الله كريم ويكرم عباده
ادعي بالرضا والرحمة والمغفرة والعزة للإسلام
دايما رددي ( يارب اكتب لي الخير حيث كان وارضني به )
اهم شي الرضا باللي ربي قدره لك مهما كان
اذا رضيتي بالقدر خيره وشره بيرضيك ربي
يعني مهما كان : دراسة تخصص تخرج وظيفة خطوبة زواج اي شي
انا اول ازعل لو احد لمح انهم بيجون يخطبون ومايجون
الحين اقول الحمدلله على كل حال وعساها خيره
الانسان مايعلم الخير وين هو فيه
ارضوا بقسمة الله ونصيبكم وادعو بالخير والرضا والرحمة والمغفرة
وعيشوا حياتكم عادي << واعملي بالاسباب وخلك اجتماعية
وبري بأهلك لأن رضاهم من رضا الرب
وللاتركزين على موضوع الزواج وتأخر النصيب<< لأن فيه حكمه مايعلمها الا رب العالمين واكيد فيها خيره لكم
وشلون الانسان يجزع من شي فيه خير له << هذا بدل مانحمد الله ونشكره على كل شي
وان طرى على بالك الزواج << قولي ربي هب لي من لدنك زوجا صالحا يخافك فيني ويكون لي قرة عين...
الله كريم وفرج الله قريب
انا والله حالي من حالكم
لكن شلت موضوع الزواج من بالي << وصرت ادعي ان ربي يكتب لي اللي فيه خير لي
واخذت عهد على نفسي >> رمضان هذا بيكون غير
وانا بكون انسانه غير مع ربي
مو عشان الزواج لا اصلا ما عاد يهمني لين ربي ييسر لي نصيب ويقدره لي
اهم شي الرضا والتوفيق والجنة لأن هي اللي فيها السعادة الحقيقة والأبدية
والحمد لله على كل شي وفي كل الاحوال