ترتيب الاكسسوارات

1. السلام عليكم ورحمة الله وبركاتة

السلام عليكم ورحمة الله وبركاتة

مساء الخير والافراح للجميع اليوم جايبة لكم طريقتي المتواضعة البسيطة في تنظيم اكسسواراتي واتمنى تستفيدو منها بابداء على طول لاني ما احب اطول عليكم
دولابي القسم الاوسط منه رفوف تركت واحد منها خاص للاكسسوارات اخذت معاليق الفوط حقت المطابخ الي يكون فيها شريط لاصق من الخلف ولصقت ففي الدولاب اربع حبات بين كل وحدة والثانية مسافة10سم وعلقت فيها السلاسل جميعا والافضل انك تلصقي العلاقات قريبة من الرف العلوي علشان السلاسل الطويلة.
اما الخواتم جبت علبة مسستطيلة لها غطاء العلبة اللي استعملتها علبة حلاوة فريروروشية واخواتي عملتها لهم بعلبة شماغ الحين تجيبين العلبة وتفرشيها بالاسفنج عرضة 2سم تقريبا اما يكون قطعة وحدة كاملة مغطية ارضية العلبة اويكون الاسفنج حق المواعين الملون لصقي واحد جنب واحد باحكام الى ان تصلي الى حجم العلبة بعد كذا ضعي الصمغ في ارضيةالعلبةثم الاسفنج حتى يلتصق تماما في العلبة
اخر خطوة جيبي المشرط وابتعدي عن الاطراف مسافة 1سم وشقي الاسفنج على شكل خطوط مستقيمة متوازية بين كل واحد والاخر 3سم ثم ادخلي الخواتم في الشقوق وغطيها بالغطاء لتصبح لكي مثل العلب التي تعرض فيها الخواتم في السوق وبكذا اشغلتي وقت فراغك وجمعتي كل الخواتم قدام عينك حتى توفري على نفسك وقت وانتي تدوري على لون معين وماتدرين وين راح وكمان ماتطيح فصوصها ولايروح لمعانها بإذن الله اذا كانت غالية الثمن.
باقي الساعات جيبي علبة وافرشي جميع الساعات فيها وضعي بين كل مجموعة ومجموعة مناديل من القماش
باقي حلق الاذن جيبي طبق بيض وبخي علية بخاخ لون ذهبي ولصقي على اطرافة شرائط عنابي وجمعيها في جهة وحطي عليها مجموعة ورود وضعي في كل فتحة من الفتحات حلق علشان اذا احتجتيها تكون كلها قدامك بعيد عن الحوسة
بعد كذا حطي الطبق حق البيض(طبق الحلق) جنب العلبة حقت الخواتم تحت السلاسل
ووفري على نفسك الوقت والترتيب والشراء واتمنى تفاعلكم على موضوعي لو بدعوة اتمنى اني افدتكم من كل قلبي
ربي لا تذرني فردا وانت خير الوارثين