تزوجت ولكن

1. ولاحس ولااخبر ولاحتى تهنئة ضاق صدري اكثر مما هو عليه


2. بذمتكم في ريال عاقل يسوي هالشي


3. قالي قومي اندور سكن خاص فينا


4. دورنا وتعبنا الاجارات مرتفعه في الاخير قالي دفعي انتي السكن

السلام عليكم
ودي افضفض واقولكم عن قصتي انا ماعتبرها مأساويه لان بلوتي اخف من بلاوي غيري بس شاسوي هذا نصيبي والحمدلله على كل حال
مرت الايام والسنين وانا احلم بزوج يحبني ويقدرني ويصوني كبرت واكبرت احلامي معاي وانا انتظر هذا الزوج الي يجيني ويشيلني ويحطني فوق راسه
جاء الفارس المقدام لخطبتي جاتنا امه واخته مدحوه واثنوا عليه وكأنه بطل
من اهم المواصفات الي قالواها
يصلي في المسجد
يقرأ القراءان
يمارس الرياضه
يؤذن في المسجد
طيب وعلى نياته
محترم
مسكين
طويل وجسمه عريض ورياضي
كل هالمواصفات شدتني له اكثر واكثر
شفته وشافني في الشوفه الشرعيه ماعجبني
قعدت افكر وين الطويل العريض الرياضي
كان يقاربني في الطول وزنه 50 كيلوا وكله جسمه عضام كنه عايش في مجاعه افريقيا
قلت مو مشكله الشكل مو مهم انا ابيه بكره يمتن ويسمن اهم شي باقي المواصفات الي ذكروها
تمت المجله على خير دخلت سلمت عليه وجلست وياه
حسيت بضيقه شديده في صدري حسيت بسطحيه تفكيره غباءه
كان غير متزن غير لبق مايعرف يتكلم انصدمت بس بلعت حرتي وسكت قلت بكره يتعلم كان لايحمل الا الشهاده المتوسطه
بعد الملجه اختفى ولا اعرف عنه شي وجاء العيد ولا اعرف عنه شي
جاءني فضول لااعرف مابه فقد اختفى وتوارى عن الانظار
لان على حسب علمي وعلى حسب ماذكروا صديقاتي
ان في ايام الخطوبه ازواجهم يتهافتون عليهم بالاتصالات والهدايا ويسهرون 24 ساعه على التلفون والاحاديث الهاتفيه والمقابلاات والزيارات
لكن انا العكس تماما لم يبادلني رقم هاتفه ولم يذكر لي انه يريد رقم هاتفي
جاء العيد انتظرته في مجلسنا عسى ان يدخل عليي ويفرحني بطلبته كما يفعل باقي الرجال المتزنين جاء ثالث يوم العيد

ولاحس ولااخبر ولاحتى تهنئة ضاق صدري اكثر مما هو عليه

اتصلت بوالدته وسألتها عنه قالت انه مريض مسكين لايفارق غرفته كلمته وبعد الحاحي عليه جائني وسلم
مرت الشهور وكنت اخبره متى سيكون موعد العرس قال لي لا توجد قاعات ولا صالات افراح كلها محجوزه قلت لايجوز هذا الكلام غير معقول كان قليل المكالمات معي وكنت انا من اقوم بالاتصال كان دائما خائفاا على رصيد جواله
تضايقت بشده من تاخير وتاجيل موعد الزفاف وكلما اخبره بذلك يقول لي انه غير مستعد مرت مرت 7 شهور على الخطبه وقلت له مااذا تنتظر الناس تكلموا من طول فتره خطوبتنا هيا قوم بتحديد موعد العرس او احده انا وفعلا حددت موعدت الفرح واحرجني بشده وقال لي لااريد الزفاف في هذا الفندق واريد الزفاف في فندق اخر تضايقت وتحاملت على نفسي وقلت اذن احجز في الفندق الذي تريده قال لا يوجد حجزز لماذا لانقوم بالعرس في خيمه امام منزلكم قلت لم يكن كلامكم في البدايه بهذه الطريقه عند خطبتي
قال لا ارقد ان اعرس في فندق اجبررته على الحجز في الفندق الذي يريده وتحج بعدم وجود قاعات فاضيه وشاغره اتصلت بنفسي ووجدت مجاالا لاقامه الفرح وحجزت ودفعت عربون
وصارت بينا مشكله كبيره على هذا الموضووع ربما تلوموني على فعلتي لكني الناس احرجوني وصديقاتي احرجوني متى فرحك متى فرحك وتعبت من قول بعدين بعدين بعدين مافكرنا صبروا شوي
بالرغم من بخله الشديد كنت اغدق عليه الهدايا كنت اظن ان كثر الهدايا قد تلين قلبه ويحبني اكثر واكثر لم اعلم ان قلبه خالي من المشاعر
كنت اتصل به وزادت فاتوره هاتفي وقلت له اتصل فيني انت فاتوره هاتفي مرتفعه كان يقفل السماعه ويقولي انطريني على اللفه
او كان يقفل ويقول سأتصل الان واجلسس انتظره ولا يتصل
لم يكن يجلب الهدايا طلب مني جوال واشتريته له
طلب مني ملابس عطورات واشتريت له بحكم انه زوجي
لم ابخل عليه جهزت لفرحي من اوربا وجهزته بالملابسس ايضا
لم ابخل ولم اشح
كان كثير المشاكل وكان كالحريم يجيب سوالف ومشاكل كان يتوهم المشاكل ويؤلف القصص عن خواته وامه ويسبهم ولا يتوانى بشتم هله وامه وابوه الله يرحمه ويتلكم عنهم باوصخ الكلام
جاء موعد الفرح بعد عشرة شهور من الخطبه
لاحظت تغير اخواته واهله لم اعلم سبب هذا التغير
يوم العرس دخل عليي القاعه وانا جالسه لم يعبرني ولم ينظر الي كان متحجر ولا احد من خواته فكر يسلم عليي
استغربت وحزنت وكتمت غيضي دخلت الغرفه لم يبادر بأي كلمه حلوه او جميله خلع ملابسه فقط استغربت من بروده تناول العشاء وكان قليل الكلام لم يكن ملهوف لم يحدث مااخبروني عنه صديقاتي
اخبرته ان لدي عذر شرعي احست بفرحته وقال لو ماكان عندك هالعذر الشرعي كان اكلتك حسيت انه فرح وايد بهالخبر
في الصباح الباكر نهض ولبس ملابسه وخرج وقلت له وين
قال باروح اسلم على المباركين واتغدى معاهم وتميت انا في الفندق بروحي وكل شوي يتصلون فيني الرسبتشن لازم تفضون الغرفه وتطلعون قلت لهم زوجي مش موجود
وفعلا هو طلع من الساعه 10 ونص ومارجع الا الساعه 4
ولا افتكر فيني وقعد في بيت هله وتغدى ويوم رجع ماسألني تغديتي كليتي شربتي اهم شي هو ترس بطنه

بذمتكم في ريال عاقل يسوي هالشي

مرت الايام وسافرنا وفي الطائرة لم ينظر لي وكأني مسافره مع اخي احست بسذاجه وغباءه وكاني مسافره مع طفل صغير كنت انا من اقوم بكل شي في المطار في الفندق وهو كان كالطفل يجلس ورائي احسست اني مع اخي الصغير
دخلنا غرفه الفندق وهو لاحس ولاخبر كان يتجاهلني ولاكأن هناك امرأه امامه استغربت من رده افعاله كنت احاول اثارته واغراءه لكن يقوم بتجاهلني وينام او ينزل الى حمام السبااحه كل ذلك يثير ضيقي لم يحدث ماتكلموا عنه صديقاتي ماذا افعل اتبعت جميع الوسائل والحركات بدون فائده كنت امر امامه بكامل زينتي ويشيل نظره عني وينام
مرت الايام صارحته فقال لي لا اريد لمسك ربما يحدث لك شي ونحنا في دوله غريبه
قلت يحدث ماذا قال ربما يحدث لك نزيف فانا لا اريد ان اتحمل المسؤوليه فاانا شديد
قلت له ماعليك يله اثبت رجولتك
فشل للمره المليون في اثباتها
اكتشفت واعترف لي انه لا ؟؟؟؟؟؟؟
قلت له كيف تتزوج اذا انت مو قادر قال بتعالج قلت طول فتره الملجه وانت ما اتعالجت عمرك 35 سنه وانت مافكرت تتعالج
كان كلامه مثل السكين الي انغرزت في قلبي
بعدين قال في امور كثيره تثير الرجل وهي اللعب في مؤخرته
انصدمت اكثر واكثر واكثر فهمت هو وشيبي
تذكرت على طول كلام امي يوم قالت معقوله ريال عمره 35 مو متزوج لين اللحين ليش
تعبت يومها واعصابي انهارت لان كل احلامي تلاشت يعني مافي عيال يعني عمري مابكون ام
ليش تزوجتني ليش قصيت عليي ليش خدعتني
ماكانت عنده اي اجابه سوى لو حد درى وعرف عن موضوعي انا بااقتلج
كنت شبه منهاره من الصدمه تركني ورااح وطلع
بعدها قلت روح مستشفى
شوف لك صرفه رااح ورااجع احد المطاوعه على قولته وجاني وقالي امه واخوانه مسوين له عمل وسحر عشان يخربون علينا حياتنا شفتوا مدى صغر عقله
تحاملت ومسكت اعصاابي قلت مابي اسوي مشاكل خلني كبيره
مابي الناس تتكلم وتشمت فيني
حاولت انسى وانسي نفسه بالخروج والتسوق كان لايدفع شيء
كان بخيل قحي سكت وبلعتها قلت مو مشكله انا عندي فلوس اصرف على نفسي ماحسسني انه زوج
اول موقف صار بيني وبينه شرد عني
ركبنا مع سايق مخمور فتحت الباب على اسااس نهرب من التاكسي قام هو ركض عني وخلاني بالتاكسي
كان كاالطفل لا يعرف التحدث كان كالابله
رجعت لبلدي اجر خيوط الفشل والاحراج قال لي اجلسي في منزلكم ليحد ما ارتب لك السكن في بيت اهلي
قلت له ابي اروح اسلم على امك قال مافي داعي تجين تسلمين بعدين اصريت علييه وكان يمنعني
المهم نفذت رغبتي وجيت سلمت ععلى امه وقالت لي يابنتي كلها يومين وبتجهز الغرفه بس تمي في بيت اهلج كم يوم
وتميت في بيت اهلي وكل ما اقوله ايقولي الغرفه ماجهزت صبري لين اللحين
في الاخير بعد اسبوع اتصلي وطبعا هو في بيت اهله وانا في بيت اهلي
قالي اهلي مايبونج ولا يحبونج ولا يبون تجين بيتهم وانا اكرهم وماحبهم ولا ابي اقعد عندهم انا اريد بيت بروحي قلت له شسويت لا اهلك بالعكس شايلتهم فوق راسي امك هي امي قال
مابيهم وفي نفس اللحظه رااح حق اهله وقالهم اني انا مابيهم وطبعا ماعرفت هالشي الا بعدين

قالي قومي اندور سكن خاص فينا

دورنا وتعبنا الاجارات مرتفعه في الاخير قالي دفعي انتي السكن

قلت له من وين ادفع قال تبين سكن دفعي انتي انا ماعندي قلت اجل ليه تسوي مشكله مع اهلك اذا انت مو قادر اتسوي لي سكن خاص انا ماطلبت منك قال خلاص خليني انام في بيتكم في غرفه السايق اوفي المجلس عندكم او في غرفتك
قلت بيتنا فيه شوفات وعيب تقول كذا
قال ماعندي كلام غير كذا اما اسكن في بيتكم او اتضليين في بيت هلج وانا في بيت هلي وخلاص
وطلع عني وماشفته من بعدها وطلبت منه الطلاق ورفض ايطلقني الا بحاله وحده ارجع له كل مهره موضوعي من في المحاكم من 8 شهور وليحد اللحين ماتطلقت
لاني رافعه قضيه طلاق للضر