تسويق البنات

1. السلام عليكم


2. بالله ايش رايكم في الام اللي زي كده ؟؟؟

السلام عليكم

يا بنات انا اعرف انه احنا بزمن يمكن قدام كل رجل 4 بنات و فوق ، و انه اول البنات كانو يسكتو لو ما تزوجت دحين لا صارو يتكلمو و يطالبو بالزواج و رفع سن العنوسة ، اوكى انا اعرف هالشي ، بس باللي ايش رايكم في تسويق البنات ؟؟؟
يعني البنت - بحجة انها تبغا الستر - تسوق لنفسها و تفتش بنفسها على عريس عشان يجيها ، يعني تكلم خطابة او تتصرف
و الامهات - هم من زمان يعملو كده - ممكن تعرف انه حرمة عندها اولاد كتير ، تروح لعندها و تقعد تتكلم عن محاسن بناتها و انه بنتها مافي زيها وانه وانه ...الخ ، بس عشان الزواج ! ، و كمان حتى تاخد بنتها على الافراح ( لعل و عسا ) و تقلها روحي ارقصي هنا و روحي امشي هنا ( يعني مشننة على ناس عشان يشوفوها و يخطبوها )

بالله ايش رايكم في الام اللي زي كده ؟؟؟

راح اقلكم ليش انا كتبت عن هالشي ، انا بنت عمري 27 سنة و موظفة و ادرس و لله الحمد و مو متزوجة و عندي اختي عمرها 25 برضو موظفة و تدرس و ماما الله يهديها لمن يجي احد لبيتنا تقعد تشتكيلو مننا انه انا و اختي مانتزوج و انه بيجونا عرسان واحنا بنرفض ( انا جاني كزا واحد و كلهم ابدا مو مناسبين ليا و آخر واحد عشان كلام اهلي بالقوة تدبست فيه و بالنهاية هو الليقام يتشرط عليا و انا ما اتحملت ) .
يعني بالله ايش نسوي اذا ما بيجونا ناس مناسبين ؟؟؟ نطلع نخبط على ابواب الناس نقلهم عندكم شاب عدل للزواج ؟؟؟ نعرض نفسنا على الفترينا ؟؟؟ نرمي نفوسنا ؟؟ ولا ايش نعمل بالزبط ؟؟
يا بنات انا بنت مؤمنة بالنصيب و عن نفسي جدا متفائلة و ماني شايفة مشكلة باني الين دحين ما اتزوجت ( اصلا كنت افكر انه 30 سنة انسب عمر للزواج ) و حتى الناس زيي زيكم يدقوني بكلامهم و انا عندي قدرة اني اقلب الطاولة على اللي تتكلم عليا و اخليها تنكسف من حالها لا و اقلب الموضوع ضحك ، بس يعني بجد ايش نعمل و ايش زنبنا انه ماجانا عريس عدل ؟؟؟ الناس و الام عندهم مشكلة بس انا لا
و انتو ايش رايكم ؟؟؟