تصدقون ماادري وين بعيد فيه السنه هذي

1. مشكلتي العيد هذا مدري وين بعيد

شوروا علي تكفون
أنا توني متزوجه وأكبر وحده من اخواني واكبر حفيده بالعائله تتزوج

مشكلتي العيد هذا مدري وين بعيد

حنا متعودين البنت تتعيد عند اهل زوجها أول يوم والظهر او العصر تروح لأهلها
أنا عند اهلي من 26 رمضان لأني بيتي في الرياض واهلي واهله بالديره وانا الحين بالديره عند اهلي وماعندي في بيت اهله جناح خاص ازورهم كأني غريبه وارجع لأهلي مع أن بيتهم قصر من كبره حتى سلفتي مالها جناح تروح عند اهلها بس العيد ماادري كيف وضعها ولما سألت زوجي قال مدرس شكلها تعيد عند اهلها
المهم بالعيد فشله عند حريم عماني وحريم خوالي بيقولون وش في حمولتها هذي ليش ماتروح تتعيد عندهم
بس هم ماعزموني ماقالوا تعالي عيدي عندنا وصعبه اروح
انا لما سألت زوجي قال براحتك تبين تجين لأهلي او تبين تعيدين عند اهلك اللي يريحك فهمت من كلامه أن امه ماقالت جب زوجتك لنا العيد اخاف اجيهم الظهر يكونون مشغولين والعصر اخاف يبون يروحون لخوالهم وش الحل
المشكله بحريم اعمامي واخوالي بيقولون وش فيها هذي مع حمولتها وإلا أنا عندي احلى شئ اعيد مع اهلي وافلها بالعكس حنا العيد عند اهلي كله وناسه وفله
قهر
ولو تركتهم ومارحت لمهم احس إني قصرت بحقهم وأنا ماشفت إلا كل خير منهم
حتى بناتهم المتزوجات يعيدون في بيت اهلهم مايروحون يعيدون على حمولتهم إلا بالليل او اليوم الثاني غريبين
وش الحل
وضعي عادي او غريب وشاذ ؟؟؟؟؟؟؟؟؟؟؟؟؟