تصميمات مطابخ للمساحات الصغيرة

احسن حاجة تعمليها انك تروحي لشركة او معرض متخصص في المطابخ الحديثة اللي تناسب المساحات الصغيرة لكن تقدري بالتصاميم العملية اللي بيعملوها تشيلي حاجات كتير اوي والمطبخ بيبقا نضيف ومرتب وشيك
حتي لو اسعارهم غالية شوية بس علي المدي البعيد انت اللي كسبانة وقتك وحالتك النفسية لاني عارفة اد ايه المطبخ الصغير متعب وبيجيب اكتئاب للست خاصة لو مش منظم او مش قادرة تشيل فيه كل حاجتها
اعملي زيي واختصري فترة التعب وروحي مباشرة لشركة كويسة وممكن تقستي ثمن المطبخ فمش هتحسي بيه اوي....وربنا يوفقك

شكرا ليكي علي ردك
بس للأسف انا مش عايزة حاجة يكون سعرها غالي لاني كلها كام سنه واروح شقه تانية بمطبخ بمساحات مختلفة فهكون مضطرة اغيرة
واعمل مطبخ ثابت في شقتي لاني حاليا في شقة ايجار

فين تعاونكم

طيب ممكن نفكر مع بعض شوية هي مساحة المطبخ كام متر في كام متر وفين موقع الباب من المطبخ ومساحتة ايه ولو في شباك مكانة فين ومساحتة كام
كمان ايه الاجهزة اللي عاوزاها تبقي في المطبخ يعني بتجاز بس ولا بتجاز تلاجة يعني ؟؟
والحوض فين ومساحتة ايه

حبيبتي OMNODA شكرا على اهتمامك
المطبخ طويل بس مش واسع يعني والباب في أوله
والشباك في آخرة في منتصف الحائط وعالي وفوقة الشفاط
والحوض في نفس الجدار الى في الباب وطوله حوالي متر(الحوض يعتي)
وانا عايزة احط البوتاجاز والغسالة والثلاجة
ايه رايك

بردو مقولتيش المقاسات انتي قيسي طول كل ضلع من الاضلع وطبعا الغسالة هتكون جنب الحوض عشان السباكة ووصلات المية
وراعي ان الحوض والبوتجاز يكونو اما جنب بعض علي طول بالطول يعني او حطي البوتجاز بعيد عن الحوض خالص عشان لو فيه حد واقف جنب البوتجاز ميديقش اللي واقف علي الحوض
واحسن نظام هو حرف L في المطابخ الصغيرة اللي عرضها اقل من 2.5 متر عشان سهولة الحركة وانا هدور علي مطابخ علي النت وابعتلك الصور

اه رايك في المطبخ ده
file:///F:/خلفيات/shosho/مستلزمات%20شوشو/الديكور/p_TDH707189.jpg

OM NODA شكرا جدا علي أهتمامك وانا في انتظار الصور وان شاء الله هقيس مساحة المطبخ بالضبط.
SHOSHO AHMED شكرا ليكي بس للأسف الصورة ما ظهرت ياريت ترسليها مرة اخرى