تعالوا بنات في سالفه خطيره

كل شيء والا دمـ أمي ــعة

13-06-2022 - 03:31 pm

واعرف الزواج مسؤليه والحمدلله انا قدها واعرف انه مو لعب ..

واللي ابغاكم تساعدوني فيه انه:::::

السلام عليكم,...
ازيكم بنات؟؟؟؟ كيف إجازتكم مع ازواجكم ولا اللي بتتهجز!!؟؟؟؟ الله يتمم لكل عروسه على خير
المهم بنات اليوم من جد عندي سالفه مرة مهمه!! ابفضفض لكم.. وابغاكم تساعدوني!! والله انا كلمت صديقتي في الموضوع بس لأنها مو متزوجه يعني ماتعرف وش تقول!!!!
حنا في عايلتنا تنزوج وحنا صغار!! بس بالنسبه لأهلي مو صغار!! وبالنسبه لي مو صغيرة... عمري 18 وان شاء الله زواجي في شوال!!!.......
المهم اكيد بتقولون صغيره ومادري ايش... بس يمكن بالعمر صغيرة بس انا طول عمري اساعد امي ربي يطولها بعمرها يارب في تربيه اخواني ولا اطلع مع صديقاتي ولا اسوي الاشياء اللي المفروض البنت اللي بالعمر 18 تسوي!! اطبخ وانظف واسوي شغل البيت كله!! ما اخلي امي تقوم وتسوي..خلاص ايامها خلاص.. حنا الحين كبار ولازم نقوم بالعمل بدال امي!! انا والله امي لها سنة مادخلت المطبخ وتطبخ لي ولا لأخواني!! ولا حتى لنفسها!! لمن تبغى شيء حنا نسويه.. واخواني الصغار احس اني امهم من كثر ماساعدت امي تربيهم!! المهم بس كنت قاعده اوضح لكم يمكن عمري صغير بس عقلي لا...

واعرف الزواج مسؤليه والحمدلله انا قدها واعرف انه مو لعب ..

معظم بنات في عمري يظنون الزواج تهريب من البيت وتقدرين تطلعين مع صديقاتك ولا تروحين السوق دايما يعني يظنون ان الزواج حرية!! وانا الحمدلله اعرف هالشيء.. يعني البنت اللي تسوي هالاشياء اللي تطلع وتروح وتسوي وهي متزوجة مصير زوجها يدور غيرها لأن الرجال يبغى حرمه تهتم فيه وتكون في بيتها وتقوم بدورها كالزوجه!! وانا الحمدلله مستعده لهالشيء لأن وانا الحين في عمري ما اطلع مع صديقاتي ولا احب يعني!! ما اقدر اسيب البيت.. ماتعودت على هالشيء...

واللي ابغاكم تساعدوني فيه انه:::::

لي الحين 4 شهور ممكله ولله الحمد.. وزوجي اكبر مني بيمكن 5 سنين تقريبا يعني!! مو اكيد... المهم بنات ما ادري بس احيانا احس اني احبه واحيانا لا... ماني دارية وش اسوي؟؟؟ يوم اني كلمت صديقتي تقول احيانا الحب يجي بعد الزواج!! بس انا كنت اقول يمكن ماحبيته يعني ذاك الحب علشان بعد المكله بإسبوع سافر وماراح يرجع الا بعد 3شهور الحين ان شاء الله,.. ولأنه سافر برة المملكه ماقدر اكلمه كل يوم علشان التكاليف!! غير كذا نفسي اعرف يعني ليه انا ما احبه زي البنات اللي اشوفهم مملكين الحين ((ماشاءالله تبارك الله .. الله يديم المحبه على طاعته يارب))... اللي انا خايفه منه ان بعد الزواج ماراح احس اني احبه؟؟ مادري كيف اقولكم... احيانا اقول يمكن ما احس اني احبه علشان ماقعدت معاه فترة زي البنات اللي قعدوا مع ازواجهم...
وربي بنات محتارة. . كل يوم افكر في هالشيء.. ماني دارية وش اسوي؟؟؟ وربي مرة مضايقة موت ...
تكفون بنات لا تسون زي دايم الف مليون وحده تقرأ الموضوع ويمكن 5 ترد! ! بنات تكفون تكفون ردو وساعدوني!! يعني قولي لي ارائكم بليز!! !!

التعليقات (9)

~ ريتاج ~

13-06-2022 - 06:09 pm

والله ماعندي خبرة بس إنتي استخيري كل يووم من اليوم لين يوم زواجك
والله يوفقك ويسعدك يارب

عالمي صافي

13-06-2022 - 07:10 pm

استخيري وربي يساعدك ويكتب لك اللي فيه الخير..

حلآوهـ بقرهـ

13-06-2022 - 08:11 pm

ماعرف وش اقول لك بس يمكن لانك ماجلستي معاه وعرفتيه زين .. ولا كلمتيه ..
بس اتوقع انه ان شاء الله مع العِشره بيجي الحب .. ومثل ماقالت اختي استخيري ..

النجمه الزرقاء

13-06-2022 - 09:12 pm

شوفي حبيبتي انا صارلي اكثر من ثمانيه شهور ملكه بحياتي ما شفته ولا كلمته وعادي عندي ما احس بشيء وصدقيني بعد الزواج ان شاء الله راح يجي الحب وديرباللك تدفنين عمرك بالشغل والمطبخ نظمي وقتك بعد الزواج وخصصي وقت لزوجك وقت لك ووقت حق البيت وان شاء الله يكون معاك ويوفقك

ضحكتي تخفي دمعتي

13-06-2022 - 10:13 pm

يمكن لإنك ماجلستي معاه ولا تكلمتي معاه كثير وفهمتيه عادي لسه مايجي الحب بسرعه
اهم شي إنك متقبلته وراضيه وهذا الأهم حالياَ
الحب يجي بعد الزواج والعشره الحلوه راح تحبينه
الله يوفقك ويسعدك ويكملك بعقلك ياحلووه

ام الهيثم 2

13-06-2022 - 11:14 pm

شوفي حبيبتي أنا تزوجت وعمري 17 وماشفت زوجي الأ النظره الشرعيه والملكه كانت قبل العرس بيوم يعني ماجلست معه والا تعرفت عليه الأبعد الزواج والحمدالله احبه وعندي اطفالي الحلوين وعايشين بالسعاده قول ماشاءالله

×× الدانه ××

14-06-2022 - 12:15 am

الله يوفقك ياارب

حلاتي بكل حالاتي

14-06-2022 - 01:16 am

الله يسعدك ويوفقك ويخليلك مامتك

الملكهـ

14-06-2022 - 02:17 am

الحب يجي ان شاءالله بعد الزواج ومع العشره
راح تتعودين عليه وتحبينه
صدقيني .
ومو شرط اي وحده تتملك تحب خطيبها
والله يوفقك يارب

ساعدوني ضروري←
مشغل مسوي عروض روعة للصيف ارجوا التثبت→