تعالوو نستانس ونوسع صدرنا قصص وذكريات مضحكه

1. طنشوو وفرفشو ،، طولتها وهي قصيره


2. المهم اببدأ بنفسي :

السلام عليكم ورحمة الله وبركاته
ياربيه ملينا نطامر ورى هالزيوت والخلطات والنتيجه << تسذا (هذا غير الخساير) ،، المهم الحمدلله والشكر على كل حال
وطفشنا من تجميع الزيوت والمزااحم عند العطارين وريحة الاعشاب والتجارب اللي مالها آخر
حسيت هالقسم خالي من الفرفشه والضحك ،، فقلت خلونا نكتب تجاربنا المضحكه
ونوسع صدورنا بس ،، ملينا من المآسي ،، ومن ريحة الشياط << تسذا يعني
ومن التدوير والبحث المضني <<< تسذا
ومواضيع الغضب ومسلسل النصب والاحتيال ،،خلاص كلكم تخيلوا شعوركم حرير
<< تسذا ،، وترى الدنيا فانيه ،، بكرى نعّجز والعمر يمضي وحنا ماضحكنا << تسذا

طنشوو وفرفشو ،، طولتها وهي قصيره

المهم اببدأ بنفسي :

مره وانا بالمتوسط متعوده اقص شعري تدريج وامي اله يغفر لها كانت شي بتدريج الشعر مره درجته لي وبقى الغرّه وصرت وراها بالبيت وكنا يوم جمعه وهي حايسه ورى اخواني والترتيب والشغل الله يجعله بميزان حسناتها ،، المهم جتن خالتي قالت اللحين وراتس غثيتينا هاتي المقص ترى كله
مقص ومشط واضبّط امورتس وانا استانس ،، وفعلاً ماكذبت خبر وجبت المقص والمشط وبدت خالتي تقص الغريب بالموضوع انها بسرعه خلصت موب زي امي واروح طيران للمرايه ابشوف النتيجه وليتني مارحت ،، الله يهداها خالتي ماقصته الا جبعته ،، تصدقون اذا رحت للمدرسه اخلص علبة بنس صغار على غرتي وان خليتها طلعت متغزغزه تسنها زرع ههه واحيانا احط راسي على الطاوله من الفشيله تسني مصدعه وانا متفشله من كومة القش اللي متناشب بغرتي خ م اانسى ذاك الموقف ووللان لاشفنا احد قصة شعره مضحكه قلنا اكيد خالتي فلانه قاصته وصارت ذكرى مضحكه لنا ،،
خلصت سالفتي انتظر سوالفكم المضحكه