تعبت من ظلم ابوي

السلام عليكم ورحمة الله
يابنات أنا بهم مايعلم فيه غير الله ( الحمد لله ) وسبب همي الكبير هو والدي
للأسف انه ابوي انسان ظالم بمعنى الكلمه
ظلم أمي وظلم أخواني وظلمنا أحنا بناته وظالم لكل شخص يقرب منه
انسان عصبي لأقصى حد أناني مايهمه الا نفسه ومصلحته
من يوم ماتزوج امي وهو ظالمها يضربها ويسبها ويبعدها عن كل الناس وحارمها من كل شي
وهي مسكينه صابره لأنها ماتتحمل تترك عيالها اللي دايم يهددها فينا
بأنه راح يحرمها منا .. من كثر ماأذاها وضربها حصل لها انزلاق بعظام الكتف والركب والحين مسكينه
ماتقدر تتحرك وغير الضغط اللي جاها من كثر مشاكله معها (اللهم لك الحمد)
اولاده الشباب للأن يهزأهم ويخانقهم واحيانا يمد يده عليهم وصابرين ومحتسبين الاجر عند رب
العالمين وخايفين من العقوق.
اما حنا بناته يتفنن بتعذيبنا وظلمنا
مانعنا من الزواج او تكوين الصدقات او الخروج من المنزل او عمل اي شي غير خدمته والاهتمام
بطلباته الا مالها نهايه
حتى العلاج رافض يعالجنا واذا انجبر يودينا للمستشفيات بيكون بخناق وضرب وتقليل قيمتنا قدام
كل اللي بالستشفى.
حتى المصروف يمنعه عنا الا ماندر
تزوج على امي وحده ثانيه وصبرنا وطلعت الحمد لله مو سيئه جداً ووقفت معنا لأنها شافت
ظلم ابوي لنا لكنه ماعجبه الوضع واهانها وطلقها بعد ماذلها
ورجع تزوج مره ثانيه ماله شهر يعني لسه عريس وكان يحاول يخلي زوجته تسيطر علينا
لكن الحمد لله للحين باين عليها طيبه ووقفت مع امي ضده
يوم شاف ان خطته بقهر امي وقهرنا مانفعت قرر يطلق زوجته الثانيه أقصد الثالثه لانها وقفت معنا
وهي المسكينه مالها شهر متزوجه وخسرت اولادها من زوجها الاول بسببه.
يابنات وربي هذا اللي اقوله نقطه من بحر ظلم وجبروت والدي
وغير كذا تقدم لي من اسبوعين رجل وكان ماشاء الله مناسب لي بكل شيئ
فرحت بصراحه واستخرت ارتحت له ووافقت عليه
لكن والدي رفض وضربني لأني وافقت وطعن فيني وشكك في اخلاقي وقال اني انا متعرفه عليه
مع اني وربي ماأعرفه ولا عمري شفته.
وهددني اني اذا وافقت على اي رجل بيتقدم لي راح يرميني بالشارع ويحرمني من امي وخواتي
ودعى علي بجهنم وعذاب ربي بالدنيا والاخره
انا مو صغيره عمري 32 وللحين ماسكني انا وخواتي عن الزواج
حرام عليه وربي حرام
عيشتنا معاه هم وغم وعذاب ونكد
مليت وتعبت لدرجة اني احيانا افكر بالانتحار لكن ارجع اتعوذ من الشيطان.
افكر اشتكي عليه عند قاضي بالمحكمه لكن خايفه من الفضيحه وخايفه الناس تاكل وجهي انا وأهلي
وغير كذا مو ضامنه ايش يسوي فيني يمكن يذبحني ويذبح امي معي.
تعبت منه وربي تعبت ومو عارفه ايش اسوي
اسفه على الاطاله عارفه انه مشكلتي مالها حل بس حبيت افضفض لكم
ادعولي ربي يفرجها علينا عاجل غير اجل وربي يلجم لسان والدي ومايرفض تزويجي اذا تقدم لي
انسان صالح انا وخواتي
دعائكم لي بظهر الغيب مُجاب بإذن الله
ربي يسعد كل وحده بتدعي لي ويفرج همها ويرزقها ماتتمناه ويجعله خيره لها
بالدنيا والاخره ويكفيها شر كل من فيه شر.