تعبت نفسيآ تكفون ريحوني

السلام عليكم ورحمة الله وبركاته
اخواتي الغاليات اتمنى منكم تدلوني ع الشي اللي يغير مجرى حيااتي
انا بجد تعبانه نفسيآ تعبت من كثرر ما افكر وابكي وربي صايره انام كثير
هروب من مواجة المشكله هذي اللي امر فيها...
ما اقول غير لاحول ولا قوة الا بالله..
انا متزوجه لي سنتين وقبل سنه كشفت زوجي انه يكلم بنت وواجهته واعتذر وغير رقمه
وحلفلي مايرجع لهذا الطريق..
والحين اكتشفت ان معاه جوال ثاني في السياره وشفته بنفسي..
وغير كذا عنده برنامج في جواله ومسمي نفسه بلقب بس ماني عارفه ايش هذا البرنامج
وتلقفت وحذفته وهو مايدري وطلع مع اصحابه واتصل عليه يقولي حذفتي شي من جوالي
قلتله من متى احذف هذا جوالك وخاص فيك مالي خص احذف شي وجاء وقلتله وش انحذف
من جوالك قالي لا اشياء عاديه صور ومقاطع اخذتها من الشباب>>اتاكدت ان البرنامج فيه شي
واليوم فتحت جواله لقيت البرنامج رجع وبنفس النك اللي اول..
وربي تعبت ليه يسوي فيني كذا
عن الجمال انا حلوه وبشهادة الجميع حتى هو اذا شافني لابسه وطالعه عند احد
يقولي اتحصني وربي اخاف عليك من عيون الناس..
واذا عن الدلع اتدلع واتمايع معاه واسمعه كلام حلو ع طوول لدرجة اني ما انادي بأسمه
الا نادر دايم حبيبي عمري حياتي روحي
والحين لي يومين من شفت الجوال بسيارته واحس قلبي يتقطع وسالته اول ماركب السياره
قلتله هنا جوال لمين قالي لاخويه بس ليه تفتشين قلتله مافتشت اصلا بالعقل بقدر اوصل لدرج الباب
من مكاني >لاني حاامل
وماعاد كلم بس قالي الجوال لاخوه..
وانا ما انكر انه مايقصر معايه في شي يطلعني ويمشيني واي شي اطلبه يجيبه لي
لكن عيبه الخيانه تجري بدمه...
اموت واعرف ايش اسوي عشان ربي يهديه ويصلحه..
تكفون ابغى نصايحكم ايش اسوي
اواجهه !!اخاف نتزاعل وانا تعبت من الهم والضيق والنكد
اسكت تعبت من سكوتي لمتى اسكت؟؟؟
ولاتقولون دخلي طرف ثالث ما ابغى اي احد يتدخل ابدآ لا من طرفي ولا من طرفه..