تعقيب على ام زوجي وانا والغيرة

1. انا عيوني خضرا الحمدلله ماشاء الله

السلام عليكم
انا نزلت موضوع قبل فترة عن مشكلتي مع الغيرة وكلكم لمتوني وما قدرت ادخل النت
بسبب مشكلة في دخولي النت انا ما قلت في كلامي اني اكرة ام زوجي انا قلت اغار
وعندي اسباب جايز الكلام اللي قلتة غلط بس هل كان لازم اعلمكم اش تسوي علشان تدعون لي انا ماغرت منها كذا من الباب للطاقة لا انا عندي اسبابي
للمعلومية عمري ما جرحتها وعمري ما تكلمت في وجهها بشئ
وهذا اللي خلاها تتمادا معي وانتم جايين تقولون لي النار والنار وكما تدين تدان
حرام يعني افضفض واتكلم بس انا قررت اكتب معاناتي كاملة مهو علشان تقولون مسكينة لا والله لاني مكتئية من حياتي
بالمختصر ام زوجي ما تطيقني من اول يوم دخلت حياتها لان اللي زوجني ولدها عمي اخو ابوية الله يوسع له بقبرة
عمي يحبني بس هي تكرهني لانها كانت تبغى ولدها لبنت اختها بس عمي اللي هو ابو زوجي رفض انا امي اجنبية الله يرحمها وعمتي ماتطيقني لانها ما تطيق امي طيب انا اش ذنبي
انا تزوجت وعمري14 سنة ولما اخذني كنت مرة صغيرة كانت تخليني اكرف فالبيت ولما يجي زوجي من العمل بس تشكيلة فلانة ماتقوم فلانة ما تساعدني وانا عجوز
وانا بس اكتم في نفسي دايم تتميرض وتخلي زوجي ينام معها على فكرة بس يطلع زوجي من هنا تقعد تقول بجيبة الليلة ينام معي اصلا هو ما يحبك ومن هذا الكلام هذا غير تجريحها لي قدام اخواتها

انا عيوني خضرا الحمدلله ماشاء الله

بس هي تقول عني عيونك بررق وماهي حلوة وتقعد تمدح بنات خلق الله لزوجي وان اقول لزوجي البنات يتمنو لون عيوني حتى العدسات يلبسوها انا حلوة وجذاية والحمدلله لكنها هي كبرتني سنين عن عمري اناذحين عمري21سنة تقريباً بس لوتشوفوني تقولون30سنة والله يلبنات ماقد قلتله امك وامك بس يابنات انا تعبت وربي تعبت زوجي ما يفكر الا في امه هي تتفاخر فيه ماقلت شئ بس في نفس الوقت تتصيد زوجي لما يغلط عليّ بأي شئ وتروح تقول للحريم اليوم خاصمها طيب ليش كذا
اهل امي بلأردن عمري ماشفتهم
بنات انا لحم ودم انتم انتقدوني وحملتوني الخطأ
بس والله اني دايم اغض الطرف واسكت لان زوجي يحبها مرة
حقوقي ضايعة معه وزوجي يسمع لها كثير
انا كرهت التمثيل كرهت النفاق وبديت اكرهها
لو وحده فيكم يالي انتقدوني عشتم مع عمه زيها كان كرهتم الساعة اللي جيتو فيها خلو عنكم المثالية اللي دمرتني
حريم اولادها الثانين اكبر مني بس ازواجهم يحبونهم مررة انا ما قلت يالي انتقديني يعطي امه كف علشان ارتاح حرام ما اقولها لان عندي اولاد
انا قلت انا اغار منها لان هي اللي زرعت هذا الشئ فيه
الله يسامح عمي وابوية وامي ويغفرلهم معاد احد حن عليه بعدهم