تفاصيل دقيقه في

1. يعني وقت ما تشترين شي طويل مش لأنك تبين الستر لأ بس من باب التنويع .

عرايسينآ الحلوين /
صباحكم سكر ,
اليوم تتكلم عن اللانجري , أدري في نوع من الاستطراد في التجهيز لكن أنا نفسي أتكلم عن اللانجري الحين
أنا أبي
سوا الي قرب زواجها أو في بداية التجهيز أو الوسط ,
كل بنت تقدّر من نفسها كم تحتاج من القطع , وطول فترة تجهيزها تسمع النصايح الي تجيها من كل حدب وصوب
كثري .. لا تكثرين ..
اشتري غالي .. اشتري رخيص ..
يحبون الأحمر .. يحبون الأسود
خليه كله قصير .. اشتري طويل ..
والمسكينه العروسه تمشي وتشتري والقطع تزداد وتزداد وماتعرف اذا هي تحتاجهم أو لا .
في البدايه يا عروستنا الحلوه اسألي نفسك , وخمني كذا من نفسك ..
هل أنا بنام كل يوم بقميص نوم ؟ لا لا يعقل أصلا ماينفع
واسألي نفسك , أنا العروسه الأموره أشتري رخيص وخايس؟ لا لا مو حلوه بحقك .
طيب أنا العروسه الحلوه أشتري ب 3 و4 الاف قميصين؟ لا لا خافي ربك
شوفي يا عروستي / الرجل انسان أقصد يحب التغيير سوا بشكلك أو حتى بقمصاانك ولبسك

يعني وقت ما تشترين شي طويل مش لأنك تبين الستر لأ بس من باب التنويع .

خليك معتدله ومفتحه عينك اثناء الشراء , مشكلة العروسات انها تطلع للسوق ترجع ترمي أكياسها بالغرفه , وتطلع تشتري وترجع وترمي , وتتراكم الأكياس فوق الأكياس وبالأخير تلقى نفسها شرت أغلبها من نوع قماش معين , ونست تنوع , أو أغلبها لون معين .
لأ
stop
قدامي يالله , فكي كل أكياسك وشيكي على الي شريتي , أنتبهي يا عروستي الحلوه , بدولابك بعدين أبيه يشوف كل شي فيه , كل أنواع الأقمشه حقة اللانجري ( ساتان , دانتيل , تل .. الخ )
نوعي بالأشكال والألوان , شريتي أسود 2 أو 3 خلاص وقفي انتقلي للون الي بعده , خليك متجدده بالألوان والموديلات , حددي لك عدد معين من القمصان ما تتعدينه , وعدد معين من البجامات
وطالما جبنا طاري البجامات هذي تحتاج تفصيل شوي , كثير ناس تقدر البجامات والبجامعه أصلا شي رائع . خليك ذويقه وانتي تختارين , لا تقولين كلها بجامه . نبي أشكال حلوه , أشياء متنوعه , كم قصير وكم طويل وبدون أكمام , شورتات وبنطلونات طويله , لا تخلين شي , حتى لو إنتي في بيتكم مش متعوده تلبسين نوع معين , التجديد مطلوب ومريح لك إنتي قبله هو , لما تنتهين من البجامات أو أثناء شرائها ما ننسى السليبر , أشتري ما لا يقل عن 5 , شكلها حلو بالبيت ومريحه وتعطيك شكل حلو مع البجامه ,
صح نسيت أقول شي , اشتري أرواب , شكلها مع القمصان , لا تكتفين بأرواب الحمام بس ويدوخ راسك قبل الزواج من وين أشتريله ومن وين أشتري لي لا لا
في أرواب حرير حلوه وناعمه أحيانا تجي مع القميص وأحيانا لوحدها تكون لون واحد ساده ممكن تنلبس مع أكثر من قميص , هذا جدا مفيد للبس خصوصا بالأيام الأولى
نجي الحين للأندر وير , هنا كثري , شايفين كلمة كثري ؟ أقولها من هنا لبيت كل وحده فيكم
الاندر وير ماله موضه + ماراح تتوحمين عليه اذا حملتي + غالبا ما يتغير مقاسك فيه .
وانتم بتستهلكونها كثير , اذا في بيتكم عندك 30 قطعه أشتري هالمره 60 .
وهنا بعد التنويع مطلوب , ساده على منقط على كاروهات الي تبين .
ولا تنسون شي مره مهم , شورتات داخليه , مره روعه بفترة ال .
تلاقونها بالسدحان , أشتروا لكم 4 . 2 أبيض 2 أسود لأن مافيه الا هذي الألوان
جدا حنونه وتحتويك .
نجي الآن للخطوه الما قبل الأخيره , من وين أشتري ؟
وهنا أقول وش دخلني أنا , كل وحده تشتري من المكان الي ترتاح له لكن العبره هنا بالكم والكيف , كل جهازك ب ايش؟
الكم / الكيف .
أما الخطوه الأخيره /
كيف يتم حفظ كل هذي المشتريات ,
ياحلوات , بعض قمصان النوم صعب تنغسل بعد كل استخدام مثل اللبس العادي , وبعضها أقمشته جدا حساسه وتحتاج نوع معين من الكوي أو طريقه معينه في الغسيل , والوقايه خير من العلاج .
أغلبية الأقمشه الساتان ما تتعفط بسهوله , وهذي سهلة الحفظ , بينما القطني منها والبجامات لو ما حطيتيها بطريقه مناسبه بتخرب لما تفتحينها ببيتك , وهنا جيبي من يكويها لك كلها ,
أفضل طريقه , جيبو شنطة سفر متوسطة الحجم , أو صندوق معين , " ملحوظه " مو نفس الصندوق الي بتاخذونه معكم , لا هذي مؤقته فترة التجهيز بس . وللي زواجها قرب ممكن تحفظها بمكان هي محددته .
في قاعده الشنطه نحط لوح كرتون " اقطعوه من أي كرتونه . أو سماط ثقيل شوي وساده
ونغطيه بقماش < -- لو استخدمنا الكرتون علشان ريحته .
ونفرش القميص الأول , نفرشه صح وهو ماخذ راحته على الآخر ومافيه أي جزء منه منسفط .
ونحط ايش ؟ ورقه . من الأوراق الي تباع في ستي بلازا للملابس . بعدين فوقه نفرش الثاني .
طبقات يعني . وآخر شي لما نخلص من الحرير كله نرمي عليهم الكور المعطره من ستي بلازا , ونسكرها بلوح كرتوني مثل الي تحت . ونبدا نحط القطنيه وهي مسفطه عادي . وعلى الأجناب الأندر وير ( بشكل مؤقت فقط وبعدين نقول كيف تترتب ) . بعد كل مشوار رجاء وبعد كل قميص ارجعي وحطيه بالشنطه وسكريها ولا تنسين الأوراق والكور ووقت ما تلبسونها شمو ريحتها وتذكروني
البيبي دول:
هذي شوي احس نستحي نشتريها ويقطعنا الحيا ومدري ايش
بناخذ عدد مو كثير (لأن هاذي الي لما تروحين انتي وياه تشترونها مع بعض على ذوقه)
(3 او 4) حلو

• واشترو هذاك البس الي زي المايوه وفيه شرايط من قدام ام وممسكه من عند الفخذ بشرايط وفيها شراريب

(بالمعنى اللبس السكسي)
والي تبي تشوفه تقولي
هذي (خذي 2 نوعين ) في لاسنزا وسمعت انها عند فناتيل
كذا البيبي دول صار عددها:-
(4)من البيبي دول
(2)من اللبس السكس
===============
البجايم :
(عشق البنات ) ياربي الوحده ماتمسك نفسها اذا شافتها من الأوان والاشكال..
المهم ..خلي بجاماتك اشكال
طويله / برمودا / بكم / بدون كم
الوان فاتحه /شغلات دلوعه / شغل بيبيات ،، يعني نوعي ( فيها رسمات وساده وخططه )
1-حرير وساتان والانواع الثانيه:
(4 )كافي من هالانواع
2-بجايم قطنيه:
بنستهلكها بالبيت كثير بناخذ( 10)
3-البجايم الشتويه :
خذي على الاقل 4او 5 بتحتاجينها اذا بدا الشتاء الجاي لوكان زواجك على نهايه الشتاء
كذا البجايم صار عددها:-
(4)حرير وساتان والانواع الثانيه
(10)قطنيه
(5او4)شتويه طويله منوعه
================
الاندر وير:
انا اشوف اخر شي نشتريها علشان تطقمين مع اللبس
وشوفي مقاسك زين لأن اكيد مافيه ترجيع
لاتقولين بكبر وبصغر انتي خذي مقاسك كثير وخذي كم حبه اكبر شوي
1-الكلوتات (البانتيات):
هذي تستهلكينها استهلااك كثير بناخذ (50 ،60 )الي تبين وجميع الاشكال
نوعي فيها ساده ورسمات وحركات وحرير وقطني ودانيل ومخرم و
في في لاسنزا كلوتات مره مرره ناعمه تدوخ ملمسها ملابس بيبي
2-السنتيانات (البرا) :
القطنيه الي مبطنه للبيت مره مريحه تلقونها عند ايتام
تراها في التخفيض ب35 وبدون التخفيض 150 تراها غسيل ولبس
ناخذ (6)
لاتقولون ماراح نلبس قطني والله بتحتاجونها لان الحديد يتتعب في اللبس دايما ويحزز
وخذي لطلعات العاديه الي مو قطنيه( 4)
3-الطقوم :
فيه حركات حلووه فيها مثلاً تكون السنتيانات مربوطه بشريطه من قدام وتنفك .
موشرط السنتيانات تكون كلها فيها حديد وكذا لا فيها حركات حرير وقطن ناعمه
( 4) طقوم او 6 الي يعجبك من الحرير والدانتيل
(5)قطني
4-خذي البديات الي يصير الكلوت نفس الرسمه والشكل
واشتري مثلاًبناطيل ساده الي تصير ماسكه على الجسم
وركبيها معها بتطلع روعه
عددها على حسب البجايم اشوف (5) كافي مافي مانع الزياده
كذا الاندر وير صار عددها:-
1-الكولتات(60،50)
2-السنتيانات
القطنيه( 6 )
العاديه( 4 )
3-الطقوم:
( 4) طقوم او 6 الي يعجبك من الحرير والدانتيل
(5)قطني
4-بديات مع كلوتات
(5) طقوم
==================
متفرقاتb034

• خذي الشورات السودا (4) الي لأيام الدوره مرره تصير ماسكه على الجسم

وتعطي حمايه تلقينها في الهرم السدحان الشامل وفي كل مكان ماتتعدا 8ريال سعرها
وطبعا معها الكلوتات
(4)شورتات سوداء لأيام الدوره و(6)كلوتات

• سلبير منوع مع بجايمك والقمصان (4)-لا تنسون تاخذون البوكس الي فيه بتلات ورد ابيض لها ريحة حلوه

تحطونها في درج الأندروير عشان كل ماتفتحونه تطلع ريحه زي البيبي
عند (لافي اند روز)في عند نعومي:

• شرابات (سوكس) الي تجي شفافه وكذا
• فيه عندهم بعد سنتيانات بسير شفاف

في منها لون اسود وحليبي ..
والسير اللي ورا يكون شفاف

• وعندهم شي لصف وترتيب الملابس الدخليه يجي قطعه قماش

ستان من ظهره وبلاستك شفاف في الوجه وبسحابات مقسم لكذا قسم لترتيب
ملابس الداخليه وممكن تعلقونه في الدولاب (تصلح لطقوم)-سنتيانات السيلكون لقمصان النوم
(في محل الجوده) على الاقل في الايام الاولى-خذو الفساتين الي تشبه قمصان النوم بس مافيها زبرقه وكشكشه
زي هذي عند لاسنزا
مرا خياليه في اللبس اذا قمتي من النوم
ولي عوده صبآيا مع موآضيع من تجهيزاتنآ