تكفون ترى تكفى تهز الفراشات هدية لزوجي

زنعافه

19-09-2022 - 01:19 pm

كيفكم يا اروع فراشات
حبيت اسالكم عن افضل هديه لزوجي لاني ما قد اهديتله من يوم تزوجنا والان صار انا سنه ونصف متزوجين
تكفون ردو علي اول مره اطتبكم طلب

التعليقات (9)

قطوة سودا

19-09-2022 - 03:40 pm

انتي ادرى وحدة في زوجج شنو يحب
انا قبل شريتله مجموعة استحمام من بودي شوب روعة و عجبته موت و الحين كلما تخلص يبي منها>> الله يهديه يخلصها في اسبوع كانه ياهل يلعب في الحمام
و احلى الروايح اوشين و وايت مسك>> عندهم بعد مجموعات حلاقة حلوين و ريحتهم قوية
و افكر هالمرة اشتريله خاتم فيه فص غريب احسه يحب هالسوالف يجمع لي اظافر نمر مادري اسنان تمساح
و في بالي اخذ له بغبغاء كبير african grey و اعلمه اسمه هالفكرة خذيتها من فراشة حبوبة في القسم
انا احس هدايا صغيرة بين فترة و فترة تخلي العلاقة حلوة و تعبر عن اهتمامج فيه>> و الهدايا الكبيرة الغالية خليها للمناسبات

عبق العطر

19-09-2022 - 04:41 pm

حبيتي في عطرين خرافه مره يهبلون اذا حابه واحد اسمه عطر الشيخ ممكن تلاقيه في فيسس وعطر ثاني اسمه فلور بوم والله يوفقك

tefa2

19-09-2022 - 05:42 pm

غاليتي
شوفي اي هدية منك لزوجك سوف تسعده مهما كانت ولا تفكري في السعر لانه سوف يحس بانه هو اللي مقصر معك لانك فكرتي بيه
المهم توجود عطور او ساعات او حتى شئ يضعه في مكتبة كبرواز للصور او طقم لمكتبه او ساعة تذكرة بعودتة للبيت وممكن تشتري له قماش للثياب اللي هو يحب نوعها واشياء كثيره المهم اتركي خيالك وسوف تجدي الكثير ولا ا تنسي تغليف الهدية فلها الاثر الكبير في نفسة وشكرا غاليتي وارجو ان اكون افدتك

نجمة الجبيل2007

19-09-2022 - 06:43 pm

أنا برائي أنك تشوفين اللى ناقصة وتهدينة
أنا أول سنة أهدية ساعة وأطقم أقلام ,,,,,,, والعام أهدية مجموعة عطور للجسم من بدي شوب
وهذي السنة وان شاء الله بعد شهر ذكرى زواجنا
ومدري وش أهدية حاطة في بالي أشترية جوال _ او جهاز بلاي تشين 3 لان زوجي من عشاق البلاي ستشين
وبعد بشوف ظروفي اذا أمكن يكمن اهدية كاميرا دجتال
وأنتي شوفي ظروفك واللى محتاجة زوجك

بطبط

19-09-2022 - 07:44 pm

وانا راي من راي الفرااشات...
وحلو انك تاخذينله الشي الي ناقص عليه ويحتاجه وانتي ادرى بزوجك...
الله يديم عليكم المحبه واسعاده دوم مو يوم يارب...

عبيرو الدلوعه

19-09-2022 - 08:46 pm

انا مره اشترتله جوال ومره خاتم فضه
وكم مره عطر واخر هديه كانت ساعه
وبس

ودادالجميع

19-09-2022 - 09:47 pm

أهديلة طقم روب للحمام مع مجموعة عطور أو كبك أو درع

ناديتك بقلبي

19-09-2022 - 10:48 pm

والله على حسب ذووق زوجج .. شوفي اذا تذكرين انه خاطرره بشي معين عاجبه مثل : جوال أو قلم أو عطر أو أي شي هاتيه له على طول ..
وتكونين حققتي هدفين : الأول أنج أهديتيه هديه تعبر عن حبج له ..
والثاني أنج متذكره شنو يحب وشنو بخاطره .. وهالشي بيخليه يستانس منج ..
الله يوفقج ويسعدج ..

روز الحب...

19-09-2022 - 11:49 pm

الفراشات كفوا ووفوا
اتمنى ان الله يسعدك معاه.

اضربيه واشتميه واتركيه واخيرا افتحي باب بيتك واطرد←
لماذا تختلف فترة الخطوبه عن الزواج→