تكفون قولولي أنا إش فيني

أخواتي أنا محتارة بوضعي مع زوجي وأبغاكم تفسرولي وش صاير ؟وش نوع حالتي؟ والله ماني عارفه أنا من أي نوع من البشر ؟ أحاسيس بداخلي غريبه لدرجة اني ماأعرف أصيغها لكم كتابه ولا شفهيا حتى بس بحاول أعطيكم فكره أنا تزوجت زوجي عن إقتناع وهو زوج مثالي وطيب الحمدلله ووسيم ومناسبني عمريا وعمليا واجتماعيا وفكريا وثقافيا وآآآآآه ياقلبي رغم هذا كله ماأحس بسعادة داخلي ودائما أحب أنكد عليه ومايعجبني العجب رغم إدراكي لمحاسنه الا انني لاأشعر بأهميتها داخلي إذا قال يمين قلت شمال واذا قال شمال قلت يمين رغم ان بداخلي أدري انه هو اللي صح , إذا كان موجود في البيت أترقب كلامه وتصرفاته عشان أزعل منه وأنشغل عنه بالنت او التلفزيون وكأني ماأشوفك ولاتهمني وبمجرد مايطلع من البيت أستودعه الله وأجلس أبكي على تصرفاتي وأندم على كل كلمة قلتها زعلته واذا رجع رجعت مثل ماكنت ولاكأنه موجود
لوحدي أخاف عليه من النسمه وأترقب جيته بفارغ الصبر حتى روحته للمسجد أحسها طويله وبمجرد يدخل مع الباب أحس ضايق خلقي وطفشانه من كلامه وشكله الفترة الأخيرة كلها مناقره أنا عصبيه وهو ماعاد يتحمل عصبيتي أمس يقولي إذا تكرهيني قولي قلت والله ماأطيق شوفتك زعل وطلع وأنا حسيت مثل السهام بصدري أنا انجرحت من الكلمة أجل كيف هو جلست أبكي ومقهوره لو يدري عن شعوري وهو خارج البيت كان طار من الفرح بس عمري ماقلتله ولا لي نفس أقول والله يابنات عمره ماطلع من البيت الا وانا أحصنه وأستودعه الله بس في نفسي وشكليا ماني معبرته ومسويه نفسي ماأشوفه وهو طالع وأذا سمعته يفتح الباب فرحت وإذا شفته سويت نفسي أطالع التلفزيون ولاكأنه دخل والوجه مقلوب
أحاسيس غريبه بداخلي مختلطه ماأعرف نفسي أنا أحبه والا لا ؟
أحيانا تجيني وساوس شيطانيه يمكن ماأدري اني أستاهل رجل أحسن منه بكثيروان الشخص اللي يستاهلني باقي مالقيته!!!!!!!!! وأحيانا أحكم عقلي وماألاقي انه فيه أحد حيقدم اللي قدمه لي
آآآآآآآآآآآآآه ياقلبي والله تعبانه من داخلي والإكتئاب هد حيلي وجبت له الكآبه وهو مو عارف ايش يسوي معاي ولافاهم شي فيني لأني أنا ماني فاهمه وش فيني ؟؟؟؟
أدري كثرت عليكم خرابيطي بس تصدقون أحس اني شوي تحسنت نفسيتي بعد الكتابه والله يعينكم على القراءة والهذره اللي ماأعتقد انكم فهمتو شي منها .