تكفون لاتخلوني

1. انا اليوم جايه وعندي مشكله مو عارفه كيف حلها احس نفسي مره تشتت

السلام عليكم ورحمة الله وبركاته
اخباركم حبيباتي الفراشات يشهد الله اني احبكم في الله واعتبركم قريبين مني

انا اليوم جايه وعندي مشكله مو عارفه كيف حلها احس نفسي مره تشتت

القصه ومافيها اني متزوجه واحده طيب واخلاقه كويسه بس المشكله الكبيره في اهل زوجي اخلاقهم معي مره زفت وياما لقيت منهم معامله تضيق الصدر لكن اصبر واتحمل كله عشان زوجي هو ماوده بالي يسوونه بس يقول اهم ماعلي امي وابوي والباقين ماعلي منهم وعلشان كذا انا اتحمل الي يصير بس اخواته البنات مره فيهم نذاله موطبيعيه لمن اجي عند ام زوجي مااحد يقعد معي ولا يسولف معي انا اروح لهم واسلم عليهم واحاول ابتسم وهم ولا جابو خبري احسهم يكرهوني يكرهوني لكن موعارفه السبب والله بس قلت كله يهون اذا زوجي بصفي وفاهم شعوري ماعلي فيهم المهم احنا خصصنا يوم الجمعه نزور اهله ونجلس معاهم والجمعه هذي الي فاتت دق زوجي عليهم عشان يقولهم ان احنا جايين ولا احد رد عليه وكلم اخوه قال كلهم نايمين هذا الكلام طبعا المغرب بعدين هو قال ماادري نروح او لا بس اكيد بيصحون العشا المهم اذن العشا دق مره ثانيه ردت عليه امه قال خلاص بنجي سكرقالي بنروح قلت كيف نروح هذا الوقت وهم اكيد توهم بيقعدون يصلحون لهم عشاومالهم خلق (( طبعا انا قلت الكلام هذا لاني اعرفهم نفسيه مايبون احد يجونهم وهم مشغولين وخصوصا اختهم الكبيره المتزوجه عندهم الي هي السوسه )) المهم انا قلت الكلمه هذي ولا ماقلتها انفجر علي على طول انتي ماتبين اهلي ومن ها الكلام قلت والله ماقلت ما ابي اروح بس انت عارفه اهلك وخلاص بقوم الحين البس المهم سمعني كلام مره قوي وقام وطلع وجلست البس عيالي ولبست بسرعه ويوم جا طلعنا طبعا هو ماكلمني عشانه زعلان وطول الطريق واحنا ساكتين وفعلا مثل ماتوقعت ماحد عطاني وجه جالسه انا وخالتي لحالنا وخوات زوجي بعضهم نايمين والي صاحين في المطبخ ولا سولفو معي و لا كلموني ويالله يناظروني وانا خانقتني العبر من كلام زوجي ومن معامله اهل زوجي معي ورجعت البيت ونفس الشي زعلا ن ولا عطاني وجه ورحت عنده قلت تبي عشا قال لا وهو منتفخ ومتضايق وجلست مع نفسي قلت يمكن اني زعلته خلني اضغط على نفسي واروح اتاسف له ورحت لين عند وقلت له كان غلطت عليك انا اسفه طبعا ماكلمني ولا ناظر فيني قال خلاص كلن يتعامل مثل مايبي وسكري النور وانتي طالعه قلت طيب تبي اكل قال لا قلت طيب وطلعت وسكرت النور زي ماقال ونمت ولمن صحيت طبعا هذا وقت دوامه حطيت له الغدا وقلت له وانت طالع ودني عند اهلي وجيت عند اهلي وبنام عندهم قصدي النفوس تهدا وكلن يحاسب نفسه ولا ادري الشي الي قاعده اسويه صح ولالا امانه عليكم الي تقرا موضوعي تقولي وش اسوي وكيف اتعامل معه ماعد عرفت اسوي شي ابد