تكفوون اعطوني حل لمشكلتي مع زوجي واهلي

السلام عليكم ورحمة الله وبركاته
اخواتي حبيت اخذ رأيكم بموضوع خاص فيني
انا ملكت تقريبا من خمس شهور وطبعا يجي يزورني
واغلب الوقت مسافر بعمله هو من مدينة ثانية وطبعا تختلف العادات والتقاليد من عائلة لعائلة
فكيف من مدينة لمدينة ؟؟؟؟
المشكلة ان عندنا بعاداتنا ان العريس مايدخل بيت اهل زوجته إلا وبيده هدية لها
يعني انا اقصد ايام الملكة
والناس كلها تسأل و تتفاخر بهالشي لمن جا وش جاب معاه ؟؟؟
انا خطيبي لمن يجي عندي مايجيب شي
المشكلة اني اسمع الكلام مو بس من الناس من اهلي كمان
ومقهورة بنفس الوقت
هو صح حالته مو فوق الريح بس الحمد لله كويسة
وانا مو طالبة منه كل يوم يجيب لي شي جديد بس على الأقل اذا سافر يرجع بيده شي
على الأقل كرتون فاضي شوكلاتة بريال بس المهم يفرحني مثل البنات بشي
وانا مو حابة من البداية اضغط على نفسي واجمع بداخلي ما احب هالشي
المفروض هو يتذكرني لوحده لأني اهديه كثير بس هو لا
بس يقول بشتريلك هدية وش تبي اجيبلك واذا تبي شي قوليلي بس انا استحي اقول له او اطلب
بس انا ابي هدية << الله يخلف جنت البنت
مضايقني هالشي بس مو عارفة كيف اقوله ؟؟؟؟
برأيكم اخواتي اصارحه بطريقة غير مباشرة ؟؟
شو اقول له ؟؟
تكفون بموت من القهر وموعارفة اسوي شي
ممنوع الرد الجارح