تكفوون بنات والله كرهت زوجي

السلام عليكم..حبيباتي بدخل على طوول بموضوعي,,انارزقت ولله الحمد بوظيفه بعد ماتزوجت ب3 شهور,,صرت اصرف منها على نفسي ,ملابسي واغراضي الخاصه بعدها رزقني ربي بالبيبي وصرت انا الي اشتريله ملابسه,صح ابوه يصرف ع البيت مطبخ وفواتير الكهربه والمويه ومتكفل بحليب البيبي وحفايظه ,,الي قاهرني في زوجي انه مستخسر فيني راتبه بحجة انه انا مو ناقصني شي,,انا ياينات اشتري من راتبي هدايا له وللأهله ,,هو عمره ما أهداني,, حتى لما جت المكرمه الملكيه بزيادة الرواتب اعطى امه واخواته من الزيادة كهدايا,,وانا مافكر,,وانا اللي اعطيه من راتبي نص الشهر اذا خلص راتبه,,وبعت ذهبي وساعدته بمبلغ الذهب عشان يشتري سيارة جديده لان سيارته صار عليها حادث وانعدمت..والسفرات كل تكاليفها علي ,,والله يابنات مدري شصار في,, اكتب لكم وانا اصيح من القهر,,نفسي يدخل علي مره ويقولي انا ابغى اشتريلك ثوب العيد او اي شي ثاني,,وربي يوم سافرت اشوف الرجال يشترون لزوجاتهم وعيالهم درازن وراهم ويشترولهم اني اغبطهم واتمنى اصير مكانهم,,وانا دمعتي تنزل,,وطويل العمر يمشي وراي وانا الي اصرف عليه,,مادري بكره اذا كثروا اولاده كيف بيصير الوضع..وانا ماقصرت كلمته,,وقالي ونتي وش ناقصك,,وقلتله ولدك من اليوم ورايح انت الي بتشتريله ملابسه,,قال خلاص انا الي بروح لحالي واشتريله من ابو 10 ريال ,,والله يابنات كرهته,,كرهته,,كل قريباتي مو متوظفات وازواجهم يصرفون عليهم من الى ,,وملابس اولادهم ماركات,,وكل عطله يسافرون على حساب ازواجهم,,وانا لأ,,,وزوجي ماديته كويسه,,راتبه 9000 ,,,3000 قرض للبنك ويصفى 6000 وبيتي ملك
يابنات وااسوني وربي مادري ايش اسوي,,مو راضيه عن حياتي,,وزوجي كرهته,,صرت اذا شفت وحده زوجه معطيها مصروف ومشتريلها هي واولادها احس بضيقه وقلبي يعورني من القهر الي معيشني فيه زوجي.آسفه طولت عليكم بس والله مكتئبه ومقهوره ومالي غيركم