توبتي بعد رحلة طويلة من الضيآع

1. ( حسبي الله لا اله الا هو عليه توكلت وهو رب العرش العظيم )

صبآح الخير ..
مآني عاررفة كيف آبدا او وش اقول .. لآنها صعبة آحد يجي ويعترف بغلطاته برغم من ربي سبحآنه ساتر علي ويمهلني لاجل غير مسمى ..
آنآ مو صغيررة ,, واللي بتحس نفسهآ نازلة من السماء ومعصومة من الغلط وبتجي تحط كلام يجررح من البدآيه لا تتعب نفسسهآ بآآي ررد
متزوجة وعندي آطفال .. بسس مآني قد الامومة ولا النعمة اللي ربي عطآني آيآها .. مو عارفة هي نزوة .. هي عآدة . هي آبتلآء . بس اللي اعرفه اني بعيدة من ربي كل البعد وهذا اللي مخليني ضآيعة ولآ آدري وين طريقي
فيني ذررآت من الطيبة تخليني آسمع آوقات محاضرات .. آناشيد . قصص توبة . وعلامآت قيام الساعة . آتآثر يوم او يومين وبعدهآ مآ كآن شي صار .
سمعت آغآني .. كلمت شبآب . اغتبت . وتبرجت . وتصورت . وطلعت . وكل شي يخطر ببالك آنآ سويته لاتقولون عديمة احساس ومو متربية . كنت عآيشه بمشاكل مع اهلي ومع كذا كانو مشددين علي وعارفين الغلط والصح . بس لما طلعت وتزوجت وجلست فترآت طويلة بعيده عن زوجي بسبب ظروف عمله .. انجررفت وانحررفت ولقيت كل اللي يشغلني في الطريق الحررام .
بتقولون فيه بنات ارامل وفيه ازواجهم مسجونين .. و..الخ وماسسوو كذا . آدري وكنت افكر . وبعد كل معصية ,. تجيني ضيقة وبكآء وتانيب ضمير وبعدهآ آرجع .
زوجي طيب ويثق فيني وبسبب ضياعي وبعدي عنه واهمالي له صارر حتى هو نفس الشي .. كشفته اكثر من مررة يخونني .. وما الوممه . مو لاقي زوجة عفيفة تصونه وتحبه
وبعد فترآت طويله من الركضض ورى هالمعاصي .. صارت الكوابيس ماتفارقني . دآيمآ احلم بان زوجي يذبحني واحس بسكرآت الموت واصحى وانا مخنوقة ..
يوم يومين شهرر نفسس الاحلام والكوابيس تتكرر . وتنبهني لاززم تصحين قبل حاجتين مؤؤؤؤؤؤلمه
( قبل تموتين وانتي ع هالمعآصي ) او ( قبل يكشفك زوجك ويرميك زي الكلاب بالشارع )
وقتها وش بكون استفدت من دنيتي وآخررتي ( ما استفدت ولا شي )
بس ضيقة صدرر وآكتئاب بالدنيآ وحسرة وندامة وجهنم بالاخره
بيوم كنت العب مع عيآلي.. قالي الصغير يآمآمآ تحبينآ ؟؟
قلت اكيد حبيبي ليش تسال ؟.
قال بس الام اللي تحب عيالها ماتضربهم وتجلس معهم دايما وتساعدهم وتاكلهم . انتي تضربينآ دايم ومانجلس معك ولا تاكلينا بيدك .. ولا تجلسين معآنأ
جلسست آتامل وجهه وهو يتكلم وبقوة حضنته وانفجررت بكآ .. واصيح . واقول بنفسي والله احبكم بس ما استاهلكم .. قدري الشاررع اعيش فيه هذا مكآن اللي مثلي
ومن وقتهآ قمت تسبحت وتوضيت وطفيت نور غرفتي وصليت اول مرة بحيآتي صلآه احس بطعمهآ وراحتهآ .. كنت اصلي وعقلي وقلبي بعالم ثاني .. ودقايق اخلص صلاتي .
كلها ركعتين اللي صليتها بسس طلعت كل اللي بقلبي سنين كاتمته . طلعت كل السواد اللي بقلبي وبكيته ودعوت ربي بنفسس صادقة
ياررب .. يارب اغفر لي ذنوبي وطهررني واصرفني عن الحررام ... يآرب سترت علي سنين طويلة وخنت هذا السسترر وهتكته ياررب جئتك بقلب صادق وتائب اغفر لي وتجاوز عني واصرفني عن الحررام .. وكنت ابكي ومخنوقة من قوة البكأأأ ولا اقدرر اتنفسس .. اقوم اجلس شوي واخذ انفاسي وارجع اسجد لين شرقت الششمس ع هالحال
اليوم الثآني رآآآآآآآآآآآآآآآآآآآحة بال ماعمري حسيت فيها .. صحيت وانا مشتاقه لصلاه الظهر . اشتاق للصلوات لاني اسجد وابكي وادعي . اخلصص صلاتي وكل همومي ورى ظهري .. وكآن جبآآل راحت عن صدرري
صررت اشغل وقتي في المشي . في اللعب مع عيالي . اسوي لهم اكل . او انادي جاراتي واجلس معآهم . وغيرت رقمي . واشتريت ملابس جديده وقصيت شعري وصبغته عشان زوجي .. والاذكارر صباح ومساء . واذا جلست فاضيه لسآني مايفارق هالدعاءء
( لا اله الا انت سبحآنك آني كنت من الظآلمين )

( حسبي الله لا اله الا هو عليه توكلت وهو رب العرش العظيم )

توني آحس ان لحيآتي طعم . توني احس ان لوجودي معنى وقيمة .. كنت ضآئعه ومكتئبة لان كل شي غلط اسويه يعاقبني به ربي بضيق في صدرري وآكتئاب
لو آكتب لبكرة ماباقدر اوصف لكم هالشعور اللي احس فيه والراحة .. ندمآنه على كل ثوآني قضيتها بعيد عن ربي وعن نفسي وبيتي وزوجي وعيالي .. كنت آنانيه افكر في متعة نفسي . وياليتهآ تمتعت بالعكس كنت آتمنى الموت في كل لحظة
طوولت عليكم .. بس ما آبي منكم آلا شي وآحد . ( دعوة في ظهر الغيب لي بالثبات )
وربي يهديني للصلاح اكثر واكثرر .. ويصلح لي اطفالي وتقر بهم عيني .. ويكفيني شر نفسي والشيطآن
دعواتكم يالغوآلي