توكلنا على الله

1. بسم الله الرجمن الرحيم

بسم الله الرجمن الرحيم

عزيزاتي الفراشات إن شاء الله يكون الكل بخير اليوم حبيت أنقل لكم تجربتي مع خلطة أخذتها من منتدى ثاني الله يوفق راعية الموضوع و ينولها كل إللي تتمناه .
ما أدري إذا كان أحد غيري عرضها في المنتدى بس النتيجة إللي شفتها و ما زلت أشوفها في شعري تستاهل التعب و تحمل ريحة الخلطة ................... ها ترا من ألحين أقول لكم الريحة نفاثه بس النتيجه أروع مما تتصورون
علشان كذا دائما نقول من بغا الدح ما يقول أح قصدي ( يع ، أف ، وع ، .............إلخ ) .
أنا إستخدمت الخلطة علشان التطويل لكن تفاجأت بنتيجتها المذهلة للتكثير حيث أصبح الشعر الجديد ينمو بشكل كثيف و إتغطت عندي فروة الرأس كلها بالشعر بنات بالله كل وحدة تقول ما شاء الله تبارك الله ترا توه شعري موقف عن التساقط و بالنسبة للتساقط صار المتساقط من الشعر لا يزيد عن 10 شعرات في اليوم و صرت ألعب في شعري بإيدي بدون خوف أول كنت ما ألمسه إلا ويتساقط ( الحمد لله )، أما الطول فلسة أنا توني باديه في الخلطة
ليتقريبا 20 يوم أحسه طول شوي يعني1سم ألاحظ الطول على الغرة ، بس التساقط و ظهور الشعر كان بشكل ملاحظ عقبال عندكم .
نجي ألحين حق الخلطة :ملعقة من كل من ( زيت الخروع - زيت الزيتون - زيت جوز الهند - زيت السمك هذا تلقونه في الصيدليات هو عن شراب لون كرتونته صفرا مكتوب عليها بالإنجليزي سفن سيز - بيضة - ملعقه عصير بصل وصلت الروايح الحلوة ، كيف تحصلين على عصير البصل ؟ تاخذين البصلة و تفرمينا بالآله حقت الجبن بعدين تحطينها بقطعة قماش و تعصرنها جيدا حتى آخر قطرة وتحتفطين بالعصير في علبة مغلقة و تحطينها في الثلاجة )
طريقة الخلطة أنك كل يوم تأخذين ملعقة من كل شيء ما عدا البيضة طبعا و تدفينها شوي بعدين تضيفي البيضة لا تسخنين الزيت و البصل كثير علشان ما تستوي البيضة بعد كذه دلك جذوز الشعر بالخلطة حاولي إك تغطين فروة الرأس كلها بالخلطة وبعدين غلفي شعر بالبلاستك حق الأكل ................ إخواني يتمسخرون علي بعد ها لخطوة يقولون ما ناقصك إلا ندخلك المايكروويف ، و فايدة التغليف إن البيض ما ينشف و أن الريحة تنضب شوي خ ، تخلين الخلطة في شعرك لمدة من ساعة إلى ساعتين .
ملاحظه : بعد غسل الشعر بالشامبو يفضل إستخدام كريم حمام جيد لأن البيض يتشف الشعر و علشان تغطي ريحته على ريحة الخلطة وإذا خذتي الشاور تقدرين تعطرين شعرك بالطريقة إللي تناسبك .
و ألحين توكلو على الله وجربوا الخلطة وأتمنى إنها تنفعكم بإذن الله و يا ليت تقولون لي النتائج أول بأول و أي سؤال أنا في الخدمة .