جامعة الاميره نوره

لالالالالا نصيحه لله اختي تراها جامعه فاشله
انظمتهم فاشله
الجداول ماتنزل بالنت تنزل بالجامعه
النتايج تصفين طابور زحمه تحسين انك بتموتين عشان تاخذين نتيجتك
المكافات كانو يعطونا اياها باليد والحين توهم تطورو وطلعولنا بطاقات صراف
التحويل لازم سنه عشان تحولين
ونظامهم قديم مايمديك تحذفين ماده او تضيفي على كيفك لا زي المدرسه
واذا حملتي 4 سنوات تعيدين السنه
واذا حلتي 3 مواد او اقل تعيدينها باختبار
المكافات ماتنزل الا كل 3 شهور
تخيلي لنا 3 شهور مااستلمنا مكافاه وسلمونها اياها قبل اسبوعين يمكن عطونا حقت شهر واحد بس وشهر 4 و5 ماعطونا شي الله لايسامحهم
انا قتلك نصيحتي وانتي عاد بكيفك واذا بتجين انتبهي تروحين للاداب لانها فاشله واقسامهم فاشله
هذا اللي عندي الحين اي استفسار تبينه ارسلي لي خاص واقولك اللي تبينه
لاني يمكن ماراح ارجع للموضوع
وبالتوفيق

انا رايي من راي عاشقه روحها
خليك في سعود احسن
انا متخرجه من جامعه نوره من سنتين
وربي نظامهم ماله داعي في الحياه مدري ليه مسمينها جامعه
كأنها مدرسه في نظامها

عاشقه روحها وام فجر
شكرا على ردودكم وجزاكم الله خير على التنبيه منها

موفقه
اللهم صل على نبينا محمد