جايبة لكم قصة صغيرة كنت وانت صغيرون حبنا بدا بنظرة لعيون

السلام عليكم
يمتزج الواقع بالخيال بين الرومانسية والضياع والحب والحقد
وسط البرج العالي المطل على البحار ومن بين وسائدي نسجتها
اقدم لكم روايتي وكلي منى ان تحوز على اعجابكم
لا أمانع من النقل بشرط كتابة اسم الكاتبة
•·.·´¯`·.·• جود عثمان •·.·´¯`·.·•
«®°·.¸.•°°دنيا ومن يدري كل شي يصير فيها·.¸.•°°·.¸.•°®»
«®°·.¸.•°°عشرة عمر وسنين بلحظات نمحيها·.¸.•°°·.¸.•°®»
دمعة .... دمعتين .... وتتوالي الدموع وتبقى هديل صامتة مع دموعها وتحاول تصدق او تستوعب الي سمعته قبل دقايق بالمكالمة
ناصر مايبيها ؟!
ماكان في بينا زعل
طيب ليش ماهو الي واجهني ؟
معقولة مايحبني كان يلعب علي؟
هالفكرة ذبحتها
تتشابك الافكار والأسئلة بمخها والدموع بعينها تنهار مو قادرة تركز ماتشوف قدامها
طراخ ........ صدمت الجيب الي كان قدامها
*******************
جود: يما يما باركي لي
سلمى (ام جواد) : الف مبروك يابنتي اكيد الاولى
جود : اي يما الأولى ومو بس الأولى معدلي 98.9 بطير من الفرح بطير
سلمى : فديتها بنتي الشطورة عسى ايامج كلها افراح.
سكرت جود التلفون وهي مستانسة لأنها وصلت لهدفها بالتفوق وانها .... كسبت التحدي الي بينها وبين عبدالله وبتقدر تتخرج بمعدل يفوق معدلة يوم ماتخرج من الثانوية.
****************
طق طق طق
عبدالله برباشته: وضحى الصغيرة
وهي بغرفتها راقدة
عبدالله: وضحى .... وضحى....حوحي ... عيوزتنا حتى اسمها مايتدلع... فتحي الباب
يوم يأس هو فتح الباب لقى اخته راقدة اخد ورقة منديل حطاها على ويها
وضحى: عبود وجع ياخد عدوينك
عبود: ماسموج وضحى الا يطيح عليج الاسم. دوم تدعين علي كانج عيوزة.
وضحى تشيل التكية الي يمها ترميها عليه: اطلع ابي ارقد
عبود: لا ماني طالع من غرفةاختي لكبيرة حبيبة قلبي وحشتني بقعد معاج.
وضحى: اخلص
عبود: شدعوة طردة ؟
وضحى : لأنك جاي تتمصلح اليوم نتائج الثانوية الأولى
عبود: ياحليلها الي تفهم اخوها.
وضحى: ههه اتصل بشرط
عبود: ابشحن لك ب 10 دينار بعد
وضحى : سلم واستلم
عبود: عاد الثقالة مرة وعدتج بشي وجدبت عليج؟
وضحى: أكرم عليك اخوي
عبود : والله؟
وضحى : زين زين بتصل الحين بس اسكت ومابي اسمع صوت بس هش يرن
جود: هلا هلا وضاحي باركي لي باركي لي
وضحى: اكيد ببارك لج يابعد عمري ها كم معدلج؟
جود: انا الولى على التجاري معدلي 98.9
وضحى : والله
جود: اي اي اي اليوم فرحتي ياكبرها
وضحى : عسى ايامج كلها افراح ماي كزن
جود: وضاحي لاتخبرين عمتي ولا احد ابسوي لهم سبراايس يوم اليمعة وبييب لكم كيكة.
وضحى: خلاص مابخبرها مو علشان شي علشان الجيز كيك
جود: ههه وصل المسج خلاص جيز كيك ولا يهمج جم وضحتين عندنا
عبدالله بهالوقت ينتظر على احر من الجمر يبي يعرف النتيجة وياشر لاخته
وضحى : يالله حوبي نشوفج يوم اليمعة وسلمي على خالي وخالتي
جود : الله يسلمج انتي بعد سلمي على عمتي
وضحى : بس عمتج؟
جود : اي ........... تون تون تون سكرت الخط
وضحى تضحك عليها
عبدالله: ها
وضحى: الأولى على التجاري
عبدالله كان سطار على ويهه يبيها متفوقة بس ماتكون اشطر منه....المهم جم معدلها؟
وضحى: 98.9 انتظر لكردت
عبدالله: روحي اشتري لج زين .... صفق الباب وراه
تمتى وضحى مستغربة الي تعرفه ان اخوها يموت في جود ويحب تفوقها شفيه؟ ليكون يغار!!!
------------
راح غرفته وهو طاير من الفرح لها وفي نفس الوقت ميت قهر انها معدلها اعلى من معدله في الثانوية
وبينه وبين نفسه توها اول كورس بينزل معدلها
انتبه على روحه معقولة اتمنى لها ينزل معدلها ياحبي لها ولطموحها قام يتذكرها ويسرح في خياله...................صوت طق قوي على الباب يقطع عليه خياله...... بسم الله منو؟؟؟
شصاير؟؟
قمر شفيج ..شصاير؟
قمر: خالتي .... هدل.... تاخد نفس وترجع تكمل وعبدالله مو فاهم عليها
راح بسرعة على التلفون يتصل على خالته محد يرد عليه
جاب الماي لاخته بسرعه ويهديها : قمر بليز هداي خليني افهم شفيها خالتي
قمر: مادري اتصلت تصيح فهمت منها حادث ومستششفى
عبدالله : هديل فيها شي؟
قمر : مادري مادي
عبدالله : زين زين بقوم اروحق حق خالتي
قمر : تعال بروح معاك
عبدالله: يالله بسرعة بروح السيارة لبسي وتعالي
طلعت وضحى من غرفتها على الصوت وتشوف اخوها رايح يركض وقمر ويها احمر وعينها بتدمع طاح قلبها ... شصاير؟
قمر: هديل مسوية حادث
وضحى : وي عسة ماصادها شي
قمر ك مادري الحين بنروح حق خالتي انا وعبود
وضحى : زين نطروني بيي معاكم
قمر: لا خالتي بروحها في البيت انتي اخذي امي ولحقونا المستشفى .
وضحى مو عارفة وش تسوي هدأت نفسها وراحت لامها اللي قاعدة بالمطبخ
يما شلونج
هلا ببنتي بخير بنتي شخبارها
وضحى: بخير يما قومي نروح بيت خالتي نعيم من زمان ماشفتها
ام عبدالله (سلمى): حنيتي على خالتج روحي يما منها تسلمين على خالتح ومنها تغيرين جو لمتحانات
انا مابروح قاعدة اشتغل
وضحى: يما ماعليه الشغل لاحقة عليه علشان بنمر بعد على هدولة الستشفى
ام عبدالله: شفيها هديل؟
وضحى : سوت حادث ووهي اشوي تعبانة؟
ام عبدالله : اي قولي جدي يالله يالله نروح لها
يتبع..

قمر: خالتي
عبدالله بسرعة يتصل على الاسعاف يوم لقى خالتي طايحة يم التلفون
واتصل على خاله فيصل يخبره عشان يروح المستشفى حق هديل
.
.
.
الدكتور : انت اخوها؟
فيصل : لا خالها
الدكتور: البنت تعبانة اشوي .. وصادها كسر بالكتف الايسر
فيصل: ماعنده تعليق ..
طبعا قمر وعبدالله عند خالتهم الي صادها انهيار يوم ماسمعت عن بنتها
وصلو وضحى وام عبدالله لعند فيصل
هديل من بعيد: خالي شفيها هديل طمني عليها
فيصل: مافيها شي آآه بسس
الثنتين يطالعون بعض: بس شنو
فيصل : صادها كسر بجتفها اليسار
سلمى: اخ عليج يابنت اختي وينها نعيم؟
فيصل: نعيم مع عبدالله وقمر الحين بطمنك عليها...... الا جوال فيصل يرن هلا عبداله ابشر؟
عبدالله: خالتي تعبت صادها انهيار وهي عندي العناية الحين بس لاتخاف الدكتور يقول مافي شي خطير
فيصل : انا لله
السلام عليكم
الكل : عليكم السلام
يوسف (بو ناصر): انتو اهل هدير؟
فيصل: اي نعم احنا اهلها
يوسف : انا يوسف الي دعمتني بنتكم شخبارهاالحين؟
فيصل: الحمدالله.... عندها كسر
يوسف: انالله ماعليها شر انشالله... بترك معاكم رقم جوالي وطمنوني عليها
فيصل : ماتقصر فيك الخير
بس يوسف تم قاعد بالمستشفى واتصل على ولده ناصر علشان يجي ياخده (سيارته تكنسلت)
***********************
في القهوة
محمد: ناصر ... تلفونك
ناصر: بعدين اشوي وبكمل
محمد: ابوك متصل تعال رد لاتحصل لك زفة محترمة
ناصر: لاتخاف اليسفي مدلعني عطني التلفون
محمد: مصدق روحك انقطع الاتصال
زين ييب التلفون بدق عليه
الو
يوسف: ها نصور وينك حبيبي ماترد
ناصر: اي يبا التلفون علسايلنت وانا كنت العب بليارد
يوسف : عسى غلبت؟
ناصر : تشك في قدراة ولدك هذا الشبل؟
بو ناصر: من هذا الاسد... ويالله ياشبل تعال للأسد المستشفى لأن الأسد اليوم مدعوم
ناصر: اسد ويدعمونه؟
بو ناصر: بدل ماتسأل عسى ماشر يالله يالله تعالي
ناصر: لا اعرفك اسد مايصيدك شي
************
عبدالله وقمر : السلام عليكم
الكل: عليكم السلام
عبدالله : ها خالي شخبار هديل؟
وضحى ودمعها على خدها ... نكسر جتفها
قامت قمر تبجي ولمتها وضحى كل وحدة تخفف على الثانية وامهمماسكة القرآن وتدعي ربها يقوم الثنتين بالسلامة
تم فيصل يسولف مع بوناصر يساله عن شلون صار الحادث الا وصل ناصر وسلم
وضحى وقفت عينها يوم عرفت ان ناصر هو نفسه ولد اللي دعم هديل
عقب ماسلم ناصر على ابوه وفيصل وعبدالله
ناصر: عسى عدت على خير؟
ابو ناصر: انا ياولدي الحمدالله سالم بس البنت صادها كسر بجتفها
ناصر: لا ماعليها شر انشالله
يوسف(يأشر على الحريم): يبى هالحريم اهلها
ناصر: السلام عليكم .. شلونج يا خالة
سلمى : حياك الله ياولدي
وضحى للحين عينها معلقة تبي تتاكد هو والا لا مع انها متاكدة
ناصر حس في عين تناظره ....................... وضحى!!!!!!!!!!!!!!

مشكوره قلبي لى القصه ...
الله يخليكي التكمله ترااي تحمست ..
والقصه مره حلووه ..
تقبلي مرووري :
دلوعه أمها وأبوها ..

ولا يهمك حبيبتي
انا بتابع القصة اول ماينزل الجزء الثاني بنقله لكم
ثانكس على الرد

منك يااغلى ناسي تخليت عن اغلى ناسي وناسك
آآآآه ياوضحى
وضحى اللي اسرت قلبي
وضحى الي ذبحتني .... الي ذبحت اغلى ناسي وناسها
ناصر بهالوقت حس ان الدنيا بتدور فيه
وضحى اللي تخلى عن هديل علشانها عشان حبه لها
حبه لوضحى ولهديل!!!!!
آآآآآآآآآآآآآآآآآآآه منك ياقلبي عشقت بنتين كل غالية اغلى من غالية
هديل اللي دبحتني بجماهلا وطيبة قلبها قلبي يغليها
وانتي ياوضحى اللي ذبحتي قلبي بحبك ياربي وشلون حبيت صديقتين واهل
دارت الدنيا فيه وتم سرحان محد لاحظة لان الكل كان سرحان وحزين على نعيم وبنتها
وضحى وهي تستوعب ان اللي دعمته هديل ابو ناصر ....شلون الصدف ياحليلج ياهدول الحين
لو تدرين ان الي دعمتيه عمج المستقبلي ؟؟؟؟؟
الله يقومج بالسلامة
********
سخافة القدر بعدتج عن قلبي ياهديل علشان مااتعذب وانتي صايرة وصل بيني وبين وضحى اريح لي اريح لج ياهديل... شنو شعورها وهي تشوفني احبها واحب بنت خالتها صديقة عمرها بنفس الوقت ومن يوم الي بديت ابتعد لقيتج ياوضحى قدامي توه ماتذكر شي فز من مكانه
يبا شنو اسم البنت الي دعمتك؟
بو ناصر: هديل
ناصر : ياربي وش سويت انا بالغالية ... يبى مولازم نقوم نمشي ؟
بو ناصر: ياولدي مو حلوة خل نتطمن على البنت وامها اول
ناصر : امها؟
بو ناصر: اي ياولدي امها يوم سمعت صادها حادث صادها انهيار وطاحت
ناصر حس انه هو كل السبب في اللي صار كان وده الارض تنشق وتبللعه اكيد يوم سمعت الخبر هديل اني مابيها كانت بالسيارة ... بين الحزن واضح بعينه
وضحى تراقب من بعيد حست بفرح ان ناصر حزين على هدولة وترجع تدعي الله يقومها بالسلامة تمت تفكر شنو يتكون ردة فعل هديل يوم تعرف انها دعمت بوناصر
اما ناصر تم مذبوح
الغالية مكسورة
والأغلة قدام عينه
وهو مقرر يبعد الثنتين عن عينه وقلبه يوم بدأ بخطوة القدر كان اكبر منه جمعهم مرة ثانية وبنفس اليوم.
الدكتور : السلام عليكم
الكل : عليكم السلام
تستاهلون سلامة مريضتكم نعيم هي بخير الحين تقدرون تشوفوها
عبدالله : مشكور دكتور
قامو سلمى وبناتها بفرحه بروحون لخالتهم أما عبدالله وفيصل تمو مع ناصر وبو ناصر
ابو ناصر: يا اخ فيصل روحوا تطمنوا على مريضتكم
فيصل: ما عليه خل الحريم يروحون عندها بعدين احنا بنروح
ناصر: لا ياخوك روح حق مريضتكم
بو ناصر: اي واحنا بنترخص الحين وهذا الكارت طمنونا على مريضتكم الثانية
فيصل: خلاص ياخوي ماقصرت خد رقم جوالي
--------------
نعيم : طمنوني على بنتي
سلمى: بنتج ماعليها الا العافية
نعيم : وينها ؟
قمر: خالتي هدولة هني بس الدكتور مدلعكم مايبيكم تطلعون من الغرفة
الا وبدخلة فيصل وملامح ويهه تبشر بخير
السلام عليكم (وحب راس اخته)
تستاهلين السلامة ياالغلا وسلامة هدولة وماعليها الا العافية تقدرون تروحون تشوفونها
قمر : اي اي يما احنا بنروح خلج مع خالتي طلعو بسرعة من الفرحة طايرين لهديل
------
الحمدالله على السلامة
هديل بتعب: الله يسلمكم
قمر: هدولة خبلتينا عليش
هديل: تبون الصراحة انا مادري شصاير(وهي تحس بالم خفيف)
وضحى : ياحبيبتي ماصاير شي بس انتي دعمتي سويتي حادث ويابوج هني
وضحى توها تذكرت شلون صار الحادث
ناصر.............. وتنزل دمعة
وضحى : بسم الله عليج حبيبتي وليش الدموع؟ ماعليج الا العافية والدكتور طمنا الكسر خفيف وبسرعة بطيب
هديل: فيني كسر في يدي صح احس بالم
قمر: انادي لج الدكتور؟
هديل : لالا مايحتاج االم خفيف بس
قمر عشان مايزيد عليج
هديل : وين امي ؟
وضحى : خالتي هني بالمستشفى الدكتور مدلعها
قمر ك اي انخبلت علييج الخالة
هديل: زين وينها ابي اشوفها ؟ اخاف امي فيها شي
وضحى : ولا يهمج هي بخير لاتحاتينها الحين بخليج تكلميها
((تدق وضحى على جوال فيصل))
فيصل : هلا وضحى
وضحى : ها خالي هديل تبي تكلم خالتي
فيصل : خيو هديل بتكلمج
نعيم : وينها عطني
هديل: يما شلونج؟
نعيم: هلا هدولة شخبارج... زينة انتي
هديل: اي يما انا بخير انتي ؟
نعيم: بخير انا حبيبتي الحين بطلعني الدكتور وبييج
هديل: اي يما سرعي
نعيم : ههه انشالله حبيبتي
********************
اتصل فيصل وخبر الكل عن حادث هديل وعن سلامة امها امها ترخصت بس هي تمت في المستشفى ليوم ثاني
************************
محمد : ها نصور امر عليك والا انت بتمرني؟
ناصر : حمود لاتمرني مالي نفس اطلع
محمد: عسى ماشر؟ مو طبعك؟
ناصر: ماشر بس خاطري اقعد بالبيت
محمد: الا شخبار الوالد من الحادث؟
ناصر:الوالد اوكي بخير
محمد:هو بالبيت الحين؟
ناصر: لا والله طالع
محمد: عيل خلاص وصل له سلامي وتحمد له السلامة
ناصر: الله يسلمك يوصل
سكر من محمد واتصل في هديل
((لايمكن الاتصال حاليا بالرقم اللذي طلبته))
سامحيني ياهديل وتم يكلم نفسه بخاطره
والله انا مااكرها اغليها بس مشاعري كلها لج ياوضحى ... بس مقدر مقدر اصارحك يعني راح اذبح هديل................. معقول ياناصر تكلمها وتحب صديقتها ... مادري ان كانت مشاعر حقيقية والا مجرد نزوة اصلا انا طول عمري احبج ياهديل هالشعور الي ياني تجاه وضحى ذبحني
شهالعذاب
هديل تتعذب لاني تركتها ومن غير سبب يذكر
وانا اتعذب لاني مقدر اصارحها بالحقيقة
وبنفس الوقت مستحيل اقدر اصارحج ياوضحى
قام غسل ويهه وتوضأ وتوجه يدعي ربه
***************************
بيت نعيم ام هديل
سلمى اللي تمت مع اختها لانها بتكون بروحها في البيت
(هديل وحيدة امها وابوها عطاكم عمره)
اختي الحمددالله على سلامة هدولة المستشفى الحين اتصلو
نعيم ك الله يبشرج بالخير يالله نروح ناخدها
********** الحمدالله هديل ترخصت بس لازالت تعاني من الكسر ويبي له على الاقل شهرين علشان يطيب على حسب كلام الدكتور وننتظر الأحداث بالبارت الثالث ولاتنسون لسويت الي بتييبه جود بمناسبة ال 98.9 وهديل اللي ليحين ماتدري منو دعمت**********