جربت وصفة الأفعى الحنونة والنتيجة

1. أخذت الزيوت اللي ذكرتها بالموضوع زيت زيتون وجوز هند وزيت ذره


2. انا استخدمت

السلام عليكم
كنت اتصفح قسم الشعر لقيت موضوع بعنوان
وصفة لتطويل وتكثيف وترطيب الشعر واسهل منها مافي
للأخت الأفعى الحنونة
وقلت يابنت جربي مدامه سهل وما فيه مكونات كثيره

أخذت الزيوت اللي ذكرتها بالموضوع زيت زيتون وجوز هند وزيت ذره

انا استخدمت

• زيت الذره العادي اللي نستخدمه في المطبخ
• زيت جوز الهند الزيت القديم اللي في علبة خضراء حديد
• زيت زيتون كان من حسن حظي جايبين من الأردن زيت زيتون عصرة أولى طازج ( هذا الزيت مره ممتاز للشعر حتى لو كان لوحده) يكون لونه افتح من زيت الزيتون الموجود بالاسواق

سويت نفس الطريقة اللي قالت عليها اضفت عليه حلبة وسدر وحبة سودا اللي هي حبة البركة بس ماكان عندي مطحون ف استخدمت الحب العادي
فيتامين E هي قالت حطو كبسولة بس حسيت ان كبسولة وحده على هالخلطة مره قليلة حطيت 7 كبسولات من فيتامين E واللي كانو عندي من محل GNC
أمس كان اول يوم احطها على شعري حطيتها 5 ساعات وغسلته ماشاءاله ماشاءاله الترطيب من اول استخدام..انا شعري بطبيعته جاف ومع الصبغات صار جدا جاف والحين فيه رطوبة ولمعه والأطراف لينه الحمدلله
هذا اول استخدام لي بس النتايج تبشر بالخير من اول استخدام بحاول استخدمه 4 مرات بالاسبوع بس المشكلة في ريحة زيت الجوز هند ما اطيقها بس مو مشكلة اللي يبغا الدح ما يقول أح