جربوا واحكموا بالصور

سويت اليوم ايدام كفته وحبيت انزل الطريقه مدعمه بالصور والشرح
بسم الله نبدء
المقادير
لحم مفروم 2
بصل ثوم فلفل رومي
بهارات ملح كمون رشه بقدونس مفروم
تعجب مع بعض وتكور على شكل دواير وترص بالصينيه وتوضع بالفريزر لتتماسك كم ساعه او نص يوم او يوم عادي
الطريقه
بعد تكويرها الكفته ترص بصينيه وتوضع بالفريزر
بعدين لما تتماسك طبعا انا دخلتها الفريزر بالليل وخرجتها العصر اسويها
بعدين نطلع الصينيه من الفريزر اجيب 2 صحن واحد بيض وواحد دقيق وابدء اغمس الكفته بالبيض بعدين بالدقيق وارصها بالصينيه
بعدين نجيب الصاج وفيه زيت حار نبدء نقلي حبات الكفته كلها
بعدين نرص الكفته بالصاج عقب قليها
بعدين نبدء نسوي كشنه الايدام
وهي نجيب قدر ونحط بصل زيت فلفل رومي بقدونيس ثوم ملح بهارات كمون صلصله طعام بندوره
عقبها نصب مويا حار عشان مرقه الايدام وبعدين ننزل حبات الكفته كلها بالقدر
نخليها تطبخ شوي وبس
شوفوا الصور واي سؤال انا حاضره وسامحوني لو موضوعي موواضح
الصوره ذي عقب ماعجنتها لفيتها دواير ورصيتها بالصينيه وحطيتها بالفريزر
الصوره ذي فيها الكفته يوم غمستها بصحن البيض وصحن الدقيق ورصيتهم بالصينيه عشان تكون جاهزه للقلي
شوفوا عقب القلي
شوفوا وهي بالفرن الكفته الكشنه حق الايدام
شوفوا المرق حق الايدام بالفرن ونصب الماي على الايدام بعدين لما تطبخ شوي نبدء ننزل دوايرالكفته على المرق
هينا قدمناه بالصحون
اللهم اجعلنا من العتقاء من النار في هذا الشهر الكريم
اللهم اغفرلنا وتب علينا ويسر امورنا واجعل الاخره همنا اللهم امين
اللهم قرب قلوبنا اليك ياغفور يارحيم
تكفون الي تدخل موضوعي يكفيني انها تدعي لي بظهر الغيب مومهم تكتب رد
انا صورة الكفته وارسلتها بلوتوث للجهاز وصغرت الصور وحملتها وكتبت الموضوع للفائده والمهم عندي دعوه بظهرالغيب بتيسير امور زواجي وان يحفظه لي
ويحفظ ازواجكم ويجعلكم قره في عين ازواجكم وان شاء الله محد فينا يشوف يوم نكد ولاهم اللهم امين
الي ماتحب ايدام كفته ممكن الكفته تقليها وتاكلها مع خبز وشطه وكاتشب وتستبدل بدال اللحم المفروم دجاج مفورم
الي بتنقل الموضوع لمنتدى ثاني ماسامحها لين تذكر المصدر ماتنسبه لها وشكرا
موضيعي الي فيها طبخاتي
بالروابط
http://alfrasha.maktoob.com/alfrasha20/thread1412503/ مندي
http://alfrasha.maktoob.com/alfrasha31/thread1357075/ كيكتي
http://alfrasha.maktoob.com/alfrasha29/thread1367335/
http://alfrasha.maktoob.com/alfrasha31/thread1351690/ بسبوستي