حبايبناا وش الدنيا بلاكم روآيتي الاولى

الباارت الاول ,
في منطقة الدفنه ل كبار الموظفين ,
في بييت فخخم , فيه السعاده والحب والهوواش , وكل اللي يخطر ع بالكم ,
5 أششخاص عايشين فيه , غير الخدم والدريوليياا طبعا
علي بن محمد بن علي ال ,,, : 45 سنه , مدير بنك معروف كامل ب فروعه ,
سلامه بنت ربيعه علي ال ,,, : 40 سنه , بنت عم علي ,
أولادهم ,
محمد : 19 سنه , في كليه عسكريه ,
عليا : 16 سنه , تدرس في ثاني ثانووي ,
العنود بنت مباارك بن علي ال ,, : هي بنت أخوو علي , اللي توفى هو ومرته ب حادث , وهي عايشه مع عمها , عمرها 19 سنه , أخت محمد بالرضضاع , وهي بين فتره وفتره تروح ل أهل أمها فالبحرين
وبتتعرفون على شخصياتهم فالقصه
الساعه 4 ونص , صباحاً ,يوم الاحد اول يوم دوام
قامت ع رنتها المخصصه ل توأمها { مها }
{ ياخذون اللي يبونه , كل هالعاالم وك ,,, }
ماخلت الرنه تكمل لانها ردت ع طول
العنود بصوت كله نوم : قمت يالمزعجه ,
المها : ياعنود المها انتي , أشتقت لج الصراحه , =$
العنود : مهووي انا أموت وأعرف تقوميني من 4 ونص ليش ! ماعندي مدرسه ماعندي شي عشان أقوم من وقت ,
المها : ياحبيبتي شلون ترضيين على نفسسج تجيين الدوام و ويهج منفخ ؟ , بعدين يابعد قلبي انتي , انا عازمتج ع الريوق =$ ,
العنود : لاتخريني أرقعه ف ويهج ! ريوق الساعه 4 ونص شالهبل !
المها تصرفها : أقول قومي قومي تسبحي وأكشخي , ترى وراج توصيلة علوي ها ,
العنود : زين كاني قمت
المها تصارخ : مب ترقدين
العنود تنرفزت من صراخها وسكرته ف ويهها ,
طلعت العنود عبايتها اللي بتلبسها حق الدوام ودقت حق شغالتها اللبنانيه ,
{ ل معلوماتكم , العنود ماتحب الخدامات الاسيويات , تحسهم وصخين , ف عشان جي لها خدامه خاصه لها , وهي اللي تدفع راتبها }
دارين : بونجوارر عنودي > أنطقوها باللبناني ها ههه
العنود : بونجوار دارين , تعالي غرفتي انا حطيت لج عبايتي ع السرير , اكويها لي نفس كل يوم , وسوي لي ريوقي ,
دارين : اي تؤبريني منا مشكله , هلا بجي لعندك .
سكرت من عند دارين , دخلت تاخذ شاور تصحصح فييه ,
طلعت لقت الساعه 5 : 15 , لبست الروب وراحت لجناح عليا > لان محمد فالكليه ف عشقت الراحه ;p
رفست الباب بريلها , عليا اول ماحست بالرفسه كورت الكفر عليها ,
العنود قعدت عالسرير وبدت تهز عليا : عليا , عليا عليا عليا عليا عليا عليا عليا عليا عليا عليا , عليو وصمخ حلجي عورني
عليا تشل الكفر : كل يوم مب اول مره , يلا طسي قمت ,
العنود : يلا حبيبي الحمام قدامي ادري بتردين ترقدين ! وانا مافيني شده كل يوم ييسجلوني تأخير بسبتج !
عليا تلعب في البي بي { بلاك بيري } وسافه العنود ,
العنود احترت وخذته : قومي علوي خلصيني !!!
عليا : اوف عندو تو الناس ياخي
العنود : مشكلتج قومي اخذي شوي اي شي كيفج , 6 ان مالقيتج فالسياره بطلع عنج سمعتي !
عليا سحبت الجوال تشوف الساعه : يالرزيله الحين حتى مايمديني اتسبح
العنود طالعه من غرفتها : انا قلت لج !
لبست العنود وقعدت فالصاله اللي فوق تنطر دارين تجيب عبايتها , وتنطر عليا تخلص عشان ينزلون يتريقون مع بعض , لان اصلا محد يقعد هالحزه الا هم ال 2
نزلو تريقو ’ وعلى الساعه 6 وربع هم فالسياره , { العنود هي اللي تسوق
عليا تتحرطم : الحين بذمتج , اوصل المدرسه هالحزه ! اقعد ادور بروحي جني هبله
العنود حاقرتها
عليا : والله لو مب منور اخت مهوي رفيجتج ولا جان انا وهي نطق راسنا فالطوف الصبح
العنود بعد حقرتها
عليا : والعظيم تقطونا المدرسه من وقت عشان ماتأخرون على دوامكم ! شذنبنا احنا شذنبنا !
العنود بعد حقرتها ,
عليا تدزها : هي انتي أكلمج انا
العنود : زين وأسمعج انا !
عليا : ردي علي عالاقل
العنود : كل يوم هالاسطونه زهقتيني عيشتي
عليا : لانها مب حاله !
حقرتها
عليا : تخيلي الضابطات يخلونا نتفش الصبح !
حقرتها ,
عليا : لان اصلا محد يجي المدرسه قبل الساعه 7 ونص !
حقرتها ,
عليا : انتي ومهوي تعاقبونا تخلونا ناخذ الدوام دبل
أخيرا وصلو المدرسه , العنود قربت من عليا لين صارت قريبه منها , عليا مسكينه تشققت عبالها بتوبسها بتراضيها , بس انصدمت يوم فتحت لها الباب وقالت لها
العنود : يلا مع السلامه !
عليا انصدمت : تطرديني @@ !!! ترى كل يوم تسوين هالحركه واسكت
العنود : تكفين علوي تكفين يرحم امج ! صدعت صدعت حسي
عليا تنزل بلفيت زعلانه : معليه ياعندو بتجيني والله بتجيني ,
ورضخت باب سيارة العنود بقووه وراحت . ابتسمت العنود ع حركتها اللي كل يوم تسويها , وحركت ,
وعلى طول رن جوالها { ياخذون اللي يبونه }
العنود بسرعه : ادري ادري بتقولين افتري وراج , مب مفتره ادري ان انتي { وطالعتها بالمنظره }
المها : يمه منج يالعيوز , زين شنو الحين بتروحين الداوم ؟
العنود : اي ! ناقصه قرقوش يحن على راسي انا
المها : تكفين شلتنا لين الحين ماطلعو من البيت ,
العنود : والدبره يعني كل يوم يطلعون هالحزه ,
المها : كيفج انا مب رايحه الدوام الحين !
العنود : طقاق زين خل يهزئج انا باروح
المها : عنود المها , عادي تروحين الدوام بدوني
ألعنود : جب زين انتو تعرفون شلون هالمدير حاط دوبه ودوبنا , باروح اساسا وصلت , يلا باي
المها : زين خلاص كيفج , يلا باي , بعدين ياحلوتي , كم تسوقين ؟
العنود : مالج خص , يلا لازم اسكر , خبرج ماييرضون ندخل واحنا انتكلم فالفون
وسكروو
دخلت الدوام وسلمت من لسان مديرها لانها وصلت عال 7 بالضبط ,
وعلى طول قعدت ع المكتب فاضيه لا شغله ولا مشغله ’ تمت تعدل ف مكتبها ,
واخر شي طلعت المناكير وقعدت تحط لها لين يجيوون ربعها

وهي ف عز اندماجها ف ترتيب المناكير ,
دخل أحدى الموضفين وصرخ ,
مسعود : العنود
فزت العنود وطاحت الفرششاه ع عبايتها ,
العنود : الله يغربلك مسعود اشفيج ,
مسعود : بسرعه بسرعه قومي شوفي ربعج وهم يتهزأون بسرعه
العنود قامت : لا والله @@
مسعود يجرها من يدها : قوومي المدير جامع الكل عشان يشوفون تهزئتهم ,
طلعو من المكتب بسرعه ع مدخل الشركه , وشافت الشله المرحه ,
المها , بشاير , عاشه , ريم , أمنه ,
اول ماشفتهم أبتسسمت , وهم الهبل على طول سوو لها بيبااي :55:,
المدير تنرفز : يامحترمات انا أكلمكم ,
المها : زين وياك احنا نسمعك ,
المدير : مها في أحد يكلم مديره بهالاسلوب !
ريم بملل: زين ماقالت شي هي شسالفه @@
المدير : انا لما مأ أكلمج انتي تسكتين !
سكتت ريم متفشله
وو العنود أطلقت ضحككه أستفزازيه , تنرفز فيها ريم
التفت المدير : ماشاء الله ماشاء الله العنود هني
العنود تعدل وقفتها : ايووه , توني جييت =$ { تقصد انها توها جايه تشوف الهوشه
المدير بصراخ : متأخره بعد
العنود رفعت راسها بصدمه : ل,,,,,
المدير : ولا كلمه تحسبيني مب داري انج متأخره ! وداخله مكتبج بالخش ,
مسعود حس انه وقهها : لاا لاا استاذ منصور
المدير : ماشاء الله أنت متأخر بعد , { بصراخ } تعالو وقفو يمهم يلا
راحو العنود ومسعود , والشله فيهم الضحكه ,
بشاير : قسسم بالله كأننا ف المدرسه ! انا حتى المدرسات ماكانو يتجرأون يسون فيني جي @@
أمنه : هالدب , مسقوي علينا ’
ريم تصارخ : أستاذ استاذ
المدير طالعها بنظره يعني شتبين ,
ريم بصراخ : كا كا مشاعل متأخره أستاذ , متأخره جايه 8 ونص , ليش ليش !!
المدير التف , وابتسمت له مشاعل أبتسامه تذوب, وأشر لها تروح ,
المدير : انا بكيفي أحاسب اللي أبي , واللي ما أبي
ريم بلمت : نعم @@ !
عاشه : ظلم
المدير : يلا الحين كل وحده على مكبتها , واللي أشوفها تطلع قبل الساعه 5 المغرب تعتبر نفسها مفصوله
الكل بصدمه : شنو و
المدير : هي كلمه وحده وما اعيدها
مسعود : استاذ انا وياهم ,
المدير : انت أولهم
العنود : اسستاذ منصور لوسمحت انا جايه ع الوقت بالضبط
المدير : مب شلتج ذيلآ ! المفروض اتمين وياهم فالسراء والضراء
وراح , والبنات تمو واقفين
العنود : من صجه !!
بشاير : باذبحه , قسم بالله لا أذبحه !!
العنود تضرب المها ع جتفها بقو : كله منج كله منج قلت لكم لأتأخرون قلت لكم :@
المها : ياخي عنيد شدرانا احنا
العنود بتنرفز : ياشيخه ! وعلوي اليوم تطلع 12 تنللطع فالمدرسه يعني محد ياخذها
المها تضرب ع راسها : اووييه حتىى منور
العنود راحت وهي معصبه : سخافتكم , مادري متى بتعقلوون عنها
مسعود : لا أعصابها تلفانه
بشاير : ياخي انتو شحقى توصلون خواتكم , خل الدريوليه يوصلونهم لازم انتو
المدير يطل عليهم من فوق : ع مكاتبكم انا قلت
وبسرعه تفرقو

روعه
وااصلي يا قلبو متابعتك ..
بدايه جميله !!

موفقه
اللهم صل على نبينا و حبيبنا محمد

روعه قمه واصلسي وبعدين يوم راحو مكاتبهم وش صار

بدآيه رآيقهُ ..
بآنتظآركً ..