حركات بسيط راح ترسم البسمه على شفايف زوجج وتقربج منه وكلها انا مجربتهم وطبعا عجبه

السلام عليكم ورحمة الله وبركاته...
كل وحده فينا تحب تسوي حركات لزوجها عشان تونسه وتقربها منه..
عشان جذي:أحب أحط لكم شوية حركات بسيطه..انا مجربتهم..وعجبوا زوجي حيل وتفاجأ منها..رغم انها بسيطه..
ملاحظه:بعض الفراشات يقولون:زوجي ما راح ينتبه.
لا يا عمري راح ينتبه ويستانس..اللحين اكتب لكم الحركات وقولو لي رايكم؟واللي تحب تضيف شي حياها الله
الحركات:
===============
1حطي من عطره المفضل..راح يتفاجأ ويستغرب..بعدين يضحك
2ارسلي مسجات لتلفونه أو على البلوتوث..ذكريه بحبه لج
3ارسلي له بطاقات فلاشيه رومنسيه على ايميله
4ألبسي من ملابسه(الشتا اللي طاف لبست جاكيت من مالوته وابتسم وقالي احلى عليج)
5لا تنتظرينه يقولج(أغسلي ملابسي أو أكويهم) انتي سويهم من نفسج
6كل فتره اهديه هديه حتى لو من غير مناسبه وحتى لو تكون بسيطه(مداليه او ولاعه....)
7أبتسمي بوجهه على طول الا اذا كان زعلان
8قولي له نكت وألغاز أو العبوا مسابقات وأسئله
9أكشخي بالبجامات الحلوه قدامه
10على طول حطي معطر جسم+معطر جو بالغرفه
11حفي جسمج على طول وشيلي الشعر الزايد منه
12لا تنسين قصات الشعر والتسريحات(وانتي قاعده بالبيت معاه)
13لو شفتيه زعلان اتركيه بروحه شوي..وبعدين لاعبيه وأضحكي معاه
14النصيحه الذهبيه:عاملي زوجج كالطفل..لان التشابه بينهم كبير
5لا تدخلين احد من اهلج او اهله في مشاكلكم الخاصه ولا تطلعين عيوب زوجج لاهلج ولا تفضحينه او تتكلمين عنه بالسوء
6ألبسي قمصان نوم..وغيري بين الطويل والقصير
7كل فتره دلكيه(مساج) بالزيوت والكريمات
8كل فتره فاجئيه بالحمام:اترسي البانيو ماي وحطي فيه رغوه ومعطر جسم..ورشي الحمام معطر جو..ولا تنسين الشموع وتطفين ليت(لمبة)الحمام عشان يصير الجو رومانسي
9لما يجي ينام ألعبي بشعره ودلكيه
20كل فتره اطلبي منه انكم تطلعون تروحون للبحر او سينما او تشربون عصير في مطعم فخم
21أكثري من السوالف والكلام بينكم(سولفوا عن ايام الصغر والمدرسه)
2اعطيه فرصه للكلام لان الرجال يحب يتكلم..واستمعي له
3الاحضان لها دور كبير بالعلاقه الزوجيه..أحضنيه كل يوم
4ألعبي معه بالغرفه(تركضين ويلحقج) او(تخرعينه لما يجي من الدوام)
5لا تعطينه فرصه يفكر بغيرج أو بأصدقائه
6حسسيه انج انتي كل الناس له
27أرقصي له مصري او خليجي(للتغيير)
8شوفوا افلام فيديو بالبيت(يفضل رعب) عشان لو خفتي تقطين نفسج بحظنه
9اذا تبين ترفضين له طلب لاتقولين على طول لا وتفشلينه(تحرجينه)..قولي لا بطريقه مختلفه..
0لا تنسين ذكر الله والصلاة على نبينا محمد صلى الله عليه وسلم.
والله يوفق الكل..