حركات حلوه استفيدي من اي شي عندك

--------------------------------------------------------------------------------
%موهبه,فن,تصميم,تنفيذ,ابداع%
نملك مواهب نملك التصميم
مبدعين بالفطره
كل شي تحت ايدنا يتحول لتحفه فنيه
الشي الوحيد اللي نحتاجه هو الهمه والحماس..
خل نظرتك فنيه بحته لكل شي حولك
جمع افكارك .. رتبها ..
استغل كل شي مفيد .. والغير مفيد يصير مفيد بشويه ذكاء..
اقضي وقت فراغك.. فيد واستفيد..

• _ _ _
• موضوع ان شاء الله راح يفيدكم..

كل ماهو مفيد راح انقله لكم هنا..
خاص بالمبدعين والموهوبين في جميع المجالات..
واصحاب النظره البعيده لكل الأشياء..
افكاري.. تصاميمي.. ابداعي.. ( مجهودي الخاص )
او ما انقله لكم بنظرتي انا وتطويري انا..
كل يوم في شي جديد.. ابداع فني جديد..
واتمنى من كل شخص يملك روح الابداع والموهبه الفنيه يشاركنا..

• _ _ _ _
• _ _ _ _

%مساند من الوسائد%

• عندك وسائد كثير زايده ف البيت?!

¤اصنعي منها مساند ومتاكي جميله..
¤قصي المخده من النص وافصلي القطن اللي داخل لنصفين ودخليه مره ثانيه ف الأكياس..
خيطي الجزء المفتوح بغرزه تثبيت..
وكذا صار عندك مسندين..
¤اصنعي اكياس لتلبيس المساند من بقايا الاقمشه..
¤اختاري الستان بعده الوان..
ولبسي كل مسند بلون..
¤لك الخيار بتزين المسند بالخرز والخيوط والأشرطه الملونه..
¤وزعي المساند ف غرفتك على السرير..على الكراسي والكنب..او على الارض..
وراح تعطي شكل و طله حلوه للغرفه..

• _ _ _

%مفرش صغير للأرض%

• عندك مجموعه مناشف منتي مستفيده منها?!

جمعيها واغسليها عدل..
قصي منها شرايط بطول 20 سم تقريبا..
اشتري قماش مخرم أي كان نوعه..في بلاستيك خفيف..او خيش قاسي.... الخ وقصيه بالحجم المطلوب للمفرش..
$موجود ف المكتبات الكبيره ومحلات لوازم الاشغال اليدويه$..
¤دخلي الشريط من فتحه وطلعيه من الفتحه اللي جنبها علطول واربطيها ربطه عاديه..
اكملي العمل لين تغطي مساحه القماش..
€والنتيجه مفرش ناعم ومريح يوضع ع الارض و يستخدم ك ديكور او للجلوس عليه€..

• _ _ _

%بوت من صنعك%

• عندك بلايز شتويه صوف تريكو او ثقيله مره وماعدتي تلبسينها ومنتي محتاجتها!?

عندك احذيه قديمه راحت موضتها وماعاد تلبسينها!?
¤قصي اكمام البلايز من حد الكم عند الكتف..
¤ادخلي الحذاء ف الكم بحيث ان القماش يغطي اغلب الحذاء ماعدا القاعده..
¤الصقيه جيدا بمسدس الصمغ او أي غراء مناسب..
¤احضري شريط جلد او أي نوع مناسب والصقيه ع الحواف من الجنب عشان نغطي اطراف القماش..
¤اضيفي لمستك ع البوت_من شرايط واضافات او اتركيه مثل ماهو..

• _ _ _

%دفاتر كول%

• طالبه مدرسه..

وتحبي التميز ف كل شي..
¤اجمعي دفاترك وتفنني في غلافها..
¤اجمعي اقمشه مناسبه تكون ثقيله..صوف..تريكو..فرو..اقمشه ريش..خيش....الخ
¤غلفي دفترك بالقماش اللي تحبي وصمغيه من داخل بصمغ مايبين ع القماش من برا..
¤اثني حواف القماش لداخل الغلاف وصمغيها..
¤قصي قطعه ورق ملون كبر الغلاف ولصقيها عليه من داخل عشان نخفي حواف القماش..
¤تفنني في الغلاف .. اضيفي شرايط او خيوط صوف.. او لمعه قلاترز .. او الصقي قطع جينز وجيوب وحركات.. لك الحريه..
هذي الطريقه انا مجربتها كنت اسوي دفاتري كذا ايام المدرسه.. الكل كان منهبل عليها..

• _ _ _

%اكسسوارات شعر%

• اكسسوارات شعر بسيطه من قطع صغيره من الشرايط..

¤اجمعي بقايا الشرايط عندك واعقدي كل شريط بشكل "فيونكه" صغيره..
¤ادخلي مشبك شعر صغير"بنسه" في الربطه خلف الشريط..
¤زيني فيها شعرك مع التسريحه.. وبدلي الالوان حسب لبسك..
ملاحظه>اغلب اكوافيرات يستخدمون هالطريقه لتزيين التسريحه<

• _ _ _

%اكمام منفصله%

• عندك بلايز قديمه اكمامها طويله وماعدتي محتاجتها!?

¤قصي الكم كامل.. عدلي حافته المقصوصه بغرزه اللفقه..
¤واستخدميه كم منفصل..
ملاحظه>الكم المنفصل موضه..حلو للبنات الصغار ولاعطاء منظر كول وكاجوال.. آند اذا كنتي لابسه بلوزه كمها قصير ينلبس معها الكم المنفصل لتغطيه الذراع كامل<

• البلايز اللي قصيتي اكمامها ارجعي عدلي اطراف الكم المقصوص والبسيها ك بجامه ف البيت.. بالذات اذا كان قماشها قطني ومريح..
• _ _ _

%اساور كول بالتريكو%
¤عندك معرفه بطريقه التريكو..?!
استفيدي منه لصنع اساور بناتيه لك او لبنات صغار..
¤اختاري خيوط صوف نايلون..او اي صوف مناسب..وبألوان متعدده..
¤اعملي غرزه البدايه بالعدد المناسب حسب رغبتك اما رقيقه او عريضه..اكيد اقل شي غرزتين..وأكثرها 5 او حتى 9 غرز..
¤اشتغلي القطعه الى الطول المناسب.. انهيها واجمعي الطرفين وثبتيهم بخيط عادي وابره..
واذا كانت رقيقه تقدري تثبتي خيط صوف مثني ف كل طرف بحيث ينربط ع المعصم..
¤زيني القطعه بالخرز وتفنني فيها..
¤اعملي كذا قطعه بكذا لون واحجام مختلفه والبسيهم سوا.. تعطي شكل حلو للإيد..
¤حلوه..ناعمه.. ومناسبه اكثر للبنات الصغار والمراهقات..

• _ _ _

%زيني حقيبتك بنفسك%

• عندك حقائب كثيره..قديمه..مليتي من شكلها..?!

¤اجمعي الأزره..بقايا الخرز..الأشرطه الملونه..بقايا الاكسسوارات..السلاسل..وكل شي يصلح للزينه..
¤انثري الأزرار على الحقيبه بألوان واحجام مختلفه..
ثبتيها ع الحقائب بشكل جميل ومرتب..باستخدام الصمغ او الخيط والابره..
¤أو استخدمي الجل الملون الخاص بالقماش..
ارسمي اشكال على الحقيبه..واتركيها تجف.. ثم وزعي الخرز حول الرسومات بطريقه مرتبه..

• _ _ _

هذا اللي عندي حاليا..
كل ما اتذكر شي برجع اضيفه ع الموضوع..
واكيد اي وحده عندها اضافه تحطها هنا..
تحياتي..